پنجشنبه د ۱۴۰۰ د وري ۵ مه ملي پراختیا شرکت د پلخمري ښار د اول نمبر برېښنا بند کانال ( اجمیر کانال) د پاکولو کار پیل کړی. یاد کانال ۲۶ کیلو متر اوږدوالی لري، چې په پاکولو سره یې ۱۸۰۰ هکتاره ځمکه خړوبه او د بند توربین د ۹ میګاواټو په ظرفیت سره بېرته فعاله شي. همداراز په دې پروژه کې ۶ د کنټرول دروازې او د ۳۵ متر په اوږدوالي سره اوسپنییز کانکریتي دېوال هم جوړېږي. د یاد کانال عملی چارې د ملي پراختیا شرکت د هلمند ودانیز شرکت لخوا، د اوبو د چارو د تنظیم ملي ادارې په مالي لګښت پرمخ وړل کیږي. ملي پراختیا شرکت د اوبو اړوندو پروژو جوړول او تطبیق د خپل کار په لومړیتوبونو کې نیولای او تر اوسه یې په لسګونو داسې پروژې جوړې کړې دي.

ننګرهار پوهنتون کې د ملي پراختیا شرکت له خوا د جمهوري ریاست د عملیاتي ادارې په مالي لګښت د نجونو لپاره د یوې لیلیې ودانیز کارونه په بشپړېدو دی. دا لیلیه له ۶۰۰۰ متر مربع څخه په زیاته ځمکه کې د ۱۰۰۰ تنو په ظرفیت له تهکوي سره په شپږو پوړونو کې جوړېږي. همداراز د هېواد په څو ولایتونو کې د ۱۷ لیلیو ودانیز کارونه روان دي, چې په پرانیستو سره یې د محصلینو ستونزې به حل شي.

د ملي پراختیا شرکت په شپږو بیلو څانګو کې  (۱۰) بستونه اعلان ته سپارلي، په شرایطو سره برابر کسان کولی شي د اعلان خپریدو له نیټې نه تر (۱۰) کاري ورځو پورې؛ خپل لنډ معلومات /CV  د ملي پراختیا شرکت د بشري سرچینو ریاست بریښنالیک پتې ته واستوي. د یادو بستونو د دندو لایحې د لیدلو لپاره لاندې لینک باندې کلیک وکړئ! https://www.ndc.gov.af/%da%a9%d8%a7%d8%b1%db%8c%d8%a7%d8%a8%db%8c/

چهارشنبه ۴ حمل ۱۴۰۰ د دې کانالونو په جوړولو سره به ۴۹۳۹۷ هکتاره شاړه ځمکه د په نیمروز ولایت کې زراعت ته چمتو شي. د دې کانالونو ودانیزې چارې د ملي پراختیا شرکت د بنائي تصدۍ لخوا پر مخ وړل کېږي چې مالي لګښت یې د هېواد له پراختیایي بودیجې څخه ورکول کېږي. له یاد کانالونه څخه به ۴۹ زره کورنۍ په مستقیمه توګه ګټه واخلي. کمال خان بند د هېواد یو له سترو پروژو څخه دی، چې په دې وروستیو کې یې د اوبو اخیستنې لړۍ هم پیل شوې دی.

سه شنبه ۳ وری ۱۴۰۰ په ننګرهار کې صنعتي او فرهنګي اونۍ د بزګر جشن په لمانځلو او د وطني توليداتو نندارتون په پرانیستلو سره پيل شوه چې په کې د ننګرهار والي، ننګرهار کانال شركت رهبرۍ او نورو مسوولينو، د ولايت مرستيالانو، د ادارو مسئولينو، ولایتي شورا غړو، بزګرانو او سلګونو نورو بېلابېلو قشرونو ګډون کړی و چې د ويناو سربېره په کې د بزګر اړوند ترانې، تياتر، اتڼ نندارې او نورې مېلې تر سره شوې. د ننګرهار والي ضياءالحق امرخېل د نوي کال او بزګر ورځې له امله ټولوهېوادوالو او بزګرانو ته مبارکي ورکړه، هيله يې وښوده چې سږنی کال د سولې، امن او ابادۍ په پيلامې بزګر لپاره د ځانګړو پرمختګونو او لاسته راوړنو ډک کال اوسې. نوموړي زياته کړه، چې د نوي کال په مناسبت يې صنعتي او فرهنګي اونۍ پيل کړې، چې په ۱۲۰ غرفو کې بېلابېل وطني توليدات، خواړه، تاريخي اثار او نور توکي نندارې ته ايښودلي شوي . د ننګرهار کانال شرکت سرپرست ريس ذبيح الله فضلي د نندارتون څخه د لېدنې پر مهال وويل، چې بزګر د ټولنې هغه قشر دی چې د خپلو لاسونو په تڼاکو کولو، خولو تويولو او ستړياو ګاللو سره د ټولنې د نورو قشرونو دسترخوان ډک ساتي، له همدې امله يې ډاډ ورکړ چې ۱۴۰۰م کال به د ننګرهار کانال شركت د پرمختګ او غوړېدا کال وي. د ننګرهار والي او د نندارتون برخه والو د کانال [...]

د هیواد په کچه د معیاري روغتیايي چوپړتیاوو د برابرولو په موخه، په کونړ ولایت په یو باب ۲۰۰ بستره روغتون ودانیزې چارې روانې دي. ددې روغتون ودانیزې چارې د ملي پراختیا شرکت د کور جوړونې ساختماني شرکت لخوا پلې کیږي.