نن د ملي پراختیا شرکت د بنائي ودانیز شرکت لخوا لغمان کې د عیدګاه جومات په انګړ او شنه ساحه کې د ونو کېنولو نړۍ والې ورځې په پار ونې کېنول شوې.

چهار شنبه ۲۰ کب ۱۳۹۹ د ملي پراختیا شرکت عمومي اجرائیوي مشر عبدالرحمن عطاش او ورسره مل پلاوي د ننګرهار کانال شرکت د ۱۲مالټه باغونوقراردادیانو او یو شمېر سوداګرو سره په ناسته کې د هغوي ستونزې، وړاندیزونه او غوښتنې له نږدې واورېدې او د حل په موخه يې اړونده مسوولینو ته لازمې سپارښتنې او هدایت وکړه. عبدالرحمان عطاش پخپلو خبرو کې د مالټه باغونو قراردادیانو ته وویل: د شوو قراردادونو د مادو له مخې تاسو اړ یاست چې په شته مالټه باغونو کې د ونو سمه ساتنه، پالنه او په وخت ورته اړونده اګروتخنیکي فعالیتونه ترسره کړۍ. د نوموړي په ټکو د عوایدو په وخت تحویلول او د اصولو او مقراراتو سره سم چلند موږ اړ کوي چې غوره قراردادي وستایو او د پرمختګ لپاره يې لازم اقدامات ترسره کړو. د ملي پراختیا شرکت اجرایوي مشر دا هم وویل چې خصوصي سکټور سره د نږدې نه کار او ورته وده ورکول يې د پلان برخه ده او دې برخې ته به لازم اقدامات وکړي چې هم مو هېواد آباد او هم مو د بې روزګارۍ کچه راټيټه شوي وي.

ننګرهار ته په سفر کې د ملي پراختیا شرکت عمومي اجرائیو مشر او ورسره مل پلاوی، په ننګرهار کې د ملي پراختیا شرکت له پروژو څخه لیدنه او ارزونه وکړه. په دې سفر د ملي پراختیا شرکت عمومي اجرائیو مشر د ننګرهار له والي ضیاءالحق امرخیل سره هم ولیدل. د ننګرهار والي د تورخم ښارګوټي کې د ۲ کیلومتر سرک، پچیراګام کې د پچیر ملا صیب مدرسې د پاتې چارو بشپړېدو او اګام پاچا صیب جومات د ودانیز چارو پیل کېدو غوښتنه وکړه. ښاغلي امرخیل د ملي پراختیا شرکت له عمومي اجرائیو مشر څخه مننه وکړه، چې د شاهي ماڼۍ، سپین جومات، ۶ سوه بستریز روغتون، د نجونو لیلیه او د کانال اړوند بېلابېلو برخو چارې یې ګړندي کړي دي. د ملي پراختیا شرکت عمومي احرائیوي مشر عبدالرحمن عطاش ډاډ ورکړ چې ژر به په تورخم ښارګوټې کې د ۲ کیلو متره سړک چارې پیل کړي، همداراز یې اړوندو مسوولینو ته هر اړخیزه لارښوونه او سپارښتنه وکړه چې د پچیر ملا صیب مدرسې پاتې چارې او اګام پاچاصیب جومات جوړولو چارې ژر تر ژره پیل کړي. ښاغلي عطاش د کانال اړوند د ماهیانو، مالدارۍ او نورو برخو د پیاوړي کولو څخه هم خبر ورکړ, چې له امله به یې دې ولایت کې زرګونو کسانو ته کاري فرصتونه برابر شي.

سه شنبه ۱۹ کب ۱۳۹۹ کنړ ته په سفر کې د ملي پراختیا شرکت عمومي اجرائیوی مشر عبدالرحمن عطاش او ورسره مل پلاوی یې د ملي پراختیا شرکت له پروژو څخه لیدنه او ارزونه وکړه او همداراز یې اړوندو مسوولینو ته هر اړخیزه سپارښتنه وکړه. په یاد سفر کې د ملي پراختیا شرکت عمومي اجرائیوی مشر د کنړ ولایت له والي محمد اقبال سعید او یو شمېر سپینږیرو او قومی مشرانو سره وکتل او د هغوی غوښتنې یې واورېدې. دا مهال په کنړ کې د دوه سوه بستریز روغتون او لیلیې ترڅنګ د ملي پراختیا شرکت له لوري د ۱۴ جماتونه او د ورزشي جمنازیوم د جوړېدو چارې دوام لري چې په بشپړیدو سره به یې په بېلا بېلو برخو کې خلکو ته د پام وړ اسانتیاوې رامنځته شي.

سه شنبه ۱۹ کب ۱۳۹۹ تیره ورځ د ملي پراختیا شرکت عمومي اجرائیوي مشر عبدالرحمن عطاش، د ټولګتو وزارت مرستیالانو پوهنیار انجنیر پاینده محمد انوري او ډیپلوم انجنیر عبدالقیوم ځاځی له سالنګونو څخه لیدنه او هر اړخیزه ارزونه وکړه. په یاد سفر کې تخنیکي انجنیرانو هم ګډون درلود چې د سالنګونو له سرک، پلونو، ګالریو، تونل، د هوا پېژندنې له سټیشن، د ژغورنې خونو، او د سالنګونو له ریاست څخه لیدنه او ارزونه وشوه او اړوندو مسولینو ته سپارښتنه وشوه چې د تخریب شویو پلونو او لارې بیارغونه وشي، ترڅو دا لویه لاره شپه او ورځ د هېوادوالو پر مخ پرانیستې وي. همداراز د سالنګونو د نوي تونل د سروې او ډیزاین چارې ۸۵ سلنه بشپړې شوي، چې له امله یې د شمال او مرکز ترمنځ لاره به لا لنډه او خوندي شي.

سه شنبه ۱۹ کب ۱۳۹۹ د نورو ولایتونو په څیر په کنړ کې هم ملي پراختيا شرکت د جمهوري رياست عملیاتي ادارې په مالي ملاتړ یو دوه پوړ لوی جومات، چې په یو وخت کې د ۲۰۰۰ لمونځ کوونکو د ځاییدو ظرفیت لري، ودانیز کارونه يي په بشپړېدو دي. یاد جومات چې د کنړ په مرکز اسعد آباد په سالار باغ په سیمه کې په ۱۶۰۰ متر مربع ځمکه کې د ملي پراختیا شرکت د بنائي تصدۍ لخوا ودانېږي. همداراز په کنړ کې د یادې پروژې سربېره په دوو روغتونو، یو ټولنیز مرکز، یو ورزشي سالون او د سید جماالدین افغان پوهنتون کې په یو لیلېې هم ودانیز کارونه روان دي. څه موده وړاندې د روغتون لپاره یو انتظار خونه د کارونو تر بشپړېدو وروسته ګټې اخیستنې ته وسپارل شوه.