چهارشنبه ۱۱ وری ۱۴۰۰ د پلازمینې کابل ښار دولسمې ناحیې قلعه شاهنان سیمه کې د ډبرینو سړکونو د جوړولو چارې کارونه په چټکۍ سره روان دي او ډير ژر به دا پروژه بشپړه او خلکو خدمت ته به وسپارل شي. دا پروژه چې د پلازمېنې زون د پراختیا ادارې له لوري ډیزاین شوې او د ملي پراختیا شرکت اړوند افغاني ودانیز ریاست ېې عملي چارې پرمخ وړي، د سړک غاړې ته د ویالو د جوړولو او کانګریټ کارونه بشپړ شوي، سړک هوار او اوس پرې د ډبرین فرش کارونه روان دي. د یادونې وړ ده دې پرژوه کې کابو څلورنیم کیلومتره سړک، له پنځو تر لسو مترو پلنوالي سره په اساسي ډول جوړ او په ډبرو پوښل کیږي چې په ترڅ کې ېې ۲۰۰ کسانو ته په مستقیم ډول کاري بوختیا رامنځته شوې او په بشپړیدو سره به ېې د زرګونه کسانو تګ راتګ ستونزې حل شي.

دوشنبه ۹ وری ۱۴۰۰ د کندهار په دویمه ناحیه کې دا تاریخي جومات چې ۷۶۷ متر مربع مساحت لري، د بیارغولو کارونه یې د ملي پراختیا شرکت د افغاني تصدۍ لخوا بشپړې شوې دي. د یاد جومات مالي لګښت د ښار جوړولو او ځمکو وزارت لخوا ورکول شوې. ملي پراختیا شرکت د هېواد په بېلابېلو سیمو کې تاریخي آبدې بیارغوي، چې له یوې خوا خلکو ته کاري بوختیا او له بلې خوا د هېواد د آبادۍ او تاریخي هویت د ژوندي ساتلو لامل کېږي.

یکشنبه ۸ وری ۱۴۰۰ د ملي پراختیا شرکت اړوند ننګرهار کانال شرکت د ۹۱ تنو متقاعدو کارکوونکو په ویاړ ستاینغونډه او مخه ښې مراسم ترسره شوه. پدغو ۹۱ تنو کې ۷۴ تنه کارګر او ۱۷ تنه مامورین شامل دي د خپل خواږه عمرزیاته برخه يې د کانال ادارې ساتنې، پالنې او غوړېدا ته کار کړی او خپله خوږه ځواني يې په کې تېره کړې. ننۍغونډه چې د ننګرهار کانال شرکت ریاست انګړ کې جوړه شوی وه ددغې شرکت سرپرست او مرستیال انجنیر ذبیح الله فضلي وویل: ستاسې له برکته نن د ملي پراختیا شرکت اړوند ننګرهار کانال شرکت ۵۵ زره جریبه ځمکه په واک کې لرو، دغه شرکت به ستاسې کړي خدمتونه هېڅکله هېر نه کړي او ستاسو مشورو او پلانونو ته به د عمل جامه ورپه تن کړي. د متقاعدو مامورینو په استازولۍ د ننګرهار کانال شرکت متقاعد منابع بشري مدیر هدایت الله او د متقاعدو کارګرو په استازولۍ ګل داد خان خبرې وکړې او د ملي پراختیا شرکت د رهبرۍ او ننګرهارکانال شرکت ریاست نه يې مننه وکړه چې زموږ لپاره يې ستاینغونډه او مخه ښې مراسم ترتیب کړي وه، دوي زیاته کړه موږ به لدې وروسته هم خپل مشورې او نظرونه د کانال شرکت د بهبود لپاره د رهبرۍ او اړونده امریتونو سره شرېکوو. د غونډه په پای کې پرمتقاعدو ۹۱ تنو کارکوونکو ستاینلیکونه وویشل شوه او د کارګرو اتحاديي له لوري د ننګرهارکانال شرکت سرپرست ته [...]

د ملي پراختیا شرکت د سروی لوړپوړې انجنیر (۴) بستونه اعلان ته سپارلي، په شرایطو سره برابر کسان کولی شي د اعلان خپریدو له نیټې نه تر (۱۰) کاري ورځو پورې؛ خپل لنډ معلومات /CV د ملي پراختیا شرکت د بشري سرچینو ریاست بریښنالیک پتې ته واستوي. د یادو بستونو د دندو لایحې د لیدلو لپاره لاندې لینک باندې کلیک وکړئ! https://www.ndc.gov.af/en/jobs/

د ولایت مقام پخواني ودانۍ تر څېرمه د مېلمستون ودانیز کارونه روانې دي. د یاد مېلمستون مالي لګښت د جمهوري ریاست عملیاتي ادارې لخوا ورکول کېږي او عملي چارې یې د ملي پراختیا شرکت د افغاني تصدۍ لخوا پر مخ وړل کېږي.

شنبه ۷ وری ۱۴۰۰ د پکتیا په احمد ابا ولسوالۍ کې د مچلغو بند ودانیز کارونه روان دي. یاده پروژه د اماني دورې له ماستر پلانونو څخه وه، چې تېر کال د ولسمشر محمد اشرف غني په لارښوونه د ملي پراختیا شرکت لخوا د جموری ریاست عملیاتي ادارې په مالي ملاتړ ودانیز کارونه یې پیل شول. دا بند د ۵ میلیون متر مکعب اوبو د ساتنې ظرفیت لري، چې دا مهال یې ودانیز کارونه یې ۲۰ سلنه بشپړ شوي، همداراز په یاده پروژه کې ۲۷۰ کسان کار کوي. مچلغو بند د هېواد یو ستر ملي او اقتصادي پروژو څخه دی، چې په جوړولو سره یې شاړې ځمکې خړوبه او په زرګونو کورنۍ له برېښنا څخه برخمنې شي.