یکشنبه ۱۶ غبرګولي ۱۴۰۰ دغزني ولایت په مقر ولسوالۍ کې د غازي امان الله خان ماڼۍ د بیا رغیدو چارې بشپړې شوي او په نږدې راتونکي کې به ګټې اخیستنې ته وسپارل شي. دغه ماڼۍ چې د ملي پراختیا شرکت افغاني ودانیز ریاست له لوري رغول کیږي مالي لګښت یې د جمهوري ریاست عملیاتي ادارې له لوري ورکول کیږي. د غازي امان الله خان ماڼۍ د اماني دورې له ماڼیو څخه ده چې د تیرو جګړو په لړ کې ویجاړه شوې وه او اوس ېې د بیارغونې کارونه دبشپړیدو په حال کې دي چې ډیر ژر به ګټې اخیستنې ته وسپارل شي. د غه ماڼۍ غازي امان الله خان د خپلې واکمنۍ پرمهال کندهارته د تګ -راتګ پرمهال د دمه کیدو په موخه جوړه کړې وه چې په ورته وخت کې به یې په دې ځای کې دخلکو سره له نږدې د دوي ستونزې هم اوریدې.

شنبه ۱۵ غبرګولی ۱۴۰۰ د ملي پراختیا شرکت د رهبري پلاوي له لوري رحمت الله احمدي د شمال د ډبروسکرو شرکت د سرپرست په توګه معرفي او په کار یې پیل وکړ. هغه غونډه چې په همدې موخه د ملي پراختیا شرکت د شمال د ډبروسکرو په شرکت کې نیول شوې وه د بغلان والي محمد اکبر بارکزي، د ملي پراختیا شرکت عملیاتي او تجارتي مرستیال ریاض الدین شریفي او یو شمیر نورو کارکوونکو ګډون کړی وو. په یاده غوڼده کې ښاغلي احمدي د ملي پراختیا شرکت او حکومت له باور څخه د مننې ترڅنګ ژمنه وکړه چې په ټول قوت سره به ددې شرکت د ظرفیت لوړولو په برخه کې هڅې وکړي. رحمت الله احمدي د اقتصاد په طبیعی سرچینو Mineral Economic کې د ماسترۍ ترکچې لوړې زده کړې کړي او د مدیریت په برخه کې له کافي تجربې څخه برخمن ده؛ هغه د معدن او پټرولیم وزارت او نورو بیلابیلو بنسټونوسره په پرمختايي برخوکې څه د پاسه لس کاله کار کړی دی.

جمعه ۱۴ غبرګولی ۱۴۰۰ د ولایتي سفرونو په لړ کې دا ځل د ملي پراختیا شرکت عمومي اجراییوي مشر عبدالرحمن عطاش، د جمهوري ریاست عملیاتي اداري تخنیکي مرستیال وحید رحمدل، د بنايي ودانیز ریاست رییس سید نیسم خلیق او د شرکت بیلابیلو برخو یو شمیر رییسانو هرات ولایت ته سفرکړي. په دې سفر کې ښاغلي عطاش او ورسره پلاوي د هرات له والي سید وحید قتالي سره ولیدل او د پروژو پراهمیت او ښه تطبیق په اړه يې خبرې اترې وکړي. دغه پلاوي په ورته وخت کې دهرات له جامع جومات څخه چې د هیواد له لرغونو سیمو څخه شمیرل کیږي د لیدنې ترڅنګ ددې ولایت له ګدامونو او نورو نیمه کاره پروژو څخه لیدنه وکړه او د پروژو د ښه تطبیق او ژر بشپړیدو غوښتنه يې وکړه. د ملي پراختیا شرکت د رهبرۍ پلاوی په داسې حال کې هرات ولایت ته سفرکوي چې تیره اوونۍ دغه پلاوي بلخ او ننګرهار ولایتونو ته هم سفرونه درلودل او د پروژو د کار او تطبیق څخه يې لیدنه کړې وه.

