چهار شنبه ۱۵ غویی ۱۴۰۰ دپروان ولایت مرکز چاریکارو اړوند دتوغبیردي ښوونځي ودانۍ چې رغنیزې چارې یې دملي پراختیا شرکت اړوند دافغاني ودانیز ریاست له خوا پرمخ وړل کیږي ۹۵٪ سلنه چارې یې بشپړې شوي او په نږدې راتلونکي کې به ګټې اخیستنې ته وسپارل شي. دغه ښوونځی پر ۸۰۰ مربع متره مساحت ځمکه کې په دوه پوړونوکې جوړیږي، چې ۱۶ درسي خونې اونور اړین ملحقات لري، چې ډیر ژر به دزده کوونکو پرمخ پرانستل شي. دملي پراختیا شرکت چې د پراختىايي پروژو، اقتصادي ودې د چټکتيا او د دولتي تصدیو د چارو د ښه تنظیم موخه جوړ شوی تردې مهاله یې په بیلابیلو برخوکې لسګونه عام المنفعه پروژې بشپړې او ګټې اخیستنې ته سپارلې دي.

۱۴ غویی۱۴۰۰ د کابل ولایت ۱۲ ناحیې اړوند څرخي پله سیمه کې د جنت ګل خان د نسایي ولادي روغتون د جوړیدو چارې پیل شوې. یاد روغتون چې په ملي ستندرد برابر او په ټولو اړینو وسایلو به سمبال وي، پر ۳۱۰۱ مربع متره مساحت ځمکه کې په درېو پوړونو کې په پاخه او اساسي توګه جوړیږي؛ د دوو جلا برخو (ایمرجنسي او بستري) په درلودو سره به ۳۰ بستره او نورې اړوند روغتیايي څانګې ولري، چې اوسمهال یې د کیندنې کارونه پیل او په چټکې پرمخ روان دي. دغه نسایي ولادي روغتون چې یوه ټولګټه پروژه ده، په جوړیدو سره به یې د سیمې د سلګونه اوسیدونکو روغتیايي ستونزې حل شي. دیاد روغتون ټول مالي لګښت چې ( ۲۳۸،۲۴۳،۰۰۰) افغانۍ اټکل شوی، د جمهوري ریاست عملیاتي ادارې له لوري ورکول کیږي او ودانیزې چارې یې د ملي پراختیا شرکت اړوند د افغاني ودانیز شرکت لخوا پلې، چې د ۲۶ کاري میاشتو په اوږدو کې به بشپړې او ګټې اخیستنې ته به وسپارل شي.

دوشنبه ۱۳غویي ۱۴۰۰ د ډبرو سکرو ریاست او د سمنګان ولایت د مشرتابه د پرله پسې او ګډو هڅو په پایله کې، د آبخورک – ایبک ترانسپورتي لاره د سکرو بار وړونکو موټرو پر مخ خلاصه شوې او اوسمهال د ۱۰۰ موټرو پواسطه د سکرو د لیږد بهیر جریان لري. د دغه معدن د کیندنې بهیر په ۱۳۹۱ لمریز کال کې د کانونو د دوه برخې کیندنې په ذریعه په یاده سیمه کې پیل شوی دی. د پلخمري د دبرو سکرو ریاست د تخنیکي مرستیال، انجینر عباس عرفان د خبرو په اساس”په دغه موده کې د ټولنیزو ستونزو د شتون له کبله په خرم و سارباغ ولسوالۍ کې د آبخورک – ایبک ترانسپورتي لاره بنده شوې وه، او له اتيا زره متريک ټنه ډیر د دبرو سکاره د آبخورک کان په ګودامونو کې ذخیره شوي وو، په خوښي سره چې وروسته له نهو کلونو بیرته پرانستل شو. د یادونې وړ ده چې د آبخورک معدني سیمه د سمنګان ولایت په رویي دو آب ولسوالۍ کې موقعیت لري او د دغه سکارو د لیږد د بهیر له پیل سره د دې سیمې یو شمیرخلکو ته کاري فرصتونه رامنځته شوي دي.

د ملي پراختیا شرکت د هلمند ودانیز ریاست سروی ارشد انجنیر (۴) بستونه اعلان ته سپارلي دي؛ وړ کسان کولی شي د لینک له لیارې د ګمارنې آنلاین فورم ډک او د اعلان د خپریدو له نیټي څخه تر (۱۰) کاري ورځو پوري د اعتبار وړ دی. د یادو بستونو د دندو د لایحې لیدلو لپاره په لاندې لینک باندې کلیک وکړئ! http://erecruitment.ndc.gov.af

پنجشنبه ۹ غویی ۱۴۰۰ د پکتیا ولایت پوهنتون کې د محصلینو د اوسیدو ستونزې د حل په موخه په دوه بابه معیاري لیلېو ودانیزې چارې روانې دي چې تمه ده چارې ېې دیر ژر بشپړې شي. دا لیلېې چې د نړیوالو استندردونو مطابق په ۶۶۰۰ متر مربع ځمکه کې په پنځو پوړونو کې په عصري او اساسي شکل د افغان انجنیرانو او کارګرو پرمټ جوړیږي، هره یوه د ۱۰۰۰ تنو محصلینو د ځاییدو وړتیا لري. په هره لیلیه کې د محصلینو لپاره د خوب ۱۲۸ عصري او تجهیز شوې خونې، کنفرانس خونه، جومات، د روغتیايي چوپړتیاوو عاجله خونه، اداري او د معلوماتي تکنالوژۍ دفترونه، د وسایلو ډیپوګانې، خوړنتون، مجهز پخلنځی، د معلوماتو او کنټرول خونه، تشنابونه او نورې اړینې آسانتیاوې په پام کې نیول شوي دي. دې پروژې د پلې کیدو د چارو مسئولیت د ملي پراختیا شرکت، بنایی ودانیزه ریاست په غاړه لري او مالي لګښت ېې د جمهوری ریاست عملیاتی اداری لخوا ورکول کیږي.

سه شنبه ۷ غویی ۱۴۰۰ د پروان پوهنتون د لیلېې ودانۍ چې له تهکوۍ سره په شپږو پوړونو کې ودانیږي او د شاوخوا زر تنه محصلینو د ځاییدو وړتیا لري، تر دې مهال ېې په ودانیزو چارو کې ېې ۸۰ سلنه پرمختګ شوی. ددې پروژې عملي چارې د ملي پراختیا شرکت د بنايي ودانیزه ریاست پرمخ وړي او مالي لګښت ېې د جمهوري ریاست د عملیاتي ادارې لخوا ورکول کیږي. د ملي پراختیا شرکت زدکړالیانو د هوساینې په موخه ددې ودانۍ د ودانیزو چارو د پرمخ وړلو ترڅنګ، د یو شمیر نورو ولایتونو پوهنتونو کې، د ۱۸بابه لیلیو ودانولو عملي کارونه هم پرمخ وړي.