یکشنبه ۱۷ کب ۱۳۹۹ د لوبغاړو د ستونزو د حل، د ځوانانو د هڅونې او لوبغاړو ته د اسانتیاوو برابرولو په پار په کندهار ولایت کې د یو جمنازیوم چارې چې مخکې پیل شوی وی پشپړې شوې. د یاد جمنازیوم مالي لګښت د ملي پراختیا عملیاتي ادارې لخوا ورکول کېږي او ودانیزې چارې یې د ملي پراختیا شرکت د بنائي شرکت لخوا پر مخ وړې. یاد جمنازیوم چې په ۱۹۵۰متر مربع ځمکه کې جوړېږي چې په یو وخت کې به د ۱۵۰۰ لیدونکو ظرفیت ولري.

د کندز په مرکز کې جمنازیو د ځوانانو هڅونې په پار د ملي پراختیا شرکت د بنائي شرکت لخوا ودانېږي. د یادې پروژې ودانیز کارونه په بشپړېدو دي او په نېږدې راتلونکي کې به ګټې اخیستنې ته وسپارل شي.

پنجشنبه ۱۴ کب ۱۳۹۹ دکندز ولایت په مرکز کې د یوه جومات د جوړولو چارې مخ په خلاصېدو دي. یاد جومات چې په یو وخت کې د ۲۰۰۰ لمونځ کوونکو ظرفیت لري د ملي پراختیا شرکت د بنایي شرکت له خوا جوړیږي. دا جومات دوه پوړونو کې په ۱۶۰۰ متر مربع ځمکه د جمهوري ریاست د عملیاتي اداری په مالي لګښت جوړشوۍ.

پنجشنبه ۱۴حوت ۱۳۹۹ په زابل ولایت کې د یو باب سل بستریز روغتون ودانیزې چارې دوام لري، چې د کویډ ۱۹ ناروغۍ د درملنې تر څنګ به، په نورو روغتیايي برخو کې هم خدمات وړاندي کړي او هڅه کیږی چې په خپل ټاکلي وخت ېې کارونه بشپړ شي. دا روغتون چې له وړاندې جوړو ودانیزو ټوټو څخه په ګټې اخیستنې سره ودانیږي؛ عملیات خونه، او پي ډي، اکسرې او عاجله څانګه، لابراتوار، د وینې بانک، درملتون او نورې اړینې برخې لري. ددې پروژې ودانیزې چارې ېې د ملي پراختیا شرکت اړوند د کور جوړونې شرکت لخوا پلې کیږي چی مالي لګښت یی د آسیا پراختیايي بانک لخوا ورکول شوی.

سه شنبه ۱۲ کب ۱۳۹۹ د هېواد لومړي ولسمشر سردار محمد داود خان د مقبرې ودانیز کارونه چې د ملي پراختیا شرکت د بنائي تصدۍ لخوا پرمخ وړل کېږي، ۶۵ سلنه بشپړې شوي. یاده پروژه د تاج بېګ په تپه کې د ۵۷۵۰ مترمربع ځمکې په مساحت سره ودانېږي، چې ۳ لوی سالونونه،۲ کتاب خونې، ۲ نندارتونونه، پخلنځای، طعام خونه، ۴ اداري خونې، دهلیزونه، تشنابونه او د مقبرې د محوطې سرکونه پکې دې، مالي لکښت یې د ملي پراختیا عملیاتي ادارې لخوا ورکول کېږي. ملي پراختیا شرکت د څو تاریخي او ملي شخصیتونو د مقبرو ودانولو مسوولیت لري.

دوشنبه ۱۱ کب ۱۳۹۹ د ملي پراختیا شرکت لخوا د کنړ ولایت په مرکز کې، د یو باب جامع جومات ودانیزې چارې په بشړیدو دی. یاد جومات د ولسمشر محمد اشرف غنی په لارښوونه، د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنايي ودانیزې تصدۍ لخوا جوړیږي. ددې جومات تر څنګ د کنړ ولایت په ولسوالیو کې هم د شپږ محرابه جوماتونو او یو شمیر نورو ودانیزو پروژو چارې روانې دي چې ځینې به ېې په راتلونکو څو میاشتو کې پرانیستل شي.