یکشنبه ۱۰ کب ۱۳۹۹ د لوی څارنوالۍ د درې الحاقیه بلاکونو ودانیزې چارې چې د ملي پراختیا شرکت د افغاني ودانیز ریاست لخوا پرمخ وړل کیږي په ښه توګه پرمخ روانې دي. دا بلاکونه چې د پلازمېنې زون پراختیا ادارې له لوري طرحه، ډیزاین او تمویلوېږي، ودانیز کارونه به ېې څه کم دوه کاله وخت ونیسي خو د ملي پراختیا شرکت ژمن دی چې د ودانیزو معیارونو په پام کې نیولو سره ېې هر څه ژر بشپړ او ګټې اخیستنې ته وسپاري. دې عدلي بنسټ لپاره ددې اداري کمپلکس جوړیدل او درلودل خورا اړین بلل کیږي چې له جوړیدو سره به په اداري امکاناتو او تجهیزاتو سمبال شي او تر ډير بریده به اړونده اداري کارونه په آسانتیا سره ترسره شي. دمګړۍ دیادو ودانیو په بیلابیلو برخو او پوړونو کې مختلفه ودانیزې او تخنیکي چارې روانې دي چې لسهاوو تنه پکې په کار بوخت دي.

شنبه ۹ حوت ۱۳۹۹ د ملي پراختیا شرکت او جمهوري ریاست عملیاتي ادارې ګډ پلاوی د رییسانو او مسوولینو په ګډون، د ملي پراختیا شرکت د کاري زونونو د پروژو له کاري بهیر څخه د نظارت په پار د سفر لړۍ پیل کړه. په دې سفر کې د پروژو د نظارت سربېره به د بشپړ شویو پروژو پرانیسته او تسلیمي او همداراز له محلي چارواکو سره لیدنه وشي. ملي پراختیا شرکت اوس مهال په لسو کاري زونونو کې د جمنازیومونو، جوماتونو او انتظار خونو ودانیز کارونه بشپړ کړې دي.

لوبغاړو ته د لوبو کولو اسانتیا برابرولو په پار، د کندهار په مرکز کې یو جمنازیوم د ۱۵۰۰ تنو سیلانیانو په ظرفیت سره جوړېږي. یاد جمنازیو د ملي پراختیا شرکت د بنائي تصدۍ لخوا د ملي پراختیا عملیاتي ادارې په مالي ملاتړ جوړېږي.

د ننګرهار په مرکز کې د جامع جومات ودانیز کارونه په پشپړېدو دي او په نېږدې وخت کې به ګټې اخیستنې ته وسپارل شي. د یاد جومات ودانیز کارونه د ملي پراختیا شرکت د بنائي تصدۍ لخوا پر مخ وړل کېږي.

سه شنبه ۵ کب ۱۳۹۹ د بدخشان ولایت مرکز کې د یو باب ټولنیز صالون چې په نږدې ۷سوه مربع متره مساحت ځمکه کې جوړ شوی او په یو وخت کې د ۱۰۰۰کسانو د ځاییدو وړتیا لري کارونه بشپر او پرانیستو ته چمتو دی. د وخت په معیارونو سره برابر دا ټولنیز صالون چې ودانیزې چارې ېې د ملي پراختیا شرکت د بنايي ودانیزې تصدۍ لخوا پای ته رسول شوي، خلکو ته به د ټولنیزو ستونزو د حل اړوند ناستو او غونډو د ترسره کولو په برخه کې آسانتیا رامنځته کړي. ددې صالون مالي لګښت د جمهوري ریاست د ملي پراختیا عملیاتي او ملاتړې ادارې له لورې ورکول شوی او له دې سربیره بدخشان ولایت کې په څو نورو ودانیزو پروژو هم کارونه روان دي.

سه شنبه ۵ کب ۱۳۹۹ په غزني د الجهاد جومات چې د اعلی حضرت محمد ظاهر شاه په واکمنۍ کې جوړ شوی وه، د مجاهدینو د واکمنۍ پر مهال پرې د الجهاد نوم پرې کېښودل شو. ولسمشر محمد اشرف غني غزنې ته د سفر پر مهال ژمنه وکړه چې یا جومات به په اساسي ډول ورغول شي. له ژمنې سره سم د الجهاد جومات ودانیز کارونه د ملي پراختیا شرکت د بنائي تصدۍ لخوا د ملي پراختیا عملیاتي ادارې په مالي ملاتړ پیل شو. الجهاد جومات په درېیو پوړونو کې د ۶۰۰۰ لمونځ کوونکو په ظرفیت سره ودان شوی چی کارونه یی مخ په بشپړېدو دي. همداراز د غزني په لسو ولسوالیو کې د لسو جوماتونو ودانیز کارونه هم روان دي، چې ډېر ژړ به ګټې اخیستنې ته وسپارل شي. ملي پراختیا شرکت په هېواد کې د سترو ملي پروژه تطبیق تر څنګ، په هېواد کې د ۳۸۴ جوماتونو ودانیز کارونه هم روان کړي.