چهارشنبه ۱۶ چنګاښ ۱۴۰۰ دملي پراختیا شرکت اجراییوي رییس عبدالرحمن عطاش له پروژو څخه دلیدنو او ارزونو په لړ کې نن د صکوکو مطبعې نوې ودانۍ او ملي پراختیا شرکت کمپلکس له رغنیزو چارو څخه لیدنه وکړه . په دې لیدنه کې ښاغلي عطاش د دواړو پروژو دکار له پرمختګ څخه خوښي څرګنده کړه او اړونده مسؤلینو ته یې لارښوونه وکړه؛ څو دکارونو کیفیت، دقت او سرعت په پام کې ونیسي دملي پراختیاشرکت عمومي رییس دصکوکو مطبعې له پروژې څخه دلیدنې پرمهال وویل دغه پروژه به په پرمختللو وسایلو سمبال جوړه شي؛ څو ټول ارزښت لرونکي اسناد په بشپړ امنیت سره د هیواد په داخل کې چاپ شي. دغه ودانۍ د ملي پراختیا شرکت بنایي وادنیز ریاست له لوري جوړیږي چې مالي لګښت يې مالیې وزارت لخوا ورکول کیږي. د صکوکو مطبعې بنسټ د امیر عبدالرحمن خان په وخت کې د ارګ په شاهي باغ کې کیښودل شو او یوازینۍ دولتي مطبعه ده چې دچاپ په برخه کې تردې مهاله فعالیت لري.

چهار شنبه ۱۶ چنګاښ۱۴۰۰ د حامد کرزي نړیوال هواي ډګر رغنیزې چارې ۹۵ سلنه بشپړې شوي او ډیر ژر به يې کارونه پای ته ورسیږي. دغه دیوال چې ۱۷۰۰ متره اوږدوالی او ۵ متره لوړوالی لري د ټولو اړینو ملحقاتو سره لکه: ۱۱ د ساتنې زرهي (ګادرټاور) برجونه، (وي،آی،پي) ساحه، سیوري جوړونکي، د اوبو فواره، پیاده روونه، شنه ساحه او ۴۶۰ متر مربع کانال او سړک د جوړیدو په حال کې دي. د حامد کرزي نړیوال هواي ډګر او اړین ملحقات يې د ملي پراختیا شرکت بنايي ودانیز ریاست له لوري د جمهوري ریاست عملیاتي ادارې په مالي لګښت جوړیږي. دغه دیوال په داسې حال کې د ملي پراخیتا شرکت له لوري جوړیږي چې دغه شرکت په هیواد کې دسلګونو ودانیزو پروژو د جوړیدو چارې روانې دي.

سه شنبه ۱۵ چنګاښ ۱۴۰۰ نن د ملي پراختیا شرکت او جمهوري ریاست عملیاتي ادارې د رهبري پلاوي ترمنځ دهمغږۍ ناسته ترسره شوه په دغه ناسته کې د ملي پراختیا شرکت عمومي اجراییوي رییس عبدالرحمن عطاش، تخنیکي اوعملیاتي مرستیال سید نسیم خلیق، د تولید او تجارتي چارود همغږۍ مرستیال ریاض الدین شریفي اوددې شرکت بیلابیلوادارو ریسانو، همدارنګه دجمهوري ریاست عملیاتي ادارې تخنیکي مرستیال وحیدالله رحمدل او د دواړو ادارو یوشمیر ریسانو او تخنیکي ټیم غړو ګډون کړی وو. په دې ناسته کې ښاغلي عطاش د دواړو ادارو کارونه مثبت و ارزول او د پروژو دښه تطبيق او پرمختګ په اړوند يې مفصل بحث او نظرونه شریک کړل. دغه راز دجمهوري رياست عملياتي ادارې تخنيکي مرستيال وحيد رحمدل د پروژو دښه پرمختګ څخه د خوښۍ ترڅنګ د دواړو ادارو کارونه دهيواد دابادۍ اوسوکالۍ لپاره مهم ګام وباله. دواړو لورو دغه راز ټینګار وکړ ترڅو د پروژو په عملي چاروکې دقت،کیفیت، سرعت، او صداقت په پام کې ونیسي. دغه ناسته په داسې حال کې ترسره کیږي،چې په بیلابیلو ولایتونوکې سلګونه غټې او وړې پروژې د ملي پراختیا شرکت له لوري، د جمهوري ریاست عملیاتي ادارې په مالي لګښت د تطبیق په حال کې دي.

