د هېواد شمال ته د قوش تېپې د ستر او ملي کانال د چارو د لیدنې لپاره د چارو ادارې لوی رییس شیخ نورالحق انور، د ملي پراختیا شرکت مالي او اداري مرستیال الحاج مولوي عبدالولي عادل او تخنیکي ټیمونو سفر وکړ او د قوش تېپې کانال له بېلا بېلو برخو یې له نږدې لیدنه وکړه او د هېواد د آبادۍ او ځان بساینې لپاره یې د ملي پراختیا شرکت کړنې وستایلې. د چارو ادارې لوی رییس شیخ نورالحق انور وویل، د قوش تېپې کانال د هېواد یوه حیاتي پروژه ده او ا.ا.ا. ژمن دی، چې چارې يې په ښه کیفیت او ګړندۍ توګه بشپړې کړي او په دې برخه کې یې د ملي پراختیا شرکت کړنې وستایلې، چې د هېواد د آبادۍ او پرمختګ په برخه کې یې کوټلي ګامونه اخیستي دي. د ملي پراختیا شرکت مالي او اداري مرستیال الحاج مولوي عبدالولي عادل وویل، اوس مهال د قوش تېپې کانال چارې په ښه توګه پرمخ روانې دي او ملت ته ډاډ ورکوو، چې د دې پروژې چارې به په ښه کیفیت او ګړندۍ توګه پرمخ بیایو. د یادولو وړ دی، چې د دې کانال چارې اووه میاشتې مخکې د ا.ا.ا. د ملي پراختیا شرکت له لورې پيل شوې او اوس مهال د قوش تېپې کانال کې له ۲۵۵۰ څخه ډېره ماشینری په کار بوخت ده، چې له ۴۰۰۰ څخه ډېر کسانو ته په کې د کار زمینه برابره [...]

د ملي پراختیا شرکت رهبرۍ او فني ټیم له پروژو څخه د لیدنو په لړ کې دا ځل زابل ولایت ته سفر وکړ، د تورې له بند څخه یې لیدنه وکړه او د دې پروژې چارې یې له نږدې  وکتلې. د ملي پراختیا شرکت عمومي اجرایوي رییس عبدالرحمن عطاش د تورې بند یوه مهمه پروژه یاده کړه او ټینګار یې وکړ ترڅو د پروژې د تطبیق پرمها ل کیفیت او سرعت په پام کې ونیول شي او هم یې د پروژې مسوولینو ته دنده وسپارله ترڅو د اوبو د دې حیاتي بند چارې د اوبو او انرژۍ وزارت او د زابل له محلي ادارې سره په ښې همغږۍ مخکې یوسي. د اوبو دا بند د زابل ولایت مرکز قلات ښار په څلور کیلومترۍ کې موقعیت لري، د موسمي اوبو د ذخیره کولو، کرنې ودې او د برېښنا تولید لپاره جوړېږي، چې د تطبیق چارې یې د ملي پراختیا شرکت د هلمند ودانیز ریاست له لوري پرمخ وړل کېږي.   د یادولو وړ دی، د تورې بند ۲۵ متره جګوالی، ۷۰ متره اوږدوالی لري او ۲.۹ میلیونه متره معکبه اوبه ذخیره کوي، چې د ۱۰۰ کیلو واټه برېښنا د تولید ظرفیت لرلو سر بېره به ۶۰۰ هکټاره کرنیره ځمکه هم خړوبه کړي.

د ملي پراختیا شرکت عمومي اجرایوي رییس عبدالرحمن عطاش له پروژو څخه د لیدنو او ارزونو په لړ کې دا ځل د کمال خان بند د ترکو او قلعه افضل کانالونو له چارو څخه لیدنه وکړه. په دې لیدنه کې د ملي پراختیا شرکت عمومي اجرایوی رییس د دې پروژې د چارو له پرمختګونو خوښي څرګنده کړه او مسوولینو ته یې لارښوونه وکړه ترڅو په چارو کې کیفیت، دقت او سرعت په پام کې ونیسي. ښاغلي عبدالرحمن عطاش د کمال خان بند له کانالونو د لیدنې پرمهال زیاته کړه، دا پروژه یوه ملي پروژه ده او د افغانستان د خوړو خوندیتوب په کې نغښتی دی نو باید په دې برخه کې ډېره انرژي مصرف کړو. د دې کانالونو د کیندنې چارې د ملي پراختیا شرکت د بنایي ودانیز ریاست له لوري پرمخ وړل کېږي، چې مالي بودیجه یې د افغانستان اسلامي امارت له لوري ورکول کېږي. د یادولو وړ دی، دا کانالونه د کمال خان بند له اصلي کانالونو څخه دي، چې د ترکو او قلعه افضل کانالونو له جوړېدو وروسته به د څه باندې ۴۹ زره هکټاره وچو او بې حاصله ځمکو د خړوبولو تر څنګ  په نیمروز ولایت کې د کرنې د ودې او کارموندنې زمینه هم مساعده شي.

