دوشنبه ۱۰ غبرګولی ۱۴۰۰ نن په پکتيا ولايت کې دکرونا ناروغانو لپاره سل بستريز روغتون دپکتيا مرستيال والي، عامې روغتیا رييس او يو شمير بيلابيلو ادارو رييسانو له لوري ګټې اخیستنې ته وسپارل شو. دغه روغتون چې دپکتيا مرکز ګردیز ښار کې موقعیت لري دملي پراختيا شرکت له لوري جوړ شوی او مالي لګښت يې دجمهوري رياست عملياتي ادارې لخوا ورکړل شوی دی. دغه سل بستريز روغتون به په ټولو روغتيايي امکاناتو سمبال دکرونا لرونکو ناروغانو په خدمت کې وي.

دوشنبه ۱۰ غبرګولی ۱۴۰۰ دملي پراختیا شرکت عمومي اجراییوي رییس عبدالرحمن عطاش د یوې ناستې په ترڅ کې چې مالي او اداري مرستیال ډاکټر ضیاالله شفیق،عملیاتي او تجارتي مرستیال ریاض الدین شریفي هم ګډون درلود ددې شرکت کارکوونکوته د پروژو د مؤثره او ښه کیفیت په ترسره کیدو لازمې لارښوونې او سپارښتنې وکړې. ښاغلي عطاش له ټول ټیم څخه د دوي د نه ستړې کیدونکو هلوځلومننه وکړه او زیاته یې کړه چې دې شرکت په کم وخت کې وکولی شول چې د هیواد په ۳۷۷ ولسوالیو کې فزیکي حضور پیدا کړي او وکولی شي بنسټیزې پروژې پلې کړي. هغه زیاته کړه " افغانستان دکاري نیرو ترڅنګ، هم پریمانه د اوبو منابع لري اوهم پریمانه ځمکه یواځینی شی چې ورته اړتیا لیدل کیږي هغه قوي اراده ده چي زه یې ستاسې هریو په وجود کې وینم" ښاغلي عطاش همدارنګه وویل چې او سمهال زمونږ هیواد په یوه لوی امتحان کې لویدلی؛ خو کولی شو په پوره صداقت اوبشپړې ژمنتیا سره له دې لوی امتحان نه بریالي را ووځو. د ناستې په پای کې د ملي پراختیا شرکت عمومي اجراییوي ریس دا د ټولو دنده وبلله او ټینګار یې وکړ؛ ترڅو له فقرڅخه لرې ټولنې په رامنځته کیدوکې هڅې وکړو.

دوشنبه ۱۰ غبرګولی ۱۴۰۰ د ننګرهار وادي کرنیز ریاست مسؤلینو دعبدالخېلو بلاک کې د غنمو د تریشل له چارو څخه د لیدنې پرمهال ددې ولایت بزګرانوته د اصلاح شوو تخمونو د تولید خبر ورکوي او وایي چې تېر کال اصلاح شوي تخمونه د کرنې او اوبولګولو وزارت په همکارۍ له کندز ولايت څخه ختیځ ته راوړل کېدل، په داسې حال کې چې اوس ننګرهار وادي کرنيز رياست دغه تشه ډکوي او نور به د ختيځ زون لپاره په پوره اندازه اصلاح شوي تخمونه په خپله تولید او بزګرانو ته په واک کې ورکړي، چې دغه چاره په ختیځ زون کې دځان بساینې په لورغټ ګام ده . دننګرهار وادي کرنیز ریاست رییس محمد بصیر حقیار وایي دوی د ننګرهار وادي کرنيز رياست د اصلاح شوو تخمونو د کر لپاره د هډې فارم عبدالخېلو بلاك کې ۴۷۶ جریبه ځمکه د یو پروتوکول له مخې ودان کرنیزشرکت ته ورکړې، چي ۵۱ سلنه د ننګرهار وادي کرنیز ریاست او ۴۹ سلنه به یې یاد شرکت اخلي دغه راز د ننګرهار کرنیز ریاست مسؤلینو د ودان کرنیز شرکت له مسؤل او د عبدالخېلو سیمې له مشرانو سره د غنمو د کرکیلې او په مناسب او خوندي ځای کې د اصلاح شوو تخمونو د ځای پرځای کیدوسپارښتنه وکړه.

