دوشنبه ۴ زمري ۱۴۰۰ د بغلان ولایت بنو ولسوالی یوچ سیمه کې د چکډم جوړولو چارې به ‌ډیر ژر بشپړې او ګټې اخیستنې ته چمتو شي. دغه چکډم ۱۵ متره اوږدوالی، ۸،۲ متره سور او ۵،۲ متره لوړوالی لري چې په یو وخت کې به د ۳۵۰۰۰ مترمکعب اوبو د ذخیره کولو وړتیا ولري. دغه چکډم د ملي پراختیا شرکت هلمند ودانیز ریاست له لوري جوړیږي چې مالي لګښت يې د اوبو د تنظیم ملي ادارې له خوا ورکول کیږي. یاد چکډم د ۸۰ هکتاره ځمکې خړوبولو وړتیا په درلودلو سره په داسي حال کې د ملي پراختیا شرکت له لوري جوړیږي چې دغه شرکت په ټول هیواد کې د لسګونه لویو او وړو بندونو د جوړولو چارې پیل کړي دي.

دوشنبه ۴ زمری ۱۴۰۰ د فاریاب ولایت پوهنتون کې د یو باب لیلیې د جوړولو چارې به ډیر ژر بشپړې او ګټې اخیستنې ته وسپارل شي. د فاریاب پوهنتون لیلیه په ۲۲۰۰ متر مربع ځمکه له تهکوۍ سره په شپږو پوړونو کې جوړیږي چې په یو وخت کې به د ۱۰۰۰ تنو محصلینو د ځایدو وړتیا ولري. دغه لیلیه د ملي پراختیا شرکت بنايي ودانیز ریاست له لوري جوړیږي چې مالي لګښت يي د جمهوري ریاست ملاټړې ادارې له خوا ورکول کیږي او عملي چاري يې ۸۰ سلنه بشپړې شوي دي. د یادونې وړده چې فاریاب ولایت کې د ملي پراختیا شرکت له لوري څوبیلابیلې پروژې د جوړیدو په حال کې دي چې یو شمیر يې ګټې اخیستنې ته سپارلې شوې دي.

یکشنبه ۳ زمري ۱۴۰۰ د زابل ولایت د لیلېې رغنیزې چارې په چټکۍ سره پرمخ روانې دي چې ډیر ژر به بشپړې او ګټې اخیستنې ته وسپارل شي. دغه لیلیه په ۲۲۰۰ متر مربع ځمکه په شپږو پوړونو کې جوړیږي چې په یو وخت کې به د ۱۰۰۰ تنو محصلېنو د ځایدو وړتیا ولري. د زابل پوهنتون لیلیه د ملي پراختیا شرکت بنايي ودانیز ریاست له لوري جوړیږي او مالي لګښت يې د جمهوري ریاست ملاټړه اداره ورکوي، چې تردې مهاله یې ۷۰ سلنه رغنیزې چارې بشپړې شوې دي. دا په داسي حال کې ده چې له دې وړاندي ملي پراختیا شرکت په بیلابیلو ولایتونو کې لسګونه لیلیې جوړې او ګټې اخیستنې ته سپارلې دي.

شنبه ۲ زمری ۱۴۰۰ د غزني ولایت زنخان ولسوالۍ دامام ابوحنیفه(رح) جامع جومات د جوړیدو چارې چې د ملي پراختیا شرکت بنايي ودانیز ریاست له لوري جوړیږي، دپام وړ پرمختګ کړی. دغه جومات په ۳ زره متر مربع مساحت ځمکه کې د ټولو اړینو ملحقاتو سره، د جمهوري ریاست ملاتړې ادارې په مالي لګښت جوړیږي چې په یو وخت کې به د ۴۵۰ تنه لمونځ کوونکو د ځاییدو ظرفیت ولري. د یادونې وړده چې د ملي پراختیا شرکت تردې مهاله سلګونه جوماتونه په بیلابیلو ولسوالیو او ولایتونو کې جوړ کړي او د یو شمیر یې رغنیزې چارې همدا مهال جریان لري.

شنبه ۲ زمری ۱۴۰۰ د کنړ ولایت مرکز اسعد آباد کې د کوید ۱۹ دوسوه بستریز روغتون رغنیزې چارې د ملي پراختیا شرکت بنايي ودانیز ریاست له لوري روانې دي چې ډیر ژر به بشپړې او ګټې اخیستنې ته وسپارل شي. دغه روغتون څلور درې پوړیزه بلاکونه لري چې په ۲۶ جریبه ځمکه کې د ټولو اړینو ملحقاتو لکه؛ بیړنۍ څانګې، بستر خونې، پخلنځاي، انتظار خونه، جومات، د ساتونکو خونې او نور اړینو ملحقاتو په درلودلو سره د جوړیدو په حال کې دی. د کنړ د کوید۱۹ دوسوه بستریز روغتون د جمهوري ریاست ملاټړې ادارې په مالي لګښت جوړیږي چې عملي چارې ۷۰ سلنه پرمخ تللي دي. دا په داسي حال کې ده چې له دې وړاندې ملي پراختیا شرکت په بیلابیلو ولایتونو کې د کوید ۱۹ لسګونه روغتونونه جوړ او ګټې اخیستنې ته سپارلې دي.

یکشنبه ۲۷ چنګاښ ۱۴۰۰ د هلمند ولایت پوهنتون کې د یو باب لیلیې رغنیزې چارې چي د ملي پراختیا شرکت بنايي ودانیز ریاست له لوري جوړیږي د پرمختګ په حال کې دي. د نجونو د غه لیلېه په شپږو پوړونو کې پر۲۲۰۰ متر مربع مساحت ځمکه کې جوړیږي په یو وخت کې به د ۱۰۰۰ تنه محصلینو د ځایدو ظرفیت ولري چې د جوړولومالي لګښت یې د جمهوري ریاست ملاټړې ادارې لخوا ورکول کیږي. دیادونې وړده چې په هلمند ولایت کې لسګونه نورې بیلابیلې پروژې هم د ملي پراختیا شرکت له لوري ترکار لاندې دي چې یوشمیر یې دګټې اخیستنې په درشل کې دي.