د زابل ولایت د تورې بند د جوړونې چارې د ملي پراختیا شرکت مالي او اداري مرستیال مولوي عبدالولي عادل، د اوبو او انرژۍ وزارت وزیر مولوي عبدالطیف منصور، د اوبو او انرژۍ وزارت د اوبو معین انجنیر مجیب الرحمن عمر آخندزاده، د زابل ولایت سیمه ییزو چارواکو، دیني علماوو او قومي مشرانو له لوري رسماً پيل شوې. د ملي پراختیا شرکت مالي او اداري مرستیال مولوي عبدالولي عادل وویل؛ د زابل درنو ولسونو ته ډاډ ورکوم، چې ملي پراختیا شرکت به د تېر په څېر د خپل مسلکي او په کار پوه ټیم پرمټ د دې بند چارې په ښه کیفیت او په ګړندۍ توګه سرته رسوي. ښاغلي عادل زیاته کړه؛ د دې بند طرح، ډیزاین او تطبیق د افغاني انجنیرانو لوري پرمخ وړل کېږي، چې مالي ملاتړ یې هم د هېواد له ملي بودیجې څخه کېږي. د اوبو او انرژۍ وزیر مولوي عبدالطیف منصور وویل؛ د زابل ولایت د غیرتي او مجاهد ولس د غوښتنو په اساس او د دوی د قربانیو څخه د قدرداني پخاطر د ا.ا.ا مشرتابه غوره وګڼله، چې د تورې بند د جوړونې چارې پیل شي او د همدې مېړني او مجاهد ولس هیلې په حقیقت بدلې شي. ښاغلي منصور زیاته کړه، ا.ا.ا د ولس ټولو اساسي غوښتنو ته ژمن دی او هره کړنه په عمل کې ثابتوي، چې ښې بېلګې یې د قوش تېپې کانال، کمال خان بند د کانالونو جوړول، د کجکي [...]

د قوش تېپې کانال ته د ملي پراختیا شرکت عمومي اجرایوي رییس عبدالرحمن عطاش او د بلخ ولایت والي مولوي قدرت الله حمزه او تخنیکي ټیم د خپل سفر په ترڅ کې د ځایي مسوولینو کړنې وستایلې او هم یې زیاته کړه، دا کانال د هېواد یوه حیاتي پروژه ده، د بلخ ولایتي اداره به له ولس سره اوږه په اوږه د دې پروژې ساتنه په هره بیه کوي.د یا دولو وړ دی، اوس مهال په دې کانال کې ۱۶۷۵ ماشینري په کار بوخت ده، چې ټول ټال د کانال ۱۵ فیصده چارې پرمخ تللې دي او دا چارې د یو قوي تخنیکي ټیم پرمټ تطبیق او څارل کېږي.

بلخ ولایت ته د ملي پراختیا شرکت عمومي اجرایوي رییس عبدالرحمن عطاش او د اوبو او انرژۍ وزارت د اوبو معین انجنیر مجیب الرحمن عمر آخندزاده او تخنیکي ټیم د قوش تېپې کانال پروژې له چارو د لیدنې ترڅنګ د ځایي مسوولینو کړنې وستایلې او هم یې ورته د دې پروژې د چارو د لا چټکۍ لپاره اړینې لارښوونې وکړې. د یا دولو وړ دی، اوس مهال په دې کانال کې ۱۸۰ قرادادي شرکتونه او ۱۶۷۵ ماشینري په کار بوخت او د کانال ۱۵ فیصده چارې پرمخ تللې دي، چې دا چارې د یو قوي تخنیکي ټیم پرمټ تطبیق او څارل کېږي.