دوشنبه ۱۰ غبرګولی ۱۴۰۰ د آقینې بندر د ګمرک ودانۍ چې د ملي پراختیا شرکت له لوري یې د جوړیدو چارې روانې دي ۹ سلنه پرمخ تللي دي. دغه اداري ودانۍ د اندخوی ولسوالۍ آقینې بندر کې چې د افغانستان او ترکمنستان ترمنځ ګډه پوله جوړوي رغول کیږي، ددې ودانۍ ټول مساحت ۱۰۳۳ متر مربع ده او تعمیریې په ۷۶۰ متر مربع ځمکه باندې په درې پوړونوکې په پاخه او اساسي ډول د ملي پراختیا شرکت اړوند د افغاني ودانیز ریاست له لوري جوړیږي چې مالي لګښت یې دمالیې وزارت لخو ورکول کیږي. دآقینې بندرد افغانستان یو له مهمه بندرونو څخه شمیرل کیږي چې په جوړیدو سره به یې د سوداګرو او د ګمرک د کارکوونکو ستونزې هوارې شي.

یګشنبه ۹ غبرګولی ۱۴۰۰ نن دیو لړ ځانګړو مراسمو په ترڅ کې جاوید اخلاص دپلازمینې زون دپراختیایي ادارې تخنیکي مرستیال په توګه خپله دنده پیل کړه. هغه غونډه چې په همدې موخه د پلازمینې زون پراختیایي ادارې د فتر کې جوړه شوې وه د ملي پراختیا شرکت مالي او اداري مرستیال ضیاالله شفیق، د پلازمینې زون پراختیايي ادارې عمومي رییس نجیب الله شینواري او د پلازمینې زون او ملي پراختیا شرکت بیلابیلو ادارو رییسانو ګډون کړی وو. په پیل کې دملي پراختیا شرکت مالي او اداري مرستیال ډاکټر ضیااالله شفیق، دجاوید اخلاص ګمارنه پرځای ګام وباله او هغه یې یو پاک نفسه او ژمن انسان یادکړ. نوموړي د ملي پراختیا شرکت او پلازمینې زون پراختیایي اداره د یوې سکې دوه مخونه یاد کړل او زیاته یې کړه چې ددې ادارو ترمنځ ښې اونږدې اړیکې ددې لامل ګرځیدلي چې ټولې پرمختیایي چارې په پوره دقت او ایماندارۍ سره پرمخ لاړې شي. ورپسې د پلازمینې زون د پراختیایي ادارې عمومي رییس نجیب الله شینواري جاوید اخلاص ته دښه راغلاست ترڅنګ وویل: "داچې د یوې ادارې کړنې د درې اوصولو پربنسټ ولاړې وي چې هغه چټکتیا، روڼتیا او کیفیت ده؛ په عمل کې یې ثابته کړو چې له نیکه مرغه دغه وړتیا زه په ښاغلی اخلاص کې وینم". وروسته د ملي پراختیا شرکت د کورجوړونې رییس انجینر محمد میرویس ارغندیوال د اخلاص ګمارنه یو نیک اقدام اوهغه يې ددي پوسټ لپاره یو ژمن [...]

شنبه ۸ غبرګولی ۱۴۰۰ د ملي پراختیا شرکت رهبرۍ پلاوی د یو رسمي سفر په ترڅ کې ددې شرکت له لوري ترکارلاندې پروژو اوسیمو څخه د لیدنې په موخه بلخ ولایت ته تللی. په دې سفرکې د ملي پراختیا شرکت عمومي اجراییوي رییس عبدالرحمن عطاش، چې عملیاتي او تجارتي مرستیال ریاض الدین شریفي اوددې شرکت بیلابیلو برخو یوشمیر مسؤلین یې ملتیا کوي بلخ ولایت ته رسیدلي دي. دغه پلاوي د بلخ والي محمد فرهاد عظیمي سره تر لیدنې وروسته یوځای د حیرتان دوه لارې کې د زراعتي کمپلکس څخه چې ټاکل شوې په نږدې راتلونکي کې ګټې اخیستنې ته وسپارل شي لیدنه وکړه. د ملي پراختیا شرکت رهبري پلاوي ددې کمپلکس جوړیدل په بلخ ولایت کې د زراعتي تولیداتو په وده کې د اهمیت وړ وبلل او ټینګاریې وکړه چې چارې به یې د اوسني عصرپه معیارونو سمبال پرمخ لاړې شي. رهبري پلاوي په دې سفر کې همدارنګه له یوشمیرهغو پروژو څخه چې د ملي پراختیا شرکت له لوري ترکار لاندې دي لیدنه وکړه او اړونده مسؤلینو ته یې سپارښتنه وکړه چې هیڅ ډول جوړ جاړی چې د کار دبې کیفیته کیدو لامل کیږي ورته د منلو وړ نه ده. دیادولو وړده چې اوس مهال په بلخ ولایت کې د ملي پراختیا شرکت له لوري پر لسګونه غټو او وړو پروژو کارونه روان دي چې د نمونې په توګه د حضرت علي (ک) د روضې ځینو برخو بیارغونه اوترمیم یادونه [...]