نیته ۱۴۰۳/۷/۵  د زابل ولایت د توري بند د ا.ا.ا د ریاست الوزراء د اقتصادي مرستیال ښاغلي ملا عبدالغني برادر اخند، د ملي پراختیا شرکت مسؤلینو، د اوبو او انرژۍ وزارت مسؤلینو، د سیمه ییزو چارواکو او ځانګړو مېلمانو پر ګډون پرانیستل شو. دا بند د زابل ولایت مرکز کلات ښار څخه په څلور (۴) کیلومترۍ کې پروت دی او ملکیت یې د اوبو او انرژۍ محترم وزارت پورې اړوند دی. د توري بند د اړوندو ودانيو چې په هغه کې د بند بنسټ، برېښنا خونه، خدماتي او بيړنۍ برج شامل دي، ودانېزې چارې یې د ملي پراختیا شرکت له خوا د ١۴٠١ کال د سلواغې د مياشتې په ٩ نيټه پيل او د نوموړي بند ودانېزې چارې د ۱۴۰۳ کال د سلواغې مياشتې په ٣١ نېټه بشپړې او ګټې اخیستنې ته وسپارل  شو. د توري بند د جوړېدو موخه د کرنيزو ځمکو د خړوبولو او د موسمي اوبو د ذیرمه کولو او همدارنګه د ځمکې لاندې د تعذیې په پار اوبه ذېرمه کول دي. د يادونې وړ ده، چې د دغه بند لوړوالى له سمندر څخه تر خپلې څوکې پورې ٢٣ متره دى او د ٢،٩ ميليونه متر مکعب اوبو د زېرمه کولو، د ٥٦٠ هکتاره ځمکې د خړوبولو او د ٦١ کيلوواټه برېښنا د توليد ظرفيت لري.

د ملي پراختيا شرکت په پام کې لري، چې د جبل السراج د سمنټو تولیدي فابريکې اړوند (۱۶۰۰۰) ټنه سمنټ د بولۍ له لارې وپلوري. هغه کسان چې غواړي په دې بولۍ کې ګډون وکړي، کولای شي د پورته سمنټو شرطنامه د کابل ښار پنځلسمې ناحيې اړوند قصبه سيمه کې د ملي پراختيا شرکت له مرکزي دفتر څخه ترلاسه کړي او خپل وړانديزونه د اعلان د خپرېدو تر نېټې وروسته تر چهارشنبې ورځې پورې چې له ((1403/02/26)) نېټې سره سمون خوري، د کابل ښار پنځلسمې ناحيې اړوند قصبه سيمه کې د ملي پراختيا شرکت د عامه اړيکو آمريت ته وسپاري. تر وخت وروسته او د انټرنېټ له لارې وړانديزونه نه منل کېږي. د بولۍ غونډه پر ((1403/02/26)) نېټه د چهار شنبې پر ورځ د سهار (10:00) بجې د نوموړي شرکت د غونډو په تالار کې ترسره کېږي.

د ملي پراختيا شرکت په پام کې لري، چې د سرپل ولايت د بلخاب ولسوالۍ د ګلورز او ګواخ له کانونو څخه يو ميليون (1000000) ټنه د ډبرو سکاره د مزايدې له لارې وپلوري. هغه اشخاص چې غواړي په دې مزايده کې ګډون وکړي، کولای شي د پورته ډبرو سکرو شرطپاڼه د کابل ښار په قصبه سيمه کې د ملي پراختيا شرکت له مرکزي دفتر څخه ترلاسه کړي او خپل وړانديزونه د اعلان له نشر څخه وروسته تر پنجشنبې ورځې ((13/02/1403)) نېټې پورې د کابل ښار پنځلسمې ناحيې اړوند قصبه کې د ملي پراختيا شرکت د عامه اړيکو آمريت ته وسپاري. تر وخت وروسته او د انټرنېټ له لارې وړانديزونه د منلو وړ نه دي. د مزايدې غونډه د پنجشنبې پر ورځ د سهار (10:00) بجې چې د ((13/02/1403)) نېټې سره سمون خوري، د ياد شرکت د غونډو په تالار کې ترسره کېږي.

د ملي پراختیا شرکت مالي او اداري مرستیال مولوي عبدالولي عادل په شتون کې د دې شرکت د ۱۷ بېلا بېلو خالي بستونو لپاره له ۱۷۳ تنو څخه آزموینه واخیستل شوه. د ملي پراختیا شرکت مالي او اداري مرستیال مولوي عبدالولي عادل د آزموینې ګډونوالو ته وویل: د خوښۍ ځای دی، چې اوس مهال ملي پراختیا شرکت د هېواد په سطحه سترې او ملي پروژې پرمخ وړي او موږ تل هڅه کړې تر څو په دې سترو پروژو کې د کارکوونکو د جذب پروسه د آزادې سیالۍ له لارې په خورا رونټیا پرمخ یوسو. نوموړي زیاته کړه، تاسو ډاډه او مطئن اوسئ، دا پروسه رڼه او شفافه ده او حق به حقدار ته رسېږي. د یادولو وړ دی، ملي پراختیا شرکت تر دې وړاندې هم په سلګونو کسان د آزادې سیالۍ له لارې د دې شرکت په بېلا بېلو برخو کې په دندو ګمارلي دي.