د میدان وردګو ولایت د مرکز میدانښار په کوټه عشرو سیمه کې د ملي پراختیا شرکت مسؤلینو، میدان وردګو ولایت ځایي مسؤلینو، میدان وردګو ولایت دیني علماوو او ولسونو له لوري د هېواد په کچه د ډبرو د سکارو د مارکېټ د جوړولو چارې د یو لړ ځانګړو مراسمو په ترڅ کې پرانېستل شوې. غونډې ته د ملي پراختیا شرکت مالي او اداري مرستیال مولوي عبدالولي عادل وویل: د ا.ا.ا د هېواد آبادۍ او اقتصادي ودې ته ژمن دی او په دې برخه کې ګڼې لاسته راوړنې لري. نوموړي زیاته کړه، ملي پراختیا شرکت د هېواد د کانونو معیاري استخراج ته ژمن دی او همدارنګه یې د میدان ښار له ولسونو د دې پروژې د تطبیق په برخه کې د همکارۍ غوښتنه وکړه. د ملي پراختیا شرکت د تولید او سوداګرۍ چارو د انسجام مرستیال ریاض الدین شریفي وویل: ملي پراختیا شرکت د لومړي ځل لپاره د بلخاب کاني حوزې د ډبرو سکارو لپاره یو معیاري او په نړیوالو سټنډرډونو برابر مارکېټ جوړوي، چې له دې مارکېټ څخه به د هېواد دننه او بهر د ډبرو سکاره لېږدول کېږي. د میدان وردګو والي قاري بختیار معاذ ولسونو ته د دغې لویې پروژې د پرانېستلو د مبارکۍ ویلو ترڅنګ زیاته کړه: په دغه پروژه او مارکېټ کې نه یوازې د میدان وردګو ولایت خلکو ته بلکې د هېواد په کچه به خلکو ته کاري فرصتونه برابر شي او هم یې له [...]

د دوشنبې په ورځ د ۹/۱۱/۱۴۴۴ نېټه د ملي پراختیا شرکت د عمومي اجرائیوي رئیس عبدالرحمن عطاش په مشرۍ  د حیرتانو کرنیز او صنعتي کمپلکسونو د طرحې جوړولو کمېټې لومړنۍ غونډه د ملي پراختیا شرکت د غونډو په تالار کې  وشوه، چې په دې غونډه کې د مالیې، کرنې، اوبو لګولو او مالدارۍ، اقتصاد، صنعت او تجارت، کور جوړولو وزارتونو او د چارو ادارې لوی ریاست استازو ګډون کړی وو. د ملي پراختیا شرکت عمومي اجرائیوي رئیس عبدالرحمن عطاش د حیرتانو کرنیز او صنعتي کمپلکسونه یوه مهمه او اړینه پروژه وبلله او زیاته یې کړه، ټول اړونده ارګانونه باید یو بل ته لاس ورکړو په ګډه سره دا ستره او ملي پرژوه پلې کړو تر څو نورو ته له لاس نیوي خلاص او هېواد مو د کرنې له اړخه په ځان بسیا شي. همدارنګه په غونډه کې له بحث وروسته دوه کمېټې جوړې شوې، چې د کرنې، اوبولګولو او مالدارۍ وزارت د استازي تر مشرۍ لاندې د کرنیز کمپلکس د طرحې جوړولو کمېټه، د صنعت او تجارت وزارت د استازي تر مشرۍ لاندې د صنعتي کمپلکس د طرحې جوړولو کمېټه او د نورو اړوندو وزارتونو او ادارو استازي به د کمېټو د غړو په ډول ور سره وي، چې د دې کمېټو مشري به د ملي پراختیا شرکت د عمومي اجرائیوي رئیس عبدالرحمن عطاش پر غاړه وي. د یادولو وړ دی، د ا.ا.ا رئیس الوزراء د درانه مقام د حکم [...]

د ملي پراختیا شرکت عمومي اجرائیوي رئیس عبدالرحمن عطاش او مل تخنیکي ټیم بلخ ولایت ته د خپل سفر په ترڅ کې د قوش تېپې کرنیز کانال له چارو څخه لیدنه وکړه. د ملي پراختیا شرکت عمومي اجرائیوي رئیس وویل: د افغانستان د ډېری وګړو ژوند پر کرنې پورې تړلی دی، چې د دې کانال په بشپړېدلو سره به د یوې لویې برخې وګړو کرنیزې او اقتصادي ستونزې لمنځه ولاړې شي. نوموړي د کانال له چارو څخه خوښي څرګنده کړه او هم یې په ښه کیفیت، سرعت د ټینګار ترڅنګ زیاته کړه، د دې کانال بودیجه د هېواد له ملي بودیجې څخه ورکول کېږي او مخکې له ټاکل شوې نېټې څخه به ګټې اخیستنې ته وسپارل شي. په دې پروژه کې ۴۰۰۰ ماشینري، شاوخوا ۷۰۰۰ کسان او په لسګونو قرار دادي شرکتونه په کار بوخت دي. اوس مهال د کانال د لومړي فاز د کیندنې ترڅنګ په سربند، مزار شریف – حیرتانو سړک پر سر پل او هم د مزار شرف – حیرتانو ترمنځ د رېل پټلۍ پر سر پل په جوړولو باندې هم کار روان دی، چې د ملي پراختیا شرکت د تخنیکي ټیمونو له لوري یې څارنه کېږي. د یادولو وړ دی، دا کانال ۲۸۵ کیلومتره اوږدوالی او ۱۵۲ متره پلنوالی لري، چې د بلخ ولایت له کلدار ولسوالۍ څخه پيل او د فاریاب ولایت تر اندخوی ولسوالۍ پورې رسېږي.