یکشنبه ۱۹ سلواغه ۱۳۹۹ د ټولنیز سالون ودانیز کارونه چې په ۷۰۰ متر مربع ځمکه کې جوړ شوی او د ۱۰۰ کسانو د ځایېدو ظرفیت لري، بشپړ شوی او پرانیستې ته چمتو شوی. یاد سالون په اوسني معیارونو برابر د ټولنیزو غونډو لپاره د ملي پراختیا شرکت د بنائي تصدي لخوا جوړ شوی. د ټولنیز سالون مالي لګښت د ملي پراختیا عملیاتي ادارې لخوا ورکول کېږي، همداراز په دایکندي د ملي پراختیا شرکت لخوا د څو نورو پروژو کارونه هم روان دي.

یکشنبه ۱۹ سلواغه ۱۳۹۹ د بلخ ولایت د خالد بن ولید په ښارګوتي کې، په دوو پوړونو کې د یو محراب جومات ودانیز چاری روان دي چې د سلهاوو تنه لمونځ کوونکو د ځاییدو وړتیا لري. دا جومات چې ودانیز چاری ېې د ملي پراختیا شرکت د بنايي ودانیزه تصدۍ پرمخ وړي، ټولیز مساحت ۱۶۰۰مربع متره دی او نږدې سلنه ودانیز کارونه ېې بشپړ شوي دي.

شنبې ۱۸ سلواغې ۱۳۹۹ ملي پراختیا شرکت د قندهار په مرکز کې د میر هزار جامع جومات رغنیزې چارې ۹۳ سلنه بشپړې کړي او په نېږدې وخت کې به یې ګټې اخیستنې ته وسپاري. د میر هزار تاریخي جومات د قندهار په دویمه ناحیه کې د ۸۶۷ متر مربع ځمکه کې جوړ شوی وه، اوس یې رغنیزې چارې د ملي پراختیا شرکت د افغاني تصدي لخوا پر مخ وړل کېږي او مالی لگښت یې ۱۴.۳ میلونه افغانۍ کېږي، چې د ښار جوړولو او ځمکو وزارت لخوا ورکول کېږي.

سه شنبه ۱۴ سلواغه ۱۳۹۹ د ملي پراختیا شرکت د رهبرۍ په وړاندیز او د افغان ولسمشر په لارښوونه د ننګرهار وادي کرنیز شرکت د زیتونو په بڼونو کې له پنځوس زرو ډيرو کارګرو ته د کار زمینه برابره او د کار په بدل کې غنم ورکول کیږي. د ننګرهار وادي کرنیز شرکت مسوولین وایي دغه پروګرام چې د زیتونو په څلورګونو فارمونو کې پېل شوی، له لارې به يې ۵۴ زره کسان په کې په کار بوخت شي او د کار په بدل کې به د ورځې هر تن ته ۷کیلو ګرامه غنم ورکول شي. دا کارګر د ننګرهار وادي کرنیز شرکت (کانال) په اړوند زیتون بڼونو کې په شاخ برۍ، چونه کارۍ، ویالو ویستو او داسې نورو اړینو چارو بوخت دي، چې له یوې خوا دا چاره د زیتون او نورو بڼونو د حاصلاتو د ډیروالي لامل او له بل پلوه له بې کارۍ سره د مبارزې لپاره اغېزمنه تمامیږي.

دوشنبه ۱۳ سلواغه ۱۳۹۹ د ملي پراختیا شرکت پکتیکا کې د یو شمیر نورو ودانیزو پروژو د پلې کولو تر څنګ، په مرکز ښرنه کې د یو باب دولس ټولګي ښوونځي ودانیز کارونه هم پای ته رسولي. د دې ښوونځي ودانیز کارونه د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت اړوند د بنايي ودانیز شرکت لخوا پرمخ وړل شوي دي. دا ښوونځی د مرکز ښرنې په خواجه خیلو کې په نږدې ۱۰۰۰متره مربع مساحت ځمکه کې په دوه پوړیز شکل جوړ شوی؛ له ۱۲ درسي ټولګیو سربیره، کتابتون، کمپیوټر خونه، ادارې خونې، تشنابونه او نورې اړینې برخې لري. ####

یکشنبه ۱۲ سلواغه ۱۳۹۹ د خوست ولایت تڼیو ولسوالۍ د درګۍ په کلي کې یو محراب جومات، چې ودانیز کارونه ېې د روان کال چنګاښ میاشت کې پیل شوي او تر دې دمه پکې ۴۲سلنه پرمختګ شوی؛ تمه ده له ټاکل شوي مهال ویش سره سم پرانیستل شي. دا جومات په ۶۵۰مربع متره مساحت ځمکه کې په یو پوړیز شکل، له ټولو اړینو برخو سره ودانیږي، مالي لګښت ېې د جمهوري ریاست د ملي پراختیا عملیاتي او ملاتړه ادار ورکول کیږي. ددې جومات عملي چارې د ملي پراختیا شرکت اړوند د بنايي ودانیز شرکت پرمخ وړي او له دې سربیره دا شرکت په خوست ولایت کې ځينې نورې ودانیزې ټولګټې پروژې هم تر کار لاندې لري.