سه شنبه ۱۵ چنګاښ ۱۴۰۰ د ملي پراختیا شرکت عمومي اجراییوي رییس عبدالرحمن عطاش، تخنیکي اوعملیاتي مرستیال سید نسیم خلیق، د تولید او تجارتي چارودهمغږۍ مرستیال ریاض الدین شریفي اوددې شرکت یوشیمر ریاستونو مسؤلینونن سه شنبه د ملي پروژې (دارالامان اداري کمپلکس) د کار له جریان څخه لیدنه وکړه او ددې پروژې د لاښه تطبیق په موخه یې لازمې سپارښتنې وکړې. د ملي پراختیا شرکت عمومي اجراییوي رییس د کار له جریان څخه د لیدو پرمهال اړونده مسؤلینوته سپارښتنه وکړه؛ څو د پروژې د ژر تطبیق په موخه کارونه پردوه شفتونو تقسیم کړي اوپه عملي چاروکې کیفیت، سرعت، دقت او صداقت په پام کې ونیسي . د دارالامان اداري کمپلکس چې دهیواد په کچه لوی کمپلکس ده اوسمهال یې رغنیزې چارې د ملي پراختیا شرکت د بنایي ودانیز ریاست له لوري پرمخ روانې دي چې مالي لګښت یې د مالیې وزارت لخوا ورکول کیږي. ددې اداري کمپلکس د جوړیدو موخه د ټولو دولتي ادارو همغږي کول، هیواد والوته د آسانتیاوو برابرول او د ښې حکومتولۍ پیاوړتیا ته وده ورکول په ګوته شوي دي.

سه شنبه ۱۵ چنګاښ ۱۴۰۰ په هرات ولایت کې د صنعتي ښارګوټي احاطوي د یوال، امنیتي برجونو او د روازو جوړیدو د بنسټ ډبره د صنعت او سوداګرۍ وزیرنثار احمد فیضي غوریاني، هرات ولایت مقام مرستیال اویو شمیرسوداګرولخوا کیښودل شوه. دغه د یوال په لومړي پړاو کې د ۶ کیلو متره په اوږدوالي د ملي پراختیا شرکت افغاني ودانیز ریاست له لوري جوړیږي،چې مالي لګښت یې د صنعت اوسوداګرۍ وزارت له لخوا ورکول کیږي. مسؤلین ددې ښارګوټي داحاطوي دیوال ،امنیتي برجونو او دروازو دجوړیدو موخه د امنیتي ستونزو د له منځه وړلو ترڅنګ په صنعتي ښارګوټي کې د پانګه اچوونکو او سوداګرو لازیاته هڅوونه یاده کړه؛ ترڅو په ډاډه زړه فابریکې او کارخانې زیاتې کړي. د یادونې ده چې دهرات صنعتي ښارګوټی په دریو فازونوکې څه د پاسه ۳۰۰ کارخانو په درلودلو سره یو د هیواد له اقتصادي زو نونو څخه ګڼل کیږي، چې د صنعت او سوداګرۍ د وزیر په وینا ټاکل شوې څلورم فاز یې د ۱۵۲ فابریکو په جوړولوسره په راتلونکي کې جوړشي.

سه شنبه ۱۵ چنګاښ ۱۴۰۰ د مچلغو بند د هیواد له مهمو بندونو څخه شمیرل کیږي چې دپکتیا ولایت احمد ابا ولسوالۍ په ۲۵ کیلو مترۍ کې موقیعت لري. دغه بند ۲۶۰ متره اوږد والی ۲۸۰ متره سور ۴۷ متره لوړ والی چې د ۵،۳ میلیونه متر مکعب اوبو دذخیره کیدو ظرفیت لري او همدارنګه د اوبو اخیستو ساحه یې۶۶،۸۵ کیلو متره مربع ده. د مچلغو بند د ملي پراختیا شرکت بنایي ودانیز ریاست له لوري جوړیږي چې مالي لګښت یې د جمهوري ریاست عملیاتي ادارې لخوا ورکول کیږي، چې اوسمهال شاوخوا ۹۰۰ تنه مسلکي او غیرمسلکي کارکوونکي په کې په کار بوخت دي اوتر دې مهاله یې ۳۰ سلنه رغنیزې چارې پرمخ تللي دي. ددغه مهمه بند په جوړیدوسره به د۲۹۳ کیلو واټه برق د تولید ترڅنګ ۲۳۰۰ هکټاره ځمکه خړوبه شي. د ویلوده، چې د مچلغو بند دجوړیدو چارې لومړی ځل د لومړني ولسمشر سردار محمد داوود خان د واکمنۍ پر مهال پيل شوې، خو د کورنيو ستونزو له امله يې کارونه په هماغه پيل کې بیرته پاتې شول.