چهار شنبه ۲۹ سلواغه ۱۳۹۹ د کمال خان له بند څخه د ترکو او قلعه افضل کانالونو ودانیز کارونه ۵۳ سلنه د ۹۳ کیلومتر په اوږودالي سره پرمختک کړی. د دې کانالونو په جوړولو سره به ۴۹۳۹۷ هکتاره شاړه ځمکه به په نیمروز کې کښت ته تیاره شي. د دې کانالونو مالي لکښت ۹.۹ میلیارد افغانۍ کېږي، چې د هېواد له پراختیایي بودیجې څخه ورکول کېږي او ودانیز کارونه یې د ملي پراختیا شرکت د بنائي تصدۍ لخوا پر مخ وړل کېږي. له یاد کانالونه څخه به ۴۹ زره کورنۍ په مستقیمه توګه ګټه واخلي. کمال خان بند د هېواد یو له سترو پروژو څخه دی، چې په دې وروستیو کې د اوبو اخیستنې لړۍ یې هم پیل شوې.

د علامه محمد ابن حبان بستي ټولنیز سالون ودانیز کارونه د هلمند د حج او اوقافو په ریاست کې د ۱۰۰۰کسانو په ظرفیت سره بشپړې او ګټې اخیستنې ته وسپارل شو. د یاد تالار په پرانیستې کې د هلمند والي په ګډون ګن شمېر حکومتي چارواکو ګډون کړی وه، د دې ټولنیز سالون د جوړولو چارې د ملي پراختیا شرکت د بنائي تصدي لخوا پر مخ وړل شوی.

د ولایت مقام پخواني ودانۍ تر څېرمه د مېلمستون ودانیز کارونه په ۸۴۰ متر مربع ځمکه کې د ۱۲ خوب خونو، یو طعام خونه پخلنځای او نورو ضروري برخو په درلودو سره روانې دي. د یاد مېلمستون مالي لکښت د ملي پراختیا عملیاتي ادارې لخوا ورکول کېږي او ودانیز کارونه یې د ملي پراختیا شرکت د افغاني تصدۍ لخوا پر مخ وړل کېږي.

سه شنبه ۲۷ سلواغه ۱۳۹۹ په بنجشیر کې د ملي پراختیا شرکت د څو ټولګټو پروژو له ډلې څخه یو هم جامع جومات دی، چې ودانیز کارونه به یې په نېږدې وخت کې بشپړې شي. یاد جومات د پنجشیر په بازارک کې په ۱۶۰۰ متر مربع ځمکه کې د ۲۰۰۰ لمونځ کوونکو په ظرفیت سره په دو پوړونو کې جوړېږي. د جامع جومات ودانیز کارونه د ملي پراختیا شرکت د بنائي تصدۍ لخوا پر مخ وړل کېږي. د یادونې وړ ده چې په پنجشیر کې له یاد جومات سربېره په یو ټولنیز سالون او د ولسوالیو په مرکزونو کې په شپږو جوماتونو هم ودانیز کارونه روان دي. همداراز په پیشغوري ولسوالۍ کې د پنځو جوماتو او په روغتون د دو انتظار خونو ودانیز کارونه څه موده مخکې پشپړ او ګټې اخیستنې ته وسپارل شول.

شنبه ۲۵ سلواغه ۱۳۹۹ له کله نه چې ننګرهار کانال د ملي پراختیا شرکت برخه شوه کارونه يې منظم ، لا مسلکي او د ودې په حال کې دي ، ننګرهار کانال شرکت چې په هیواد کې د کرنیزو محصولاتو او تولیداتو لوی دولتي شرکت دی؛ زیاته پاملرنه ورته کولی شي د کرنیزو محصولاتو، تولیداتو او تازه میوو په برخه کې هیواد په ځان بسیا کړي. د درېیم فارم مسوولین وايې چې د تېرې اونۍ راهيسی يې ددغه فارم په قوریو کې د کيمياوي سری کارونې چارې د مالټه باغونو ونو د تقويه کولو، ښی ودې او په زړه پوری حاصلاتو ترلاسه کولو په هدف پېل کړي او د روانې میاشتې تر پایه به دوام وکړي. مسوولین زیاتوي چې مالټه باغونو او نورو بوټو ته کیمیاوي سرو کارونه کولای شي چې یاد حاصلات څو برابره لوړ کاندي او درنو هېوادوالو ته خپله وطني تولیدات وړاندی شي.

پنجشنه ۲۳ سلواغه ۱۳۹۹ د کندهار په مرکز او ولسوالیو کې د ملي پراختیا شرکت لخوا پر یو شمېر ودانیزو پروژو کارونه روان دي،چې له ډلې یې همدا د تختې پل جومات دی. د یاد جومات مالي لکښت د ملي پراختیا عملیاتي ادارې لخوا ورکول کېږي او ودانیزې چارې یې د ملي پراختیا شرکت د بنائي تصدي لخوا پرمخ وړل کېږي. د مګړۍ جومات پر بیلابیلو برخو کار روان دی او له بشپړېدو وروسته به ګټې اخیستنې ته وسپارل شي.