چهار شنبه ۲۱ لړم ۱۳۹۹ په عصري ټکنالوژۍ د زده کوونکو د سمبالتیا په موخه به، د بغلان ولایت أبو مسلم خراساني ښوونځی ډير ژر په کمپیوټر لب سمبال شي او ډير ژر به زدکوونکي ورڅخه د زدکړو په برخه کې کار واخلي. دمګړۍ دې ښوونځي کې د بریښنا لپاره سولرونه، بطرۍ، میزونه، څوکۍ او نور اړونده وسایل نصب شوي چې د کمپیوټر زدکړۍ د درسي خونې لپاره اړین دي. یاده پروژه د جمهوري ریاست د ملي پرختیا عملیاتي او ملاتړې ادارې په مالي ملاتړ د ملي پراختیا شرکت د بنايي ودانیز ریاست لخوا پلې شوې او یو شمیر نورو ولایتونو کې به هم ډير شمیر ښوونځي په کمپیوټر لبونو سمبال شي.

سه شنبه ۲۰ لړم ۱۳۹۹ کاپیسا ولایت مرکز محمود راقي کې د ورزشي لوبو د ترسره کولو، د ورزشکارانو او د لوبو د نندارچیانو د هوساینې لپاره د لوبو په یو باب جمنازیم د جوړولو چارې روانې دي. دا جمنازیم به په یو وخت کې د ۱۵۰۰ کسانو د ځائیدو وړتیا ولري او همداراز کیدای شي ورڅخه د کنفرانسونو د تالار په توګه هم کار واخیستل شي. ددې ورزشي جمنازیم ودانیز کارونه د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنایي ودانیز ریاست لخوا پرمخ وړل کیږي.

سه شنبه ۲۰ لړم ۱۳۹۹ د بامیان ولایت د یکاولنګ نمبر ۲ ولسوالۍ مرکز کې د النبین په نوم د یو محراب جومات ودانیز کارونه په ښه توګه روان دي، چې له بشپړیدو سره به ېې د سیمې د خلکو اړونده ستونزې حل شي. دا جومات د هغو ۳۷۷محرابه جوماتو څخه یو دی چې د ټول هیواد د ولسوالیو په کچه د ولسمشر په لارښوونه او د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت لخوا ودانیږي. ددې جومات ودانیز او تخنیکي کارونه چې د ملي پراختیا شرکت د بنايي ودانیز ریاست لخوا پرمخ وړل کیږي، دمګړۍ ېې د تهکوۍ د پوښښ لپاره د قالب بندۍ او سیخ بندۍ ترڅنګ د منار جوړولو کارونه روان دي. د یادونې وړ ده چې دا مهال د ملي پراختیا شرکت له لوري په ټول هیواد او ولسوالیو کې لسهاوو ودانیزو او ټولګټو پروژو ودانیز کارونه روان دي چې زرهاوو تنه پکې په کار بوخت دي.

سه شنبه ۲۰ لړم ۱۳۹۹ د ملي پراختیا پراختیا شرکت د کابل په چهار آسیاب ولسوالۍ کې یو باب ۵۰بستریز روغتون ودان کړی چې ودانیز کارونه ېې بشپړیدو ته نږدې شوي دي. دا روغتون چې په ۲۲۰۰متر مربع مساحت ځمکه کې په یو پوړیز ‌شکل د جمهوري ریاست د ملي پراختیا عملیاتي او ملاتړې ادارې په مالي لګښت، د ملي پراختیا شرکت د افغاني ودانیز ریاست لخوا جوړیږي؛ د ایمرجنسي، اکسرې، لابراتوار، د بستر ۵۰ خونې، عملیات خونه او درملتون برخې لري. د چهار آسیاب ولسوالۍ ۵۰ بستره روغتون په کابل ولایت کې د کویډ ۱۹ د پنځو روغتونو له ډلې څخه یو دی چې ودانیز کارونه ېې د ملي پراختیا شرکت لخوا پلي کیږي.

دوشنبه ۱۹ لړم ۱۳۹۹ د کوید ۱۹(کرونا) ناروغۍ دوهمې څپې د ګواښونو د کابو کولو په موخه د څو نورو ولایتونو ترڅنګ، په زابل ولایت کې هم د یو مجهزه روغتون د جوړولو چارې پیل شوي. دا روغتون چې د آسیا پراختیايي بانک(ADB) په مالي ملاتړ د ملي پراختیا شرکت د کور جوړونې ریاست لخوا د وړاندې جوړو ودانیزو قطعاتو څخه په استفادې جوړیږي او له کرونا ویروس سره د مبارزې او درملنې په موخه به په عصري روغتیايي وسایلو سمبال شي، په څو میاشتو کې به ېې ودانیز کارونه بشپړ او ګټې اخیستنې ته به وسپارل شي. له دې سره یوځای په هلمند، ارزګان،غور ، پکتیا، دایکندي، سمنګان، بلخ، فاریاب او سرپل ولایتونو کې هم د ملي پراختیا شرکت لخوا په یو یو باب روغتونو ودانیز کارونه پیل شوي چې هر یو به ېې بیلابیلې روغتیايي، تشخیصیه او اړتیا وړ څانګې ولري. د یادونې وړ ده چې د ملي پراختیا شرکت ددې ناروغۍ د مخنیوي، درملنې او مبارزې په موخه په کابل، هرات، نیمروز، فراه او ځینو نورو ولایتونو کې څو مجهز روغتونونه جوړ کړي چې ځینې ېې له یوې میاشتې څخه په کمه موده کې بشپړ او ګټې اخیستنې ته سپارل شوي.

دوشنبه ۱۹ لړم ۱۳۹۹ ملي پراختیا شرکت پورې اړوند د ننګرهار وادي کرنیز شرکت د بڼدارۍ د پراختیا او نوو بڼونو د جوړولو په موخه په کابو ۴۳هکتاره ځمکه د مالټو په زرهاوو نیالګي کینول. دا نیالګي چې تیره ورځ ددې شرکت د یوشمیر مسئولینو، قومي مشرانو، ځاي استوګنو په شتون کې د ننګرهار کانال (وادي کرنیز شرکت) درېيم فارم کرنیزو ځمکو کې کینول شول او شاوخوا دوه ميلونه افغانۍ پرې لګښت راځي، شمیر ېې شاوخوا ۱۵زرو ته رسیږي. د ننګرهار وادي کرنیز شرکت مرستيال ذبيح الله فضلي د تازه نیالګیو او باغونو د جوړولو موخه، د میوو له اړخه د هیواد ځانبساینه او له کرنیزو ځمکو څخه مفیده استفاده بولي او وايي چې د ملي پراختیا شرکت په مشرۍ د ننګرهار وادي کرنیز شرکت مسئولین هڅه کوي د کانال اړوند ځمکو څخه په ګټورې استفادې سره، د مېوو، غله جاتو او لبنیاتو په تولید کې زیاتوالی راشي. که څه هم چې د افغانستان خاوره او هوا هر راز کرکیلې ته مناسبه ده؛ مګر لا هم د اړتيا وړ خوړن توکي او تازه مېوې له نورو هېوادونو څخه را واردیږي، خو د ننګرهار وادي کرنیز شرکت د خپلو پراختیايي پلاونونو په عملي کولو سره هڅه کوي په اړوند برخو کې په پردیو اتکا راکمه او له منځه ېې یوسي.