دوشنبه ۲۷ غویی ۱۴۰۰ د هرات ولایت لوی جامع جومات چې د دې ولایت یو له ارزښتمنو او لرغونو آثارو څخه ګڼل کیږي،چې تاریخ په اوږدو کې یې لوړې او ژورې لیدلي او په مختلفو دورو کې څو ځله ترمیم او بیا رغول شوی هم دی. اوس مهال د دې لویې لرغونې ودانۍ د بیارغونې کار او د چت بیارغونه چې د کلونو په تیریدو سره ېې ځیان لیدلی وو او ترمیمولو ته ېې اړتیا وه، د ملي پراختیا شرکت اړوند دافغاني ودانیز ریاست لخوا پرمخ وړل کیږي. دغه جومات چې د په زړه پورې معمارۍ له امله نړیوال شهرت لري، د تاریخي اصل په ساتلو سره ېې بیا رغنیزې چارې په پوره دقت او احتیاط پرمخ روانې دي. د یادونې وړ ده چې تر دې مهاله ددې جومات ډیری رغنیزې چارې پرمخ تللي او اوسمهال ېې ګنبدې دسنتي خښتو په کارولو، د گنبدو شاوخوا پلسترکارۍ، دپیپونو نصبول، بریښنایي سیستم، په اساسي ډول دامنیتي کمرو دخونې جوړول او نورو اړینو برخو کارونه روان دي. د هرات ولایت ددې لوی جامع جومات د بیا رغونې څه دپاسه ۳۱ میلیونه افغانۍ لګښت اټکل شوی، چې عملي چارې ېې د ملي پراختیا شرکت اړوند د افغاني ودانیز ریاست پرمخ وړي او تمه ده چې په نږدې راتلونکي کې به ېې کارونه بشپړ او ګټې اخیستنې ته وس

یکشنبه ۲۶ غویی ۱۴۰۰ د ملي پراختیا شرکت له لوري دهیواد په بیلابیلو ولایتونوکې د روغتونونو د جوړیدو په لړ کې د فاریاب ولایت سل بستریز روغتون رغنیزې چارې دبشپړیدو په حال کې دي او ډیرژربه ګټې اخیستنې ته وسپارل شي. دغه روغتون چې په ټولو روغتیایي معیارونو برابر جوړ شوی د بیلابیلو څانګو لکه: عملیات خونه، OPD، بیړنۍ څانګه، اکسرې، لابراتوار، دوینې بانک او درملتون په درلودلو سره ټاکل شوې، چې دملي پراختیا شرکت له لوري به عملیاتي ادارې او دینامیک ویژن ټیم ته تسلیم شي. د یاد سل بستریز روغتون مالي لګښت د آسیایي پرمختیایي بانک (ADB) له لوري ورکړل شوی او د رغیدو چارې یې دملي پراختیا شرکت اړوند د کورجوړلو ریاست پرغاړه وې، چې په ګټې اخیستنې سره به یې د فاریاب ولایت ډیری اوسیدونکو روغتیایي ستونزې هوارې شي.

چهار شنبه ۲۲ غویی ۱۴۰۰ دولسمشر محمد اشرف غني په لارښوونه دسیدالشهدا ښوونځي بیارغونه دملي پراختیا شرکت له لوري پیل شوه اوټاکل شوې چې ډیر ژریې کارونه بشپړ اود زده کوونکو پرمخ به بیا پرانستل شي. دغه ښوونځی چې د کابل په لویدیځ کې موقعیت لري د شنبې ورځ دغویي (ثور) په ۱۸ نیټه د وسلوالو برید لاندې راغی، چې څه د پاسه ۱۰۰ تنه انجونو ته پکې مرګ ژوبله واوښته او د ښوونځي زیاتې برخې یې ونړولې. اوسمهال ددې ښوونځي پر ۸ بلا کونو د بیا رغونې کارونه د ملي پراختیا شرکت د افغانی و دانیز ریاست له لوري په چټکۍ روان دي.

