شنبه ۱۲ چنګاښ ۱۴۰۰ سنايي غزنوي ښارګوټی د کابل ښار په قصبه کې د نړیوالو معیارونو او اسانتیاو په درلودلو سره د جوړیدو په حال کې دي. دغه ښارګوټي ۴۱ بلاکونه لري، چې د ټولو معیاري امکاناتو په لرلو لکه: سوادګریزو برخو،دوکانونه، د موټرو تم ځای، جومات، شنه ساحه، د مرکز ګرمۍ سیستم، اور ضد سیستم، فاضله اوبو سيستم، لفټ، وړکتون، ښوونځی، عصري سړکونه او نورو ډیرو اسانتیاو په درلودلو سره د جوړیدو په حال کې دي. د غزنوي ښارګوټی په دوو فازونو کې جوړیږي، چې اول فاز يې ۱۰ بلاکونه لري او په کې ټول ټال ۲۱۶۰ د هستوګنې کورونه دي. د اول فاز ۷۰۰ د هستوګنې کورونه د ملي دفاع وزارت په کارکوونکو باندي ویشل شوي چې رغنیزې چارې به يې تر راتلونکو دوو میاشتو بشپړې او ګټې اخیستنې ته وسپارل شي. ددې شهرک دویم فاز ۱۰ پوړیز او ۶ پوړیز ۳۱ بلاکونه لري چې ټول ټال په کې ۱۳۶۰ د هستونګنې کورونه د جوړیدو په حال کې دي. دغه ښارګوټي د ښار د ښکلا د لا زياتيدو ترڅنګ د څه د پاسه ۷۰۰ تنو مسلکي او غیر مسلکي کارګرو ته د کار زمینه برابره کړې ده. د یادونی وړده چې په کابل ښار کې د دوو نورو ښارګوټو (لاله او بګرامي) رغنیزي چارې د ملي پراختیا شرکت له لوري پرمخ وړل کیږي.

شنبه ۱۲ چنګاښ ۱۴۰۰ کندهار ولایت کې د صنعتي پارکونو رغیزې چارې په دوو فازونو کې عملاٌ پیل شوې. دغه صنعتي پارکونه چې په ۳۵۵۷ جریبه ځمکه باندې په دوو فازونو (شمال) او (سویل) کې جوړیږي اول فاز یې په دامان ولسوالۍ او دویم فاز يې د شوراندام پنځمې ناحیې اړوند سیمه کې دی. د کندهار په دغه صنعتي پارکونو کې به ۳۱۲ فابریکې لکه: د وچو او تازه میوو د پروسس او بسته بندۍ، پلاسکو، بیکون او نورو بیلا بیلو برخو کې فعاله شي. د کندهار صنعتي پارکونه د ملي پراختیا شرکت افغاني ودانیز ریاست له لوري د صنعت او سوداګرۍ وزارت په مالي لګښت جوړیږي. دا صنعتي پارکونه په داسې حال کې په کندهار ولایت کې جوړیږي چې له دې وړاندي ملي پراختیا شرکت په دغه ولایت کې لسګونه ودانیزې پروژې تطبیق او ګټې اخیستنې ته سپارلي دي.

پنجشنبه ۱۰ چنګاښ ۱۴۰۰ په کاپیسا ولایت کې د تازه میوو او سبزیو د ساتلو لپاره یوه معیاري سړه خونه د جوړیدو په حال کې ده. دغه سړه خونه په ۱۷ زره متر مربع مساحت ځمکه کې جوړیږي چې ټول اړین ملحقات یې له ورځنیو معیارونو سره برابر په پام کې نیول شوي دي او په یو وخت کې به د ۱۵۰۰ متریک ټنه تازه میوو او سبزیجاتو د ساتنې ظرفیت ولري. یاده سړه خونه دملي پراختیا شرکت د بنایي ودانیز ریاست له لوري جوړیږي چې مالي لګښت یې جمهوري ریاست عملیاتي ادارې لخوا ورکول کیږي. ددې سړې خونې په جوړیدو سره به د کاپیسا ولایت بزګرانو ستونزې تر ډیره بریده هوارې شي. د یادونې وړده چې اوسمهال په بیلابیلو ولایتونوکې لسګونه سړې خونې دملي پراختیا شرکت له لوري د جوړیدو په حال کې دي.

