شنبه ۱۶ زمری ۱۴۰۰ د بادغیس ولایت مرکز قلعه نو کې د کوید ۱۹ پنځوس بستریز روغتون د جوړیدو چارې د ملي پراختیا شرکت کور جوړونې ودانیز ریاست له لوري بشپړې شوي او ډیر ژر به ګټې اخیستنې ته وسپارل شي. دغه روغتون د ټولو اړینو ملحقاتو لکه: د بستر خونې، عملیات خونه، بیړنې څانګه، لابراتوار، درملتون، ایکسرې او نورو اړینو څانګو په درلودلو سره جوړ شوی دی. ددې روغتون مالي لګښت يې د عامې روغتیا وزارت لخوا ورکړل شوی دی. دا روغتون په داسي حال کې د ملي پراختیا شرکت له لورې جوړیږي چې په دې وروستیو کې دغه شرکت د هیواد په بیلابیلو ولایتونوکې د کوید ۱۹ ناروغانو لپاره مجهز روغتونونه جوړ کړي دي.

پنجشنبه ۱۴ زمری ۱۴۰۰ په سرپل ولایت کې د کوید ۱۹ پنځوس بستریز روغتون د جوړیدو چارې بشپړې شوي او ډیر ژر به ګټې اخیستنې ته وسپارل شي. دغه روغتون په ۲۴۴۸متر مربع مساحت ځمکه کې د ټولو اړینو ملحقاتو لکه: د بستر خونې، عملیات خونه، بیړنې څانګه، لابراتوار، درملتون، ایکسرې او نورو اړینوڅانګو په درلودلو سره جوړ شوی دی. دغه روغتون د ملي پراختیا شرکت د کور جوړونې ودانیز ریاست له لوري جوړ شوی، چې مالي لګښت يې د عامې روغتیا وزارت لخوا ور کړل شوی دی. دا روغتون په داسي حال کې د ملي پراختیا شرکت له لورې جوړیږي چې په دې وروستیو کې دغه شرکت د هیواد په بیلابیلو ولایتونوکې د کوید ۱۹ ناروغانو لپاره مجهز روغتونونه جوړ کړي دي.

چهارشنبه ۱۳ زمری ۱۴۰۰ د ملي پراختیا شرکت او افغان تیلې کام مخابراتي شرکت رهبري پلاوي ترمنځ د نویو رغول شویو ښارګوټو لپاره دانټرنیټي خدمتونو چمتوکولو په موخه ګډه غونډه ترسره شوه. په دې غونډه کې د ملي پراختیا شرکت مالي او اداري مرستیال ضیاءالله شفیق، د دفتر رییس رفیع الله عزیزي، دملاتړې ادارې ریس عبدالفتاح مخلص، د کورجوړونې تخنیکي مرستیال ناصرجمال اود افغان تیلې کام مخابراتي شرکت عمومي رییس محمد فواد انورزي ګډون کړی وو. د ملي پراختیا شرکت مالي او اداري مرستیال ضیاالله شفیق په نویو جوړو شویو ښارګوټوکې دانټرنیټي خدمتونو له چمتوالي خبر ورکړ وې ویل له افغان تیلې کام مخابراتي شرکت سره به ترهراړخیز تړون وروسته، دغو ښارګوټو کې انټرنیټي خدمتونه فعاله شي. بل خوا د افغان تیلې کام مخابراتي شرکت عمومي رییس د انټرنیټي خدمتونو فعالولو ته چمتوالی وښود او ژمنه یې وکړه چې له نهایي تړون وروسته به په دغو ښارګوټو کې غوره انټرنیټي خدمتونه چمتو کړي. په ښارګوټوکې د انټرنیټي خدمتونو موضوع په داسې حال کې مطرح کیږي چې همدا مهال د ملي يراختیا شرکت کورجوړونې ودانیز ریاست له لوري د دریو ښارګوټو (لاله، سنایي غزنوي او بګرامیو) د جوړیدو کارونه روان دي چې ټاکل شوې ترڅو راتلونکو میاشتو پورې د سنایي غزنوي ښارګوټي کارونه بشپړ اوګټې اخیستنې ته وسپارل شي.

چهارشنبه ۱۳ زمری ۱۴۰۰ د عدلیې وزارت پخوانۍ ودانۍ چې دکابل ښار پښتونستان واټ سره موقعیت لري د بیارغولو چارې به یې ډیر ژر بشپړې او ګټې اخیستنې ته وسپارل شي. دغه ودانۍ په دریو پوړونو کې د ټولو اړینو ملحقاتو لکه: اوبو رسونې سیستم، بريښنا سیستم، فاضله اوبو سیستم او نورو معیاري امکاناتو په درلودلو سره بیارغول شوې ده. د عدلیې وزارت پخوانۍ ودانۍ د ملي پراختیا شرکت افغاني ودانیز ریاست له لوري د جمهوري ریاست ملاټړې ادارې په مالي لګښت بیارغول کیږي چې ۹۵ سلنه عملي چارې يې پرمخ تللي دي. دغه ودانۍ په داسې حال کې بیارغول کیږي چې همدا مهال لسګونه بیلابیلې دولتي ادارې د ملي پراختیا شرکت له لوري د جوړیدو او بیارغولو په حال کې دي.

سه شنبه ۱۲ زمری ۱۴۰۰ د لويې څارنوالۍ د الحاقیې ودانیو جوړولوچارې چې د ملي پراختیا شرکت له لوري پیل شوي ګړندۍ پرمخ روانې دي او تردې مهاله یې ۴۱ سلنه رغنیزې چاري بشپړې شوې دي. دغه ودانۍ چې د ملي پراختیا شرکت افغاني ودانیز ریاست له لوري په ملي معیارونو او عصري وسایلو سمبال جوړیږي، مالي لګښت یې د پایتخت زون پرمختیایي ادارې لخوا ورکول کیږي. د یادونې وړ ده چې اوسمهال ملي پراختیا شرکت د هیواد په کچه سلګونه لویې او وړې پروژې تر کار لاندې لري، چې زرګونه هیواد والو ته پکې د کار زمینه برابره شوې ده.

دوشنبه ۱۱ زمری ۱۴۰۰ د غزني ولایت واغظ ولسوالۍ کې د حضرت بلال (رض) جامع جومات چې د ملي پراختیا شرکت بنایي ودانیز ریاست له لوري جوړیږي رغنیزې چارې یې ښې پرمخ روانې دي. دغه جومات په ۳ زره متر مربع مساحت ځمکه کې په دو پوړونو کې له ټولو اړینو ملحقاتو سره جوړیږي چې په یو وخت کې به د ۶۰۰ تنه لمونځ کوونکو د ځایدو وړتیا ولري او مالي لګښت يې د جمهوري ریاست ملاتړې ادارې له خوا ورکول کیږي. د یا دونې وړده چې د غزني ولایت په نورو ولسوالیو کې هم د ورته جوماتونو د جوړیدو چارې د ملي پراختیا شرکت له لورې روانې دي چې په نږدې راتلونکي کې به ګټې اخیستنې ته وسپارل شي.