سه شنبه ۲۲ چنګاښ ۱۴۰۰ د زینب سینما تالارد بیارغونې چارې د ملي پراختیا شرکت افغاني ودانیز ریاست له لوري، د ښځوچارو وزارت په مالي لګښت پیل شوې. هغه برخې چې په دې پروژه کې ترمیمیږي: د زینب سینما تالار ترمیمول،د تالار سټیج ، د چوکیو او میزونو نصبول،کافي شاپ، لایټینګ سیستم، میخانیک اوفاضله اوبو سیستم او اوبو رسولوسیستم په کې شامل دي. زینب سینماد ښځو چارو وزارت په انګړکې موقیعت لري او په کابل کې دښځو اړوند یوازینی هنري مرکز دی چې په یو وخت کې د ۵۵۰ تنه دځایدو ظرفیت لري.

دغه بند چې د ملي پراختیا شرکت بنایي و دانیز ریاست له لوري جوړیږي ۲۶۰ متره اوږدوالی، ۲۸۰متره سور، ۴۷ متره لوړوالی او د ۲۹۳ کیلو واټه بریښنا د تولید وړتیا به ولري او همدارنګه ۲۳۰۰ هکټاره ځمکه به خړوبه کړي.

د ملي پراختیا شرکت د همغږۍ او سوداګریزو چارو پراختیا ریاست د عامه او خصوصي ګډون متخصص یو بست بیاځلې اعلان ته سپارلی دی؛ وړ کسان کولی شي د لینک له لارې د ګمارنې آنلاین فورم ډک او د خبرتیا د خپریدو له نیټې څخه تر (۷) کاري ورځو پوري د اعتبار وړ دی. د یاد بست د دندو د لایحې لیدلو لپاره په لاندې لینک باندې کلیک وکړئ! http://erecruitment.ndc.gov.af

دوشنبه ۲۱ چنګاښ۱۴۰۰ په تخار ولایت کې د تازه میوو او سبزیو د ساتلو لپاره یوه معیاري سړه خونه د جوړیدو په حال کې ده. دغه سړه خونه په ۲ زره متر مربع مساحت ځمکه کې جوړیږي چې ټول اړین ملحقات یې له ورځنیو معیارونو سره برابر په پام کې نیول شوي دي او په یو وخت کې به د ۱۵۰۰ متریک ټنه تازه میوو او سبزیجاتو د ساتنې ظرفیت ولري. یاده سړه خونه دملي پراختیا شرکت د بنایي ودانیز ریاست له لوري جوړیږي چې مالي لګښت یې جمهوري ریاست ملاټړې ادارې لخوا ورکول کیږي. ددې سړې خونې په جوړیدو سره به د تخار ولایت بزګرانو ستونزې تر ډیره بریده هوارې شي. د یادونې وړده چې اوسمهال په بیلابیلو ولایتونوکې ۱۴ بابه معیاري سړې خونې دملي پراختیا شرکت له لوري د جوړیدو په حال کې دي.

د ملي پراختیا شرکت هلمند ودانيز ریاست (۲) بیلابیل بستونه په لاندې برخو کې: اداري آمریت د پروژو د تطبیق آمریت اعلان ته سپارلي دي؛ وړ کسان کولی شي د لینک له لارې د ګمارنې آنلاین فورم ډک او خبرتیا د خپریدو له نیټې څخه تر (۱۰) کاري ورځو پوري د اعتبار وړ دی. د یادو بستونو د دندو د لایحې لیدلو لپاره په لاندې لینک باندې کلیک وکړئ!

یکشنبه ۲۰ چنګاښ ۱۴۰۰ د خوست مندوزیو ولسوالۍ جامع جومات د جوړیدو چارې ګړندې روانې دي چې ډیر ژر به بشپړې او ګټې اخیستنې ته وسپارل شي. دغه جومات په ۲ زره متر مربع مساحت ځمکه باندي د ټولو اړینو ملحقاتو سره، د ملي پراختیا شرکت بنايي ودانیز ریاست له لوري د جمهوري ریاست عملیاتي ادارې په مالي لګښت جوړیږي چې په یو وخت کې به د ۶۰۰ تنه لمونځ کوونکو د ځاییدو ظرفیت ولري. د یادونې وړده چې د خوست ولایت په بیلابیلو ولسوالیو کې د ورته جوماتونو د جوړیدو چارې د ملي پراختیا شرکت له لورې روانې دي.