چهارشنبه ۹ چنګاښ ۱۴۰۰ د ننګرهار ولایت په سرخرود ولسوالۍ کې د شیخ مصري صنعتي پارکونو رغنیزي چارې پیل شوې چې په جوړیدو سره به يې، هیواد د ځان بساينې پر لور یوسي. دغه صنعتي پارکونه په ۲۰ کیلومتر مربع مساحت ځمکه باندي جوړیږي چې ټول ټال به په کې ۴۷۳ فابریکې په بیلا بیلو برخو لکه: د اوسپنې ویلې کیدل، د سیخ ګول تولید، د تالک پوډرو تولید او پروسس، د غنمو وینځل او اوړه کول، د چرګانودانې تولید، یخ، مالګې او نورو ډیرو خوارکې توکو تولیداتو فابریکې شاملې دي. د شیخ مصري صنعتي پارکونه د ملي پراختیا شرکت افغاني ودانیز ریاست له لوري د صنعت او سوداګرۍ وزارت په مالي لګښت جوړیږي، چې تراوسه يې ۶ سلنه چارې بشپړې شوي دي. دا صنعتي پارکونه په داسې حال کې په ننګرهار ولایت کې جوړیږي چې له دې وړاندي ملي پراختیا شرکت په دغه ولایت کې لسګونه ودانیز پروژې پلې کړي دي.

سه شنبه ۸ چنګاښ ۱۴۰۰ د غزني ولایت رشیدانو ولسوالۍ جامع جومات د جوړیدو چارې ګړندې روانې دي چې ډیر ژر به بشپړې او ګټې اخیستنې ته وسپارل شي. دغه جومات په ۲ زره متر مربع مساحت ځمکه باندي د ټولو اړینو ملحقاتو سره، د ملي پراختیا شرکت بنايي ودانیز ریاست له لوري د جمهوري ریاست عملیاتي ادارې په مالي لګښت جوړیږي چې په یو وخت کې به د ۶۰۰ تنه لمونځ کوونکو د ځاییدو ظرفیت ولري. د یادونې وړده چې د غزني ولایت په بیلابیلو ولسوالیو کې د لسګونو نورو جوماتونو د جوړیدو چارې د ملي پراختیا شرکت له لورې روانې دي.

سه شنبه ۸ چنګاښ ۱۴۰۰ په ملي پراختیا شرکت کې د ننګرهار وادي کرنیز ریاست په مدغم کیدو سره ددې ریاست د نجارۍ فابریکې په تولیداتو کې زیاتوالی راغلی. د نجارۍ فا برېکه چې د لومړي ځل لپاره په ۱۳۳۹ لمریز کال کې هډې فارم اړوند ثمرخېلو سیمه کې فعاله شوه، هغه مهال یې شاوخوا ۱۸۰۰ تنه کارمندان درلودل چې د کانال د اړتياوو پوره کولو ترڅنګ به يې د دولتي ادارو او ملکي خلکو اړتیاوې هم پوره کولې. يادې فابريکې د ملي پراختیا شرکت سره د ننګرهار وادي کرنیز ریاست له یوځای کېدو سره سم بیاځلي په فعالیت پیل وکړ چې اوسمهال په کې ۱۵ تنه مسلکي نجاران او کاریګر په کاربوخت دي او تردې دمه يې ۲۶ اوه نفري سیټونه، دفتري او عادي میزونه، کوډ بندونه او نور بیلابیل توکي جوړکړي او لسګونه نور تازه جوړېدونکي توکي یې ترکار لاندې دي.