دوشنبه ۶ سلواغه ۱۳۹۹ پکتیا ولایت کې د سمبال سپورتي جمنازیم پرانیستو سره به، د دې ولایت ځوانانو ته د سپورتي پروګرامونو په جوړولو او د لوبو ترسره کولو کې اسانتیاوې برابرې شي. دا جمنازیم چې اوس مهال د جوړیدو په حال کې دی، د جمهوري ریاست عملیاتي ادارې په مالي ملاتړ ېې ودانیزې چارې د ملي پراختیا شرکت د بنايي ودانیز شرکت پرمخ وړي. پکتيا ولایت کې دا جمنازيم چې په ۱۹۵۰مربع متره مساحت ځمکه کې جوړيږي، په يو وخت کې به د شاوخوا ۱۵۰۰تنه نندارچيانو د ځاییدو ظرفيت ولري.

محمد اشرف نومی د ملي پراختیا شرکت د ارزاقو ریاست اړوند، د دوه خونو درلودونکې یوه هټۍ چې پنځه سوه فامیلیو کې موقعیت لري د میاشتې په ( ۵۰۰۰ ) افغانیو په کرایه نیسي. هغه اشخاص چې غواړي یاد ملکیت له پورته قیمت څخه په لوړه بیه په کرایه واخلي، خپل غوښتنلیکونه دې خوشحال خان مینه کې سیلو ته څيرمه د ارزاقو ریاست ته وسپاري؛ شرط پاڼه د ټاکل شوي قیمت په بدل کې ترلاسه او داوطلبۍ کې د ګډون لپاره په ټاکل شوې ورځ، خپله یا خپل استازی حاضر کړي؛ ضمانت نغدي اخیستل کیږي.

یکشنبه ۵ سلواغه ۱۳۹۹ د دې بند جوړولو چارې د روان کال د مرغومې په ۱۴مه نیټه پیل شوې چې له جوړیدو سره به ېې ۸۷۰ هکتاره ځمکه خړوبه او ۳۴ زره کورنۍ به ترې ګټه پورته کړي. دا بند چې د زابل ولایت مرکز قلات ښار سره څلور کیلو مټرۍ کې «نوخېز» کلي کې جوړیږي، د کاسې مساحت ېې ۱۵۰ جریبه؛ ۷۴ متره اوږدوالی؛ ۱۵ متره لوړوالی او ۵۴ متره پلن والی لري؛ د ۱,۸ میلیونه متر مکعب اوبو د زیرمه کولو وړتیا به ولري. توري بند د اوبو د چارو د تنظیم ملي ادارې لخوا سروې او ډيزان شوی او له ۹۲ میلیونو افغانیو څخه پرې زیات مالي لګښت راځي او د ۲ کالو په موده کې به بشپړ او ګټې اخیستنې ته وسپارل شي، ودانیزې چارې ېې د ملي پراختیا شرکت، هلمند ودانیز شرکت پرمخ وړي.

شنبه ۴ سلواغه ۱۳۹۹ د ملي پراختیا شرکت په ټول هیواد کې د ټولګټورو پروژو د پلي کولو ترڅنګ؛ د یتیمانو او بې سرپرسته ماشومانو لپاره د غوره ځای برابرولو په موخه په جوزجان ولایت کې د یو مناسبه روزنتون جوړولو چارې پرمخ وړي. دا روزنتون چې د وړاندې جوړو ودانیزو ټوټو څخه په استفادې په ۹۹۰۰ مربع متره مساحت ځمکه کې ودان شوی، بیلابیلې برخې لري لکه لیلیه، د ماشومانو لپاره ښوونځی، کلینیک او نور اړینې څانګې. ددې پروژې مالي لګښت د کار او ټولنیزو چارو وزارت لخوا ورکول شوی او عملي چارې یې د ملي پراختیا شرکت د کور جوړونې شرکت لخوا پرمخ وړل کیږي.

پنجشنبه ۲ سلواغه ۱۳۹۹ په غزني ولایت کې د یو باب سل بستره روغتون د جوړولو عملي کارونه چې د تیر کال په غبرګولي میاشت کې پیل شوي وو، اوس مهال پکې شاوخوا ۵۵ سلنه پرمختګ شوی. دا روغتون چې مالي لګښت ېې د عامی روغتیا وزارت لخوا ورکړل شوی، ودانیز کارونه ېې د ملي پراختیا شرکت اړوند د کور جوړونې ودانیز شرکت لخوا پرمخ وړل کیږي. یاد شوی روغتون په ۱۶جریبه ځمکه او په څلور بلاکونو کې د ټولو امکاناتو په درلودو سره ودانیږي، چې دوه بلاکونه ېې دوه پوړیز او دوه نوریې یو پوړیز دي.

چهارشنبه ۱ سلواغه ۱۳۹۹ د ملي پراختیا شرکت اړوند د ننګرهار وادي کرنیز شرکت چې په هیواد کې د کرنیزو محصولاتو او تولیداتو لوی دولتي شرکت دی؛ پاملرنه ورته کولی شي د کرنیزو محصولاتو، تولیداتو او تازه میوو په برخه کې هیواد په ځان بسیا کړي. په همدې موخه د ننګرهار کانال (وادي کرنیز شرکت) مسئولینو درېیم فارم کرنیزو ځمکو او بڼونو کې، د اوبو د تللو ویالو د پاک کارۍ، زېتون ونو د ښاخبرۍ او قوریه جاتو کې د کرنیزه صنعت (اګرو تخنیکي) فعالتونه پيل کړي، چې په ترڅ کې ېې په تېره یوه اوونۍ کې ۱۵ جریبه ځمکه کرنې ته چمتو او کرنیزې چارې ېې پای ته رسیدلي دي. د ملي پراختیا شرکت او د کانال رهبرۍ، د ننګرهار وادي کرنیز شرکت د پرمختګ، پراختیا او چارو د سمون او هلته له کرنیزو ځمکو او بڼونو څخه د ښې استفادې او هغې د پراختیا لپاره هلې ځلې پیل کړي چې ورسره په هره برخه کې ښه بدلون راغلی.