سه شنبه ۲۵ غبرګولی ۱۴۰۰ د کنړ ولایت مرکز اسعد آباد کې د سالار باغ جامع جومات جوړولو چارې ګړندۍ روانې دي چې ډیر ژر به بشپړې او ګټې اخیستنې ته وسپارل شي. دغه جومات چې په دوو پوړونو کې جوړیږي، شنه ساحه،اوبو ذخیره، احاطوی دیوال، پلې لارې او مجهز تشنابونه لري چې په یو وخت کې د۲۰۰۰ تنه لمونځ کوونکو دځایدو وړتیا لري. دغه جومات چې د ملي پراختیا شرکت د بنايي وادنیز ریاست له لوري جوړیږي مالي لګښت يې د جمهوري ریاست عملیاتي ادارې لخوا ورکول کیږي. داپه داسې حال کې ده چې له دې وړاندې د ملي پراختیا شرکت له لوري په بیلابیلو ولایتونو او ولسوالیو کې لسګونه جوماتونه جوړ او ګټې اخیستنې ته سپارل شوي دي.

یکشنبه ۲۳ غبرګولی ۱۴۰۰ د ملي پراختیا شرکت په وړاندیز او د جمهوري ریاست عالي مقام په منظورۍ، سید نسیم خلیق د ملي پراختیا شرکت تخنیکي او عملیاتي مرستیال په توګه پردنده وګمارل شو. هغه غونډه چې په همدې موخه جوړه شوې وه پکې د ملي پراختیا شرکت مالي اواداري مرستیال ضیاءالله شفیق، د تولید او تجارتي چارو د همغږۍ مرستیال ریاض الدین شریفي، د دفتر رییس رفیع الله عزیزي او د دې شرکت بیلابیلو ادارو مسؤلینو ګډون کړی وو. په پیل کې ضیاءالله شفیق د ښاغلي خلیق ګمارنه پرځای ګام وباله وې ویل « کوم باور چې په ښاغلي خلیق باندې شوی پرځای اوددې شرکت د موخو په ترلاسه کولو کې به د پام وړ بدلون رامنځته کړي». دچارو دهمغږۍ مرستیال ریاض الدین شریفي هم، ښاغلي خلیق ته دمبارکۍ ترڅنګ هغه یو پیاوړی مدیر یاد کړ او د ملي پراختیا شرکت کې یې د داسې کاد رونو ګمارنه یوه اړتیا وبلله. په پای کې سید نسیم خلیق له ولسمشر او د ملي پراختیا شرکت له مسؤلینو څخه مننه وکړه چې پر ده یې باور وکړ؛ نوموړي ژمنه وکړه چې ورسپارل شوې دنده به په بشپړې رښتینولۍ او ایماندارۍ ترسره کړي او د ملي پراختیا شرکت موخو ته د رسیدو په برخه کې به هیڅ ډول هڅې ونه سپموي. سید نسیم خلیق د ماسترۍ ترکچې لوړې زده کړې لري او له بیلابیلو مدیریتي تجربو څخه برخمن ده. هغه له دې [...]

یکشنبه ۲۳ غبرګولی ۱۴۰۰ د نیمروز ولایت زرنج ښار کې د جامع جومات جوړیدو چارې بشپړې اوګټې اخیستنې ته چمتو ده. دغه جومات د ملي پراختیا شرکت اړوند بنایي ودانیز ریاست له لوري جوړشوی، چې مالي لګښت یې دجمهوري ریاست عملیاتي ادارې له لوري ورکړل شوی دی. دغه جومات پر ۱۶۰۰ متر مربع مساحت ځمکه کې جوړ شوی چې په یوخت کې د‌ ۲۰۰۰ لمونځ کوونکو دځاییدو ظرفیت ولري. د زرنج ښار اوسیدونکي ددې پروژې له تطبیق څخه خوښي څرګندوي او په دې ولایت کې د لا نورو عام المنفعه پروژو د تطبیق غوښتنه کوي. د یا دونې وړده چې د ملي پراختیا شرکت له لوري د هیواد په ۳۶۴ ولسوالیوکې د ورته جوماتونو رغنیزې چارې روانې دي چې یوشمیر یې ګټې اخیستنې ته چمتو دي.

شنبه ۲۲ غبرګولی ۱۴۰۰ د خوست ولایت نادرشاه کوټ ولسوالۍ ځنیخیلو کلي کې د یو جامع جومات جوړولو چارې ګړندۍ پرمخ روانې دي او په نږدې راتلونکي کې به ګټې اخیستنې ته وسپارل شي. دغه جومات چې پر ۶۲۵ مترمربع مساحت ځمکه باندې جوړیږي په یو وخت کې د۱۰۰۰ تنه لمونځ کوونکو دځایدظرفیت لري ۶۲ سلنه رغنیزې چارې یې پرمخ تللي دي. د ځنیخیلو کلي جامع جومات دجوړیدو چارې د ملي پراختیا شرکت بنايي وادنیز ریاست له لوري روانې دي چې مالي لګښت يې د جمهوري ریاست عملیاتي اداري لخوا ورکول کیږي. دا په داسې حال کې ده چې دپنجشنبې ورځ دکونړ په مرورې ولسوالۍ کې هم یو جامع جومات جوړ او ددې ولایت مرستیال والي او ولسونو له لوري ګټې اخیستنې ته وسپارل شو.

پنجشنه ۲۰ غبرګولی ۱۴۰۰ د کنړ ولایت مرورې ولسوالۍ کې د یو محراب جامع جومات جوړولو چارې بشپړې او ګټې اخیستنې ته وسپارل شو. دغه جومات چې پر۷۸۰ مترمربع مساحت ځمکه باندې په دوو پوړونو کې جوړ شوی په یو وخت کې د۵۵۰ تنه لمونځ کوونکو دځایدو وړتیا لري. د مرورې جامع جومات د ملي پراختیا شرکت د بنايي وادنیز ریاست له لوري جوړ شوی چې مالي لګښت يې د جمهوري ریاست عملیاتي اداري لخوا ورکړل شوي دي. دا جومات په داسي حال کې ګټې اخیستنې ته سپارل کیږي چې د ملي پراختیا شرکت له لورې په ټول افغانستان کې د سلګونو محرابه جوماتونو جوړاو یو شمیر یې ګټې اخیستنې ته سپارل شوي دي.

پنجشنبه ۲۰ غبرګولی ۱۴۰۰ د کاپیسا ولایت مرکز محمود راقی کې د یو ورزشی جمنازیم د جوړیدو چارې بشپړې شوی اوپه نږدې راتلوونکی کې به ګټې اخیستنې ته وسپارل شی. دغه جمنازیم چې پر ۲۰۰۰ مترمربع مساحت ځمکه کې جوړ شوی په یو وخت کې د ۱۵۰۰ نندارچیانو د ځاییدو وړتیا لري. د یاد جمنازیم دجوړیدو چارې د ملی پراختیا شرکت اړوند بنایی ودانیز ریاست له لوری پرمخ وړل شوی چې مالی لګښت یې د جمهوری ریاست عملیاتی ادارې لخوا ورکړل شوی دی. د یادونې وړده چې د هیواد په بیلابیلو ولایتونوکې د ۲۷ جمنازیمونو د جوړیدو چارې روانې دي چې یو شمیر یې بشپړ او د ځونانو پرمخ د لوبو ترسره کولو په موخه پراینستل شوي هم دي.