پنجشنبه ۱۳ غبرلولی ۱۴۰۰ دملي پراختیا شرکت عمومي اجراییوي رییس عبدالرحمن عطاش او ورسره مل پلاوي ننګرهار ولایت ته د سفر په لړ کې د ننګرهار وادي کرنیز ریاست رییس او آمرینو سره دلیدنې په ترڅ کې لازمې لارښوونې وکړې. په دغه لیدنه کې دملي پراختیا شرکت رهبري پلاوي د کرنیز ریاست له آمرینو او کارکوونکوڅخه مننه وکړه چې ددې ریاست دلا پرمختګ په موخه هڅې کوي. نوموړي ننګرهار کرنیز ریاست په ختیځ کې د اقتصادي ودې یومهم اوحیاتي مرکز یاد کړ او له ټول ټیم څخه یې غوښتنه وکړه؛ ترڅو په بیلابیلو برخوکې په پوره اخلاص او ژمنتیا سره خدمت ته دوام ورکړي. په پای کې د ننګرهار کرنیز ریاست رییس او مامورینو له ښاغلي عطاش څخه مننه وکړه چې ددوي نظرونه او غوښتنې یې له نږدې واوریدې او ډاډ یې ورکړ چې دوي به خپلې هڅې دپخوا په پرتله لازیاتې کړي.

پنجشنبه ۱۳ غبرګولی ۱۴۰۰ د ملي پراختیا شرکت، مالي او اداري معاونیت د ملاتړ ادارې ریاست له لوري د وادنیزو پروژو مدیریت تر نامه لاندي یو ورځنی سیمینار ددي شرکت انجینرانو ته په لاره واچول شو. د ملي پراختیا شرکت ملاتړې ادارې رییس عبدالفتاح مخلص دغه ډول سیمینارونه د ظرفیت لوړونې په برخه کې مهم وبلل زیاته یې کړه " مونږ هڅه کوو ترڅو هغه پروژې چې ددې شرکت له لوري تطبیق کیږي معیاري او د اوسني عصر مطابق وي او دا به هغه وخت شونې وي چې مونږ په دې شرکت کې ژمن او مسلکي کدرونه ولرو". وروسته د سیمینار وړاندې کوونکي انجینر نوید احمد رباني د رهبرۍ او پروژو مدیریت پرلارو چارو ګډونوالوته معلومات وړاندې کړل. دغه راز د ملي پراختیا شرکت د ظرفیت لوړونې مسوول روح الله محمدي ددغه سیمینار موخه د کار کوونکو ظرفیت لوړول او په کم وخت او لږ لګښت سره د ودانیزو پروژو مدیریت او پاي ته رسول یاد کړل. دغه سیمینار په داسې حال کې ترسره شو چې مخکې له دې هم ملي پراختیا شرکت ورته برنامې د کارکوونو د ظرفیت لوړونې په موخه په لاره اچولې دي.

چهارشنبه ۱۲ غبرګولی ۱۴۰۰ د ملي پراختیا شرکت رهبري پلاوي او د جمهوري ریاست عملیاتي ادارې تخنیکي مرستیال له یوشمیر پروژو څخه دلیدنې په موخه ننګرهار ولایت ته سفر کړی. په دغه سفر کې د ملي پراختیا عمومي اجراییوي رییس عبدالرحمن عطاش چې عملیاتي او تجارتي مرستیال ریاض الدین شریفي، د جمهوري ریاست عملیاتي ادارې تخنیکي مرستیال وحید رحمدل او یوشمیر نور رییسان یې ملتیا کوي ننګرهار ولایت ته رسیدلی دی. دغه پلاوي له یوشمیر زراعتي پروژو، ختیځ ۶۰۰ بستریز روغتیایی کمپلکس او د ننګرهار وادي کرنیز ریاست له ځینوبرخو څخه د ليدنې ترڅنګ اړونده مسؤلینو ته لارښوونه وکړه چې د زراعتي او و دانیزو پروژو کیفیت ته لازمه پاملرنه وکړي. دغه سفر په داسې حال کې ترسره کیږي چې څه موده وړاندې یاد شوي پلاوي د هیواد شمال ته له یوشیمر ترکار لاندې پروژو څخه د لیدنې په موخه هم سفر کړی وو.