دوشنبه ۸ مرغومې ۱۳۹۹ نن د روان کال د مرغومې میاشتې په ۸ نیټه، د لوګر ولایت مرکز پل علم کې د یوه درې پوړیزه میلمستون د بنسټ ډبره کیښودل شوه. د بنسټ ډبرې د کیښودو مراسمو کې د دې ولایت مرستیال والي محمد عمر مرجان، د ولایتي شورا مشر او غړو، د جمهوري ریاست د ملي پراختیا عملیاتي او ملاتړې ادارې او ملي پراختیا شرکت ځايي مسئولینو، د حج او اقافو، ښارجوړونې او کرنې رییسانو، قومي مخورو او مشرانو، ځوانانو او مدنې ټولنې غړو برخه اخیستې وه. دا میلمستون چې په ۸۴۰ مربع متره مساحت ځمکه کې د ولایت مقام پخوانۍ ودانۍ ته څيرمه جوږیړي، ۱۲د خوب خونې، یو خوړنتون، مجهز پخلنځای او د اړتیاوړ نورې برخې او ملحقات به ولري. ددې میلمستون د جوړیدو مالي لګښت چې نږدې ۳۹میلیونه افغانۍ کیږي د جمهوري ریاست د ملي پراختیا عملیاتي او ملاتړې ادارې لخوا ورکول کیږي، ودانیزې چارې ېې د ملي پراختیا شرکت د افغاني ودانیزه تصدۍ پرمخ وړي او تمه ده چارې ېې د یو کال په ترڅ کې بشپړې او ګټې اخیستنې ته وسپارل شي.

په درناوي ټولو خصوصي شرکتونو ته خبر ورکول کیږي چې د ملي پراختیا شرکت د خپلې تدارکاتي پروسې د ګړندي کولو او رڼښت لپاره آنلاین تدارکاتي سیستم په لار اچولای او له دې وروسته د ملي پراختیا شرکت ټول تدارکاتي پړاوونه د دې سیسټم له لارې په آنلاین بڼه ترسره کیږي. په همدې موخه ټاکل شوې د خصوصي شرکتونو لپاره ددې سیستم د ښوونې، تشریح او کاري څرنګوالي په تړاو، ځانګړي ورکشاپ ترسره شي چې ستاسو ګډون پکې اړین ګڼل کیږي. نو له تاسو محترمو شرکتونو څخه په خورا درناوي هیله کېږي، څو په کمپیوټر او انټرنیټ بلد د خپل یوه کارمند یا استازی په معرفي او لیږلو سره، د وټس اپ یا بریښنالیک له لارې له خپل ګډونه ډاډ ورکړۍ. د غونډې وخت: پنجشنبه له د سهار له ۹:۰۰ تر ۱۲:۰۰ بجو نیټه: پنجشنبه ۱۱ مرغومې ۱۳۹۹ ځای: د لوېې جرګې تالار، کابل، افغانستان یادونه: په غونډه کې د ګډون لپاره د نوم لیکنې وروستۍ موقع، چهارشنبه ماسپښین۲ بجې. په دې غونډه کې د ګډون لپار د شرکت او ګډونکوونکي نوم د وټس اپ په دې شمېره(0705317592) له موږ سره شريکه کړئ. ایمیل ادرس: procurement@ndc.gov.af

د ملي پراختیا شرکت په شپږو بیلو څانګو کې (۴۲) بستونه اعلان ته سپارلي، په شرایطو سره برابر کسان کولی شي د اعلان خپریدو له نیټې نه تر (۱۰) کاري ورځو پورې؛ خپل لنډ معلومات /CV د ملي پراختیا شرکت د بشري سرچینو ریاست بریښنالیک پتې ته واستوي. د یادو بستونو د دندو لایحې د لیدلو لپاره لاندې لینک باندې کلیک وکړئ! کارموندنه

دا روغتون پنځوس بستره او نورې اړوند روغتیايي څانګې لري. ددې روغتون ودانیزې چارې د ملي پراختیا شرکت د کور جوړونې تصدۍ پرمخ وړي او د آسیا پراختیايي بانک (ADB) په مالي ملاتړ د عامې روغتیا وزارت له لورې پلې کیږي.

چهار شنبه ۳ مرغومې ۱۳۹۹ په هغه غونډه کې چې نن د پروان ولایت د جبل السراج سمنتو فابربکه کې تره شوه، په ترڅ کې ېې ددې فابریکې د تولیدي ظرفیت د څرنګوالي په تړاو معلومات او له ځینو کارمندانو څخه ېې د ستاینلیکونو په ډالۍ کولو سره ستاینه وشوه. په دې ناسته کې د ملي پراختیا شرکت د تولیداتو د همغږۍ او پراختیا مرستیال عبدالمومن منصور او ورسر مل پلاوي، د پروان والي فضل الدین عیار، د جبل السراج سمنټو فابریکې رییس عبدالقادر مخلص، د ولایتي شورا مشر عبدالشکور شکوري، د دې ولایت د امنیت رییس، ولسوال، د ولسوالیو شوراګانو وکیلانو، خبریالانو، قو مي مشرانو او ددې ولایت نورو سیمه ایزو چارواکو ګډون کړی وو. په سر کې د جبل السراج فابریکې رییس د فابریکې د تاریخ، تولید او پراختیا په تړاو معلومات ورکړل او وېې ویل چې هڅه کیږي د دې فابریکې تولیدي ظرفیت لوړ کړي. ورپسې د پروان والي د ملي پراختیا شرکت او د جمهوري ریاست د ملي پراختیا عملیاتي او ملاتړې ادارې له رهبرۍ څخه مننه وکړه او زیاته ېې کړه چې حکومت غواړي د تازه ماشینونو او وسایلو په اخیستو سره د جبل السراج فابریکې تولیدي ظرفیت لوړ او د هیواد په کچه ېې په یوې پیاوړې فابریکې بدله کړي. د ملي پراختیا شرکت د تولیداتو د همغږۍ او پراختیا مرستیال ښاغلي عبدالمومن منصور په خپل وار سره وویل چې د ملي پراختیا شرکت [...]

چهارشنبه ۳ مرغومې ۱۳۹۹ د دایکندي ولایت مرکز نیلي ښار کې، په دوو پوړونو کې د یو محراب جومات ودانیز کارونه روان دي چې د سلهاوو تنه لمونځ کوونکو د ځاییدو وړتیا لري. دا جومات چې ودانیز کارونه ېې د ملي پراختیا شرکت د بنايي ودانیزه تصدۍ پرمخ وړي، دمګړۍ ېې د محراب په خشت کارۍ او د مرمر ډبرو د فرش تر څنګ په بیلابیلو برخو کارونه جریان لري. ددې جومات ټولیز مساحت ۱۶۰۰مربع متره دی او نږدې ۴۳سلنه ودانیز کارونه ېې بشپړ شوي دي.