پکتیا ولایت پوهنتون کې د محصلینو د اوسیدو ستونزې د حل په موخه، دوه بابه لیلېې تر ودانیزو چارو لاندې دي. دا لیلېې چې د ملي پراختیا شرکت د بنايي تصدۍ لخوا ېې ودانیز کارونه پرمخ وړل کیږي، هره یوه ېې په ۶۶۰۰ متر مربع ځمکه کې، په پنځه پوړیزه توګه ودانیږي. ددې لیلیو سربیره چې په پرانیستو سره به ېې پوهنتون کې زکړالیانو ته د اوسیدو په برخه آسانتیا رامنځته شي، پکتیا ولایت کې په څو نورو ودانیزو پروژو هم د ملي پراختیا شرکت لخوا کارونه روان دي.

جمعه ۳۰لړم ۱۳۹۹ لکه څنګ چې اړتیاوه څو د پوهنې بڼ بیرته خپل لمړي حالت ته ننوځي او د باروتو بوی او د مرمیو ویجاړې او اثار ېې له منځه ولاړ شي، د ولسمشر په لارښوونه او د جمهوري ریاست د ملي پراختیا عملیاتي او ملاتړې ادارې په مرسته، د ملي پراختیا شرکت د افغاني ودانیز ریاست ټیم لاس په کار شو او د زدکړو ډګر ېې بیرته ورغوه. دیادونې وړده چې د کابل په پوهنتون د څو اونې وړاندې برید کې چې له شاوخوا پنځوس څخه د ډیرو محصلینو او غیرې پوځي کسانو د مرګ ژوبلې لامل شو، تر څنګ ېې د پوهنتون د حقوقي زدکړو ملي مرکز هم ډیر ځیان لیدلی وو چې بیارغونې ته ېې اړتیا درلوده. دمګرۍ ویجاړ شوي ځایونه، خونې او ودانۍ له رغونې وروسته، د زدکړو او ګټې اخیستنې لپاره چمتو شوي دي.

پنجشنبه ۲۹ لړم ۱۳۹۹ د ملي پراختیا شرکت بلخ ولایت شولګرې ولسوالۍ کې د لس ټولګي درلودونکي ښوونځي ودانیز کارونه بشپړ کړي دي. دا ښوونځی د ښار جوړونې او ځمکو وزارت په مالي ملاتړ د ملي پراختیا شرکت د کور جوړونې ریاست له لورې په څه کم۱۰۰۰متره مربع مساحت ځمکه کې په دوه پوړیز شکل ودانه شوې چې لسهاوو زده کوونکو ته ېې د زده کړې زمینه برابره کړې ده. د یادونې وړ ده ددې ښوونځي په جوړیدو سره په سیمه کې پراته خلک له دې څخه خوښ دي چې ماشومانو ېې د پوهنې له رڼا څخه برخمند کیږي.

پنجشنبه ۲۹ لړم ۱۳۹۹ د هیواد هر ګوټ ته د زده کړو لمن غوځولو او ماشومانو او تازه ځوانانو ته د درسې زمینې برابرولو په موخه په ډیر شمیر ولایتونو کې د ښوونځیو په جوړیدو کارونه روان دي او څه ېې بشپړ شوي هم دي. یو له دې ښوونځیو څخه چې ودانیز کارونه ېې د ملي پراختیا شرکت پای ته رسولي پکتیکا ولایت مرکز مقربخېل کلي د مدینه په نوم ښوونځی دی، چې تیره ورځ د پکتیکا د والي ډاکټر مجیب الرحمن څمکني او یو شمیر نورو مسؤلینو لخوا د پټي په پرې کولو سره د پوهنې ریاست ته په رسمی ډول وسپارل شو. دا ښوونځی چې اته ټولګي او نورې اړوند او اړینې څانګې لري، پکتیکا ولایت د هغه څلور بابه ښوونځيو له ډلې یو دی چې د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنايي ودانیزې تصدۍ لخوا جوړ شوی. د یادونې وړ ده چې پکتیکا ولایت کې د یاد ښوونځي سربیر درې بابه نور ښوونځي چې دمګړۍ پرې کارونه روان دي هم پرانیستو ته نږدې دي.

چهارشنبه ۲۸ لړم۱۳۹۹ د هیواد په کچه د ملي پراختیا شرکت لخوا په لسهاوو ودانیزو او ټولګټو پروژو کارونه روان دي؛ یو له هغوی څخه فاریاب ولایت کې ټولنیز صالون دی چې تیره ورځ پرانیستل شو. دا صالون چې د ۱۰۰۰کسانو د ځاییدو وړتیا لري او په یو پوړیز شکل په ۶۹۰متره مربع مساحت ځمکه کې د جمهوري ریاست د ملي پراختیا عملیاتي او ملاتړې ادارې په مالي لګښت، د ملي پراختیا شرکت د بنايي ودانیز تصدی لخوا ودان شوی، خلک به د ټولنیزو ناستو، سیمیزو جرګو او نورو اړوند برخو کې ورڅخه کار واخلي. یاد ټولنیز صالون د فاریاب ولایت میمنې ښار دریمه ناحیه کې، د پوهنتون انګړ کې جوړ شوی او ددې سربیره د ملي پراختیا شرکت لخوا په څو نورو ودانیزو پروژو هم کارونه روان دي چې یو له بل پسې به ېې کارونه بشپړ او د خلکو چوپړ ته به وسپارل شي.

چهارشنبه ۲۸ لړم ۱۳۹۹ د کاپیسا ولایت په مرکز او ولسوالیو کې د ملي پراختیا شرکت لخوا په یو شمیر ودانیزو پروژو کارونه روان دي چې یو له هغوی څخه، تګاب ولسوالۍ کې جومات دی. دا جومات چې په ۵۴۰ مترمربع سیمه کې په ۸ ضلعي شکل کې جوړیږي او د ودانیزو چارو لګښت ېې د جمهوري ریاست د ملي پراختیا عملیاتي او ملاتړې ادارې له بودجې څخه ورکول کیږي، ودانیږې او تخنیکي چارې ېې د ملي پراختیا شرکت د بنايي ودانیز ریاست پرمخ وړي. دمګړۍ د جومات د بیلابیلو ودانیزو چارو ترڅنګ، د اودس ځای او منارونو ودانیز کارونه روان دي او د پاتې ودانیزو او تخنیکي چارو له بشپړیدو وروسته به پرانیستل شي.