شنبه ۲۶ چنګاښ ۱۴۰۰ د کندهار پوهنتون په اړونده سمیه کې د دوو بابو لیلیو د جوړیدو چارې د بشپړیدو په درشل کې دي چې ډیر ژر به ګټې اخیستنې ته وسپارل شي. دغه لیلېې په ۶ زره مترمربع مساحت ځمکه کې، له تهکوۍ سره په شپږو پوړونو کې جوړیږي چې هره یوه به يې د ۱۰۰۰ تنو محصلینو د ځایدو ظرفیت ولري. یادی لیلیی د کندهار پوهنتون د محصلینو د ستونزو راکمولو په موخه د ملي پراختیا شرکت بنايي ودانیز ریاست له لوري جوړیږي چې مالي لګښت يې د جمهوري ریاست ملاټړې اداره له خوا ورکول کیږي. د یادونې ده چې له دې وړاندي ملي پراختیا شرکت په بیلابیلو ولایتونو کې لیلېې جوړې او ګټې اخیستنې ته سپارلې دي.

پنجشنبه ۲۴ چنګاښ ۱۴۰۰ پکتیکا پوهنتون د لیلیې ودانۍ رغنیزې چارې ګړندۍ رواني دي چې په نږدې راتلونکي کې به بشړې او ګټې اخیستنې ته وسپارل شي. دغه لیلېه د ملي پراختیا شرکت بنايي ودانیزریاست له لوري جوړیږي کیږي، چې مالي لګښت یې د جمهوري ریاست عملیاتي ادارې لخوا ورکول کیږي . یاده لیلېه په ۶ زره متر مربع مساحت ځمکه کې، له تهکوۍ سره په شپږو پوړونو کې دپوهنتون په انګړ کې جوړیږي چې په یو وخت کې به د ۱۰۰۰ تنه محصلینو د ځایدو ظرفیت ولري، چې د جوړیدو چارې یې ۸۰ سلنه بشپړې شوې دي. د یادونې وړ ده چې ملي پراختیا شرکت د روان کال په اوږدو کې لسګونه لیلیې د محصلینو د ستونزو راکمولو په موخه په بیلابیلو ولایتونو کې جوړ يې او ګټې اخیستنې ته سپارلی دي.

پنجشنبه ۲۴ چنګاښ ۱۴۰۰ د میدان وردګو ولایت مرکز میدان ښار کې د کوید ۱۹ سل بستریز روغتون د جوړیدو چارې بشپړې شوي او ډیر ژر به ګټې اخیستنې ته وسپارل شي. دغه روغتون په ۲۳۴۱ متر مربع مساحت ځمکه کې د ټولو اړینو ملحقاتو لکه: د بستر خونې، عملیات خونه، بیړنې څانګه، لابراتوار، درملتون، ایکسرې او نورو اړینوڅانګو په درلودلو سره جوړ شوی دی. دغه روغتون د ملي پراختیا شرکت بنايي ودانیز ریاست له لوري جوړیږي چې مالي لګښت يې د جمهوري ریاست ملاتړې ادارې لخوا ورکول کیږي. دا روغتون په داسي حال کې د ملي پراختیا شرکت له لورې جوړیږي چې په دې وروستیو کې دغه شرکت د هیواد په بیلابیلو ولایتونوکې د کوید ۱۹ ناروغانو لپاره مجهز روغتونونه جوړ کړي دي.

چهارشنبه ۲۳ چنګاښ ۱۴۰۰ د ملي پراختیا شرکت اجراییوي رییس عبدالرحمن عطاش د کابل ولایت قصبې سیمه کې د سنايي غزنوي ښارګوټي څخه لیدنه وکړه او اړونده مسؤلینوته یې لازمې سپارښتنې وکړې. په دې لیدنه کې ښاغلي عطاش د ښارګوټي د کار له کیفیت او پرمختګ څخه خوښي څرګنده کړه او له اړونده مسؤلینویې غوښتنه وکړه؛ ترڅو د یادې پروژې په تطبیق کې ټاکل شوي معیارونه همداسې په نظرکې ونیسي. د سنایي غزنوي ښارګوټی په دوه فازونوکې چې ۴۱ بلاکونو لري د ټولو معیاري اوعصري امکاناتو په درلودلو سره د ملي پراختیا شرکت د کورجوړونې ودانیز ریاست له لوري د جوړیدو په حال کې ده، چې څه د پاسه ۷۰۰ تنه مسلکي او غیر مسلکي کاریګروته یې دکار زمینه برابره کړې ده. د اول فاز ۷۰۰ د هستوګنې کورونه د ولسمشر دهدایت په اساس د ملي دفاع وزارت کارکوونکو ته ورکړل شوي دي چې رغنیزې چارې به يې تر راتلونکو څو میاشتو بشپړې او ګټې اخیستنې ته وسپارل شي.

چهارشنبه ۲۳ چنګاښ ۱۴۰۰ د ننګرهار ولایت دور بابا ولسوالۍ اړوند د تورخم ګمرک سړک د جوړولو چارې د ملي پراختیا شرکت افغاني ودانیز ریاست له لوري پیل شوې. دغه سړک ۵۳۱ متره اوږدوالی لري چې مالي لګښت يې د جمهوري ریاست ملاټړې ادارې لخوا ورکول کیږي. د تورخم ګمرک سړک په پروژه کې د ۴۲ پلونو جوړول هم شامل دي چې عملي چارې ۴ سلنه پرمخ تللي دي. ددې سړک په جوړیدو سره به د مسافرو او بار وړونکو موټرو د تګ را تګ ستونزې ترډیره بریده راکمې شي.

سه شنبه ۲۲ سرطان ۱۴۰۰ د هرات ولایت په انجیل ولسوالۍ کې د یو محراب جومات د جوړیدو چارې به ډیرې ژر بشپړې او ګټې اخیستنې ته به وسپارل شي. دغه جومات د ۲۸۰ متر مربع مساحت په درلودلو سره یو پوړ کې جوړیږي چې ۹۰ سلنه رغنیزې چارې يې بشپړې شوي دي. د انجیل ولسوالی جومات د ملي پراختیا شرکت بنايي وادنیز ریاست له لوري جوړیږي چې مالي لګښت يې د جمهوري ریاست ملاټړې ادارې له خوا ورکول کیږي. د یادونې وړده چې دهرات ولایت په بیلابیلو ولسوالیو کې د ورته جوماتونو د جوړیدو چارې د ملي پراختیا شرکت له لورې روانې دي چې یوشمیر یې ګټې اخیستنې ته سپارل شوي هم دي.