شنبه ۲۷ مرغومې ۱۳۹۹ د مزدا خان تاریخي حوض چې د هرات ولایت په نهمه ناحیه کې موقعیت لري او د تیموریانو دورې له پاتې آثارو څخه ګڼل کیږي؛ د ۸۵۰ او ۹۱۱ قمري کلونو ترمنځ جوړ شوی دی. دا حوض چې د اوبو د زيرمه کولو په موخه، د ۱۲.۲ مترو په وږدوالي او ۷.۳ مترو پلنوالي سره جوړ شوی، هغه وخت ېې ددې وړتیا درلوده چې د سیمې د خلکو ستونزې د څښاک اوبو د کمښت له اړخه حل کړي. د مزدا خان لرغونی حوض چې د وخت په تیریدو او نه پاملرنې له امله له نابودۍ سره مخ وو، د اطلاعاتو او کلتور وزارت په مالي ملاتړ، د ملي پراختیا شرکت د افغاني ودانیزې تصدۍ لخوا له سره بیا ورغول شو چې عملي چارې ېې تیره ورځ پای ته ورسیدې.

دا هغه جومات دی چې د ننګرهار ولایت د شینوارو د هسکې مینی په جودرې کلي کې موقعیت لري او د یوې چاودنې په پایله کې دروند زیان لیدلی وو او لسګونه تنه پکې شهیدان شوي وو. دمګړۍ ېې رغنیز او د ترمیم چارې د ملي پراختیا شرکت لخوا کابو بشپړ شوي او ډير ژر به پرانیستل شي.

پنجشنبه ۲۵ مرغومې ۱۳۹۹ د غوری سمنټو فابریکو ریاست د ترقي بڼ په نوم د پروژې له پلان سره سم، دا ځل د زینتي او میوه لرونکو نیالګیو د کښت ترڅنګ، د دې فابریکې شاوخوا ۱۸۰جریبه ځمکه د انجې یا هنګ بوټو د کښت لپاره په پام کې نیولې. د دې بوټو کښت چې په دوه ډوله (تخمي او بوټې) ترسره کیږي، تیره ورځ د غوري سمنټو فابریکو د رییس، مرستیالانو، د زرغونتیا کمیټې د مسئول او اړوند څانګې د ګارګرو په حضور کې په عملي توګه پیل شو. انجه چې يو له دوديز بوټو څخه شمیرل کیږي او تر ډېره د درملو په جوړولو کې ورڅخه کار اخیستل کيږي، په غرنيزو سيمو کې ښه وده کوي، نو د غوري سمنټو فابريکو شاوخوا غونډۍ ېې د کښت لپاره مناسبه ګڼل شوي دي. د یادونې وړ ده چې د ترقي بڼ تیر کال د چاپیریال ساتنې، د زرغون کمربند او چاپیریال د رامنځته کولو او د غوري سمنټو فابریکو د شاوخوا ځمکو د غصب د مخنیوي په موخه جوړ شو؛ چې په لومړي فاز کې یې شاوخوا ۱۳۰ جریبه ځمکه په میوه لرونکو او زینتي ونو سره زرغونه شوې ده.

پنجشنبه ۲۵ مرغومې ۱۳۹۹ هغه مراسمو کې چې تیره ورځ د هرات ولایت کهسان ولسوالۍ کې د یو محراب جومات د عملي چارو د پیل په مناسبت جوړ شوي وو، په کې د ملي پراختیا شرکت د بنايي ودانیزې تصدۍ او د ملي پراختیا عملیاتي ادارې د استازو تر څنګ، ددې ولسوالۍ ولسوال، د امنیت آمر او ځايي چارواکو، مشرانو او منتفذینو برخه اخیستې وه. د ملي پراختیا شرکت استازې ددې پروژې د ټولو چارو د تطبیق او تمویل په اړه د معلوماتو ورکولو پر مهال؛ د جومات کار پیل، د هیواد د ودانولو او فلاح په لور ګام وګاڼه. همدا راز ولسوال د دې پروژې د هر څه ژر پلې کیدو غوښتنه وکړه او له مسئولینو څخه یې وغوښتل چې کارونه په معیارونو او تړون کې د ذکر شوي نورمونو سره سم ترسره کړي. د مراسمو په پای کې د جومات د بنسټ ډبره په رسمي ډول کېښودل شوه او د دې پروژې انجنیرانو او کارګرو لخوا ېې ودانیز کارونه پیل شول.

پنجشنبه ۲۵ مرغومې ۱۳۹۹ لکه څنګه چې د وخت په تیریدو سره پلازمینه کابل کې د یوشمیر روغتونو ودانۍ زیانمنې شوي، نو خلکو ته د هر څه غوره روغتیايي خدمتونو د وړاندې کولو په موخه بیا رغول کیږي. دا ملي روغتونونه چې د کابل په بیلابیلو برخو کې موقعیت لري او شمیر ېې ۲۱ بابو ته رسیږي، د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د افغاني ودانیزې تصدۍ لخوا ېې کارونه پرمخ وړل کیږي. هغه ودانیز فعالیتونه چې دمګړۍ په یادو روغتونو کې پيل شوي د پلستر کارۍ، کاشي کاري، رنګمالي، د ویجاړ او زیانمنو شوو برخو بیا رغونه، د بریښنا سیسټم ترمیم او تنظیم په څير نورې اړینې برخې په ځان کې رانغاړي. د دې پروژې انجنیران او کارګړ هڅه کوي چې له پلان سره سم د دې روغتونو د بیارغونې او ترمیم کارونه په خپل وخت بشپړ کړي او بیاځلي ېې د چوپړتیاوو په موخه چمتو کړي.

چهارشنبه ۲۴ مرغومې ۱۳۹۹ د ملي پراختیا شرکت د مشرتابه په لارښوونه د ننګرهار وادي کرنیز شرکت اړوند، کرنیزو، تولیدي او تخنیکي کارونو ارزونه پیل شوه. په دې تړاو د ملي پراختیا شرکت د تولیداتو د همغږۍ او پراختیا مرستیال عبدالمومن منصور تر مشرۍ لاندې ټاکل شوي پلاوي، چې پکې ددې شرکت د املاکو، بشري سرچینو او تفتیش رییسان هم شامل دي ننګرهار ولایت ته سفر کړی او د ننګرهاروادي کرنیز شرکت د کارونو ارزونه ېې پېل کړې. یاد پلاوی چې به د ننګرهاروادي کرنیز شرکت (کانال) ټولې اداري او تخنیکي چارې او پروژې وه ارزوي، په همدې موخه ېې تېره ورځ د کانال اړوند د کبانو له خوضونو، عبدالخېلو کې د مالټو له بڼونو، شته ځمکو او د تازه جوړیدونکې پنځه کیلومتره ویالې له چارو سربیره، له ځینو نورو برخو څخه له نږدې لیدنه وکړه او چارې ېې وه ارزولې. د ملي پراختیا شرکت د تللي پلاوي مشر عبدالمومن منصور چې د ننګرهار کانال رییس عبدالقهار حیدري ېې هم ملتیا کوله د کارونو د ارزونې او ورڅخه د لیدنو په ترڅ کې، له نوموړي څخه وغوښتل چې د کانال ټولې اړوند چارې باید له معیارونو سره سم په خپل وخت سر ته ورسېږي. د ننګرهار کانال رییس عبدالقهار حیدري هم تللي پلاوي ته ډاډ ورکړ چې په خپل ټول توان سره هڅه کوي څو د ننګرهار وادي کرنیز شرکت د پراختیا لپاره هلته ټولې تولیدي، کرنیزې او پروژه وي [...]