چهارشنبه ۲۲ غویی ۱۴۰۰ تیره ورځ په پکتیا ولایت کې د کرونا ۵۰ بستریز روغتون چې د ملي پراختیا شرکت اړوند د کور جوړونې ریاست له لوري جوړ شوی د یوې غونډې په ترڅ کې، چې پکې د پکتیا والي، ولایتي شورا غړو، ګڼ شمير قومي مشرانو، روغتیا پالانو او ځوانانو برخه اخیستې وه ګټې اخیستنې ته وسپارل شو. دغه روغتون بیلابیلې څانګې لکه: پرعصري وسایلو سمبال عملیات خونه، بیړنۍ څانګه، لابراتوار، اکسرې، د وینې بانک، درملتون او د ښځینه او نارینه جلاجلا بستر خونې لري، چې مالي لګښت یې د آسیایي پرمختیایي بانک (ADB) له لوري ورکړل شوی. دپرانیستې په مراسمو کې د پکتیا والي محمد حلیم فدایي د ملي پراختیا شرکت له مسؤلینوڅخه مننه وکړه، چې د یاد روغتون چارې یې په لوړ کیفیت او ټاکل شوې موده کې بشپړې کړې. د یادونې وړ ده چې د کرونا د یو بل سل بستریز روغتون چارې هم د ملي پراختیا شرکت له لوري بشپړې شوي او په نږدې راتلونکي کې به ګټې اخيستنې ته و سپارل شي‌.

سه شنبه ۲۱ غویی ۱۴۰۰ د ۳۶ بابه جامع جوماتونو رغنیزې چارې،چې په بیلابیلو ولایتونوکې د ملي پراختیا شرکت له لوري پیل شوې وې، ۲۷ بابه یی اوس بشپړې شوي دي. ټاکل شوې ده نن سه شنبې دغویي (ثور) میاشتې په ۲۱ نیټه دجوماتونو اونۍ ته د درناوي په پار دهرات، قندهار، پروان، ننګرهار او په کابل کې د امارات ښارګوټي جامع جوماتونه په آنلاین ډول د ولسمشر محمد اشرف غني له لوري او ۲۲ بابه نور یې هم مهاله په بیلابیلو ولایتونوکې د والیانو له لوري ګټې اخیستنې ته وسپارل شي. دغه جوماتونه د کابل په ګډون په ۲۵ ولایتونولکه: کندهار، هرات، هلمند، ننګرها، پروان، کاپیسا ، پنجشیر،خوست، پکتیا، لوګر، میدان وردګ، لغمان، کنړ، نیمروز، زابل، فراه، بلخ، فاریاب، سرپل، سمنګان، جوزجان، کندز، تخار، بدخشان او غزني کې رغول شوي،چې مالي لګښت یې دجمهوري ریاست عملیاتي ادارې له بودجې څخه ورکړل شوی دی. دیا دونې وړ ده چې په ورته وخت کې دلسګونه بابه نورو جوماتونو رغنیزې چارې په ۳۶ ولایتونوکې د ملي پراختیا شرکت له لوري پرمخ روانې دي او ټاکل شوې چې په نږدې راتلونکي کې ګټې اخیستنې ته وسپارل شي.

دوشنبه ۲۰ غویی ۱۴۰۰ د لغمان مرکز مهترلام کې به ډیر ژر دا دوه پوړیزه جامع جومات دلمونځ کوونکو پرمخ پرانیستل شي. دغه جامع جومات چې دجمهوري ریاست عملیاتي ادارې په مالي لګښت پر ۱۶۰۰ مربع متر مساحت کې جوړیږي په یوخت کې به د۲۰۰۰ لمونځ کوونکو دځاییدو ظرفیت ولري. ددې جامع جومات ودانیز کارونه دملي پراختیا شرکت دبنائي ودانیز ریاست لخوا په پاخه او اساسي ډول جوړیږي . د یادونې وړده چې په لغمان ولایت کې د یادې پروژې سربیره پر یو ټولنیز سالون او د ولسوالیو په مرکزونو کې پر جوماتونو هم ودانیز کارونه روان دي.