چهار شنبه ۵ لیندۍ ۱۳۹۹ د ملي پراختیا شرکت د تدارکاتو ریاست، دې شرکت پورې د اړوند تصدیو تدارکاتي کارکوونکو ته، په تدارکاتي برخو کې د وړتیا او ظرفیت لوړونې په موخه دوه ورځنی روزنیز ورکشاپ په لار واچوه. دا ورکشاپ کې چې نن د ملي پراختیا شرکت په تالار کې ددې شرکت د مالي او اداري مرستیال ښاغلي ډاکټر ضیاءالله شفیق، دفتر رییس وحیدالله رحمدل او د شرکت د تدارکاتي څانګو د مسئولینو او کارکوونکو په ګډون سره پرانیستل شو؛ پکې د بنايي، افغاني، کور جوړونې، هلمند او ارزاقو تصدیو نږدې ۲۰ تنو تدارکاتي کارمندانو برخه اخیستې. په دې دوه ورځني ورکشاپ کې به ګډونوالو ته لکه د مالي، جنسي محاسبې او اړوند اسنادو د پروسس او پروژو د پروسې طی کولو او ترسره کولو په تړاو روزنه ورکړل شي، چې وبه شي کولی د تدارکاتي پروسې د چټکتیا او رڼښت به برخه کې ګټور تمام شي.

سه شنبه ۴ لیندۍ ۱۳۹۹ د یتیمانو او بیوزلو کورنیو د ماشومانو د روزنې او پالنې لپاره دا روزنتون چې لیلیه، ښوونځی او کلنیک لري، د ملي پراختیا شرکت د کور جوړونې ریاست لخوا ېې ودانیزې چارې روانې دي او پکې ۹۰ سلنه پرمختګ شوی. ددې روزنتون ودانۍ له وړاندې جوړو قطعاتو یا ټوټو څخه په استفادې، د ښارجوړونې او ځمکو وزارت په مالي ملاتړ جوړیږي، چې له پرانیستو سره به نږدې ۲۵۰ تنه ماشومانو ته د روزنې اړوند لازمي اسانتیاوي موجودې وي رامنځته کړي. همداشان د ملي پراختیا شرکت لخوا له تخار سربیر، په جوزجان، نورستان، لوګر، تخار او دایکندي ولایتونو کې د روزنتونو په جوړولو چارې روانې دي.

دوشنبه ۳ لیندۍ ۱۳۹۹ د ملي پراختیا شرکت لخوا د کنړ ولایت شیګل ولسوالۍ په موڼي کلي کې، یو باب جومات تر ودانیزو چارو لاندې دی. یاد جومات، اودس ځای، شنه سیمه او انګړ لري او د هغو جوماتونو له ډلې څخه یو دی چې د ولسمشر په لارښوونه، د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنايي ودانیزې تصدۍ لخوا د هیواد د ولسوالیو په کچه جوړیږي. ددې جومات تر څنګ د کنړ ولایت په مرکز او ولسوالیو کې هم په یو یو محراب جومات د جوړېدو چارې روانې دي

دوشنبه ۳ لیندۍ ۱۳۹۹ د ختیځ زون۶۰۰ بستره روغتیايي کمپلکس ودانیزې کارونه په معیاري ډول پر مخ روانې دي. ددې کمپلکس د بنسټ ډبره د ۱۳۹۷کال چنګاښ میاشت د ولسمشر محمد اشرف غني لخوا د جلال آباد ښار د شپږمې ناحیې په ۲۷۰جریبه مساحت ځمکه کې کیښودل شوه. دا کمپلکس چې د ۳۵۰ او ۲۵۰بستریزو لویو ودانیو په شمول، اته عصري او مجهزې ودانۍ لري، ودانیزې چارې ېې د جمهوري ریاست د ملي پراختیا د عملیاتي او ملاتړې ادارې په مالي ملاتړ، د ملي پراختیا شرکت، د بنايي ودانیزې تصدۍ لخوا پرمخ وړل کیږي. دا کمپلکس د ناروغانو لپاره د بیلو روغتیايي او تشخصیه څانګو د درلودو ترڅنګ، د ناروغانو او د ناروغ لرونکو د هوساینې او چوپړتیاوو لپاره انتظارخونو او جومات په څیر برخې هم لري، چې له پرانیستو سره به ېې په اړوند برخو کې د ختیځ زون د اوسیدونکو ستونزې حل شي. دا مهال ددې تر ټولو لوی روغتيايي کمپلکس ودانیزې کارونه، په ښه او لوړ کیفیت سره پر مخ روان دي چې د یوشمیر ودانیو په چارو کې ېې ښه پرمختګ شوی او ځينې ېې د بشپړیدو په حال کې دي

یکشنبه ۲ لیندۍ ۱۳۹۹ دا جومات د هغو ۳۷۷محرابه جوماتو څخه یو دی چې د ټول هیواد د ولسوالیو په کچه د ولسمشر په لارښوونه او د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنایی ودانیز ریاست لخوا جوړیږي.

شنبه ۱ لیندۍ ۱۳۹۹ پکتیکا ولایت مرکز ښرنې ښار او خیرکوټ ولسوالۍ مرکزي روغتونو کې د ناروغ لرونکو د تم کیدو او هوساینې په موخه یو باب انتظار خونه د دوانیزو چارو له بشپړیدو وروسته د یو لړ مراسمو په ترڅ کې تیره اونۍ پرانیستل او ګټې اخیستنې ته وسپارل شوه. د پرانیستو په مراسمو کې د پکتیکا والي ‌ډاکټر مجیب الرحمن "څمکني" دولایتي شورا وکیلانو، چارواکو اوقومي مشرانو ګډون کړی وو، چی د والي په ګډون ډير شمیرو، ددې پروژې د کار دښه او معیاري کیفیت څخه ستاینه وکړه. یادې انتظار خونې هره یوه ېې په۳۵۰متر مربع ځمکه کې ودانه شوې او په یو وخت کې د نارینه او ښځينه وو لپاره د جلا جلا برخو په درلودو، د ۲۵۰تنو د ځائیدو ظرفیت لري. ددې انتظار خونو ودانیز کارونه د ملي پراختیا شرکت د بنايي ودانیزې تصدۍ پرمخ وړي او مالي لګښت ېې د جمهوري ریاست د ملي پراختیا عملیاتي او ملاتړې ادارې لخوا ورکول شوي دي.