پنجشنبه ۲۸ کب ۱۳۹۹ د ننګرهار کانال د هډې فارم میلمستون او رستورانټ چې د څو کلونو را پدیخوا غېر فعال وه په عصري وسایلو او سیستمونو سمبال بیا ځلي فعالېږي. یاد میلمستون ۱۶ د هستوګنې خوني او یاد رستورانټ دوه تالارونه، شین چمن او اړین محلقات لري دغه دواړه تعمیرونه په ۱۳۴۲ ه ش کال کې هغه مهال د بهرنیو او د وخت چارواکو لپاره جوړ شوي کومو چې به د کانال څخه لېدنه کوله او د کانال د پراختیا او سمون لپاره به یې برنامې جوړولی. په یاد میلمستون او رستورانټ کې به د ننګرهار کانال پرسونل په منظم توګه غونډې، ناستې، کنفرانسونه او ورکشاپونه ترسره کوي.

چهارشنبه ۲۷ کب ۱۳۹۹ د میرهزار تاریخی جومات د کندهار په دویمه ناحیه کې په۷۶۷ متر مربع ځمکه کې د ملي پراختیا شرکت د افغاني تصدۍ لخوا د ښار جوړولو او ځمکو وزارت په مالي ملاتړ بیارغول کېږي. ملي پراختیا شرکت د هېواد په بېلابېلو ولایتونو کې د لسهاوو ودانیزو او ټولګټو پروژو سربیره، د تاریخي آبدو د بیارغونې چارې هم پرمخ وړي، چې له یوې خوا خلکو ته کاري بوختیا او له بلې خوا د هېواد د آبادۍ او تاریخي هویت د ژوندي ساتلو لامل کېږي.

د ملي پراختیا شرکت د مطبوعاتو څانګې خپل اړوند د ګرافیک ډیزاینر، ویډیو ایډیټر د مطبوعاتو کارپوه، خبریال او فلم اخیستونکي، بستونه اعلان ته سپاړلي. وړ کسان کولای شي د خبرتیا خپرېدو له نېټې څخه تر ۱۰ کاري ورځو پورې خپل cv د برېښنالیک له لارې د ملي پراختیا شرکت د بشري سرچینو ریاست ته ولېږي. د یادو بستونو د دندو لایحې لیدو لپاره پر لاندې لېنګ کلک وکړئ! https://www.ndc.gov.af/%da%a9%d8%a7%d8%b1%db%8c%d8%a7%d8.../

سه شنبه ۲۶ کب ۱۳۹۹ د ننګرهار کانال شرکت مسوولین ددغه شرکت هډې فارم امریت دوهم بلاک کې د شنو خونو د حاصلاتو د رسېدو خبر ورکوي او وایي چې ډېر ژر به بازار ته وړاندې شي. د ننګرهار کانال شرکت سرپرست او مرستیال انجنیر ذبیح الله فضلي وايي، چې د ننګرهار کانال شرکت په شنوخونو کې بادرنګ، ټندۍ، دولمه مرچ، رومیان کرل شوي دي، چې اوس مهال د بادرنګو او ټنډیو حاصلات رسېدلي دي او نږدو ورځو کې به د درنو هېوادوالو خدمت ته هم وړاندې شي. د فضلي په ټکو چې نورو کلونو کې به دهېواد دنورو ولایتونو تر څنګ ان له همسایه هېوادونو هم بادرنګ دې ولایت ته وارېدېدل، خوسږکال به د ننګرهار کانال شرکت د شنو خونو له دودېدو سره سم اوس د جلال آباد ښار هټیوال او د سبزیجاتو کاروباریان تر ډېره بریده اړنه وي ، چې د نورو ولایتونو او هېوادونو محصولات وپلوري او رايې وړي . د فضلي په وینا : د ملي پراختیا شرکت برخې یانې ننګرهار کانال شرکت هلې ځلې کوي تر څو په هر موسم کې تازه سبزیجات مارکېټ ته وړاندې کړي. چې له نېکه مرغه سږکال د د هډې فارم بادرنګ، ټنډۍ او نور د کال په دې موسم کې بازار ته وړاندې شي . د کرنې د برخې د کارپوهانو په وینا چې ننګرهار د هېواد په ختیځ کې پروت ولایت چې په زیاته اندازه خلک یې په [...]

یکشنبه ۲۴ کب ۱۳۹۹ په پرلپسې توګه د هېواد په ټولو ولسوالیو کې د ۳۷۷ جوماتونو جوړلو په لړۍ کی، دا ځل د پکتیا ولایت په احمد خیلو ولسوالۍ کې د یوه جومات د جوړولو بنسټ ډبره کېښودل شوه. د یاد جومات د کار پیل پرون شنبې د احمد خیلو د اوقافو مدیر، د بنائي ودانیز تصدۍ مسوولینو او سیمه ییزو مشرانو په شتون کې وشوه. دا جومات د هغو ۳۷۷ جوماتونو له ډلې څخه یو دی، چې د هېواد په کچه په ټولو ولسوالیو کې د ملي پراختیا شرکت لخوا د جمهوري ریاست عملیاتي ادارې په مالي ملاټړ جوړېږي. ددې ټولو جوماتونو ودانیزې چارې د ملي پراختیا شرکت د بنائي ودانیز تصدۍ لخوا پرمخ وړل کېږي، ددې ترڅنګ چې خلکو ته به کاري بوختیا رامنځته کړي په اړوند برخو کې به د خلکو ستونزې هم حل کړي.

یکشنبه ۲۴ کب ۱۳۹۹ د خوست ولایت مرکز کې د یو باب ټولنیز صالون چې په نږدې ۷ سوه مربع متره مساحت ځمکه کې جوړ شوی او په یو وخت کې د ۱۰۰۰ کسانو د ځاییدو وړتیا لري کارونه بشپر او پرانیستو ته چمتو دی. د وخت په معیارونو سره برابر دا ټولنیز صالون چې ودانیزې چارې ېې د ملي پراختیا شرکت د بنايي ودانیزې شرکت لخوا پای ته رسول شوي، خلکو ته به د ټولنیزو ستونزو د حل اړوند ناستو او غونډو د ترسره کولو په برخه کې آسانتیا رامنځته کړي. ددې صالون مالي لګښت د جمهوري ریاست عملیاتي او ملاتړې ادارې له لورې ورکول شوی او له دې سربیره خوست ولایت کې په څو نورو ودانیزو پروژو هم کارونه روان دي.