شنبه ۲۴ لړم ۱۳۹۹ پروان ولایت کې د امام ابو حنیفه (رح) په پلارني کلي خواجه سیاران کې د امام ابو حنیفه د مهد علمي کمپلکس، ودانیزې چارې د یو باب لوی جومات د بنسټ ډبرې په کیښودو سره پیل شو چې ټولټال ۵۶ میلیون افغانۍ پرې لګښت راځي. دا جومات چې د ولسمشر په لارښوونه او د جمهوري ریاست د ملي پراختیا عملیاتي او ملاتړې ادارې په مالي ملاتړ په دوه پوړیز ډول په ۹۰۰ مربع متره مساحت ځمکه کې جوړیږي او په یو وخت کې به د ۱۵۰۰تنو لمونځ کوونکو د ځاییدو وړتیا ولري، ودانیزې او تخنیکي چارې ېې د ملي پراختیا شرکت د بنايي ودانیز ریاست پرمخ وړي. د امام ابو حنیفه (رح) د مهد علمي کمپلکس چې ۱۲جریبه ځمکه کې جوړیږي او پکې به مدرسه، لیلیه، کتابتون او نورې اړوند او اړینې څانګې هم شتون ولري، دمګړۍ هلته یواځې په جومات، اودس ځای او احاطوي دیوال کارونه پيل شوي دي. د یادونې وړ ده چې د دې جومات له جوړولو سربیره پروان ولایت مرکز کې په یو بل لوی جومات، د محصلینو لپاره په لیلیې، ټولنیز صالون او د لوبو د جمنازیم په څير په څو نورو پروژو د ملي پراختیا شرکت لخوا کارونه روان دي چې د ځينو کارونه ېې بشپړیدو ته نږدې دي.

شنبه ۲۴ لړم ۱۳۹۹ د ملي پراختیا شرکت د وړاندیز او د ولسمشرۍ د عالي مقام په منظورۍ ښاغلی محمد ظریف ستانکزی په فوق رتبه کې د ملي پراختیا شرکت د داخلي پلټنې د رییس په توګه معرفي شو. ښاغلی ستانکزی نن شنبه د ۱۳۹۹کال د لړم میاشتې په ۲۴ نیټه، د ملي پراختیا شرکت د تولیداتو د انسجام او پراختیا د مرستیال ښاغلي عبدالمومن منصور لخوا ددې شرکت یو شمیر لوړ پوړو کارکوونکو ته ور وپیژندل شو. د یادونې ده د ملي پراختیا شرکت د داخلي پلټنې رییس ښاغلي ستانکزي تر دې وړاندې د پلټنې عالي ادارې د حکومتدارۍ د سکتور او د قانون د ټینګښت، د مالېې وزارت د پلټنې د عمومي او د ملکیتونو د لوی رییس په توګه دندې ترسره کړي او د دوکتورا تر کچې لوړې زدکړې او د حقوقي پلټنو په برخه کې پخه تجربه لري؛ ګمارل ېې کولی شي د ملي پراختیا شرکت په ادارو کې د سمونونو په راوړو، د چارو د همغږۍ او ښه مدیریت او په ټوله کې ددې شرکت ستراتیژیکو موخو ته د لاسرسي په برخه کې ګټور واقع شي.

ددې جومات ودانیزې چارې د ملي پراختیا شرکت پرمخ وړي

شنبه ۲۴ لړم ۱۳۹۹ د کوید ۱۹(کرونا) ناروغۍ دوهمې څپې د ګواښونو کابو کولو په موخه د څو نورو ولایتونو په څیر، په غور ولایت کې هم د یو مجهزه روغتون د جوړولو چارې پیل شوي دي. دا روغتون چې د آسیا پراختیايي بانک(ADB) په مالي ملاتړ د ملي پراختیا شرکت د کور جوړونې ریاست لخوا د وړاندې جوړو ودانیزو قطعاتو څخه په استفادې جوړیږي، په څو میاشتو کې به ېې ودانیز کارونه بشپړ او ګټې اخیستنې ته به وسپارل شي. له جوړیدو سمدستي به دا روغتون له کرونا ویروس سره د مبارزې او درملنې په موخه، په عصري روغتیايي وسایلو سمبال شي او د سل بستره ظرفیت په درلودو به، بیلابیلې روغتیايي، تشخیصیه او اړتیا وړ څانګې ولري.

پنجشنبه ۲۲ لړم ۱۳۹۹ د تاریخي آبدو، ترمیم، بیارغونه او ساتنه ملي وجیبه ده، نو په همدې موخه د هیواد په یو شمیرو ولایتونو کې په ځينو تاریخي او لرغونو ودانیو او آبدو د بیارغونې کارونه روان دي. یو له دې تاریخي آبدو څخه په کندهار ښار کې د میر هزار جومات دی چې ودانیزې چارې ېې د ملي پراختیا شرکت د افغاني ودانیز ریاست لخوا پرمخ وړل کیږي. دا لرغونی جومات چې د کندهار ښار دویمه ناحیه کې موقعیت او ۷۶۷ متر مربع مساحت لري، د څه کم ۱۳میلیونه افغانیو په مالي لګښت چې د ښارجوړولو او ځمکو وزارت لخوا ورکول کیږي بیارغول کیږي او ډیر ژر به ېې کارونه بشپړ شي. د ملي پراختیا شرکت د هیواد په بیلابیلو ولایتونو کې د لسهاوو ودانیزو او ټولګټو پروژو سربیره، د تاریخي آبدو د بیارغونې چارې هم پرمخ وړي، چې له یوې خوا خلکو ته د کاري بوختیا او له بل پلوه د هیواد د آبادۍ او تاریخي هویت د ژوندي ساتلو لامل کیږي.

د مرکز ګرمۍ، بریښنا او د اوبو رسولو په منظم سیستم سمبال؛ د لوی جومات، ښوونځي، سوداګریز مارکیټ، پراخه پارکینګ درلودونکی او عامه سړک ته نږدې موقعیت لري. پنځه خوني او درې خونې واحدونه لري پته: کابل - بګرامي - د بګرامي ښارګوټی د اړیکو شمیرې: 0783369683 -0706667915