چهارشنبه ۱۴ لړم ۱۳۹۹ د لوی څارنوالۍ د درې الحاقیه بلاکونو ودانیزې چارې چې د ملي پراختیا شرکت د افغاني ودانیز ریاست لخوا پرمخ وړل کیږي په ښه توګه پرمخ روانې دي. دا بلاکونه چې د پلازمېنې زون پراختیا ادارې له لوري طرحه، ډیزاین او تمویلوېږي، او ۲۷۵ میلیونه افغانۍ پرې لګښت راځي، ودانیز کارونه به ېې څه کم دوه کاله وخت ونیسي خو د ملي پراختیا شرکت ژمن دی چې د ودانیزو معیارونو په پام کې نیولو سره ېې هر څه ژر بشپړ او ګټې اخیستنې ته وسپاري. دې عدلي بنسټ لپاره ددې اداري کمپلکس جوړیدل او درلودل خورا اړین بلل کیږي چې له جوړیدو سره به په اداري امکاناتو او تجهیزاتو سمبال شي او تر ډير بریده به اړونده اداري کارونه په آسانتیا سره ترسره شي. دمګړۍ دیادو ودانیو په بیلابیلو برخو او پوړونو کې مختلفه ودانیزې او تخنیکي چارې روانې دي چې لسهاوو تنه پکې په کار بوخت دي.

چهارشنبه ۱۴ لړم ۱۳۹۹ د ملي پراختیا شرکت اړوند د ننګرهار وادي کرنیز شرکت مرستیال انجینر ذبیح الله فضلی او د ډنمارک د کډوالو اداری د معیشت څانګې مسئول انجنیر حزب الرحیم ترمنځ د دریم فارم د کانالونو د پاکولو په موخه هوکړه لیک لاسلیک شو. د ډنمارک دکډوالو موسسه (DRC) چې په ۲۰۱۱زیږدیز کال کې ېې په افغانستان کې خپل فعالیت پیل کړ، په هیواد کې د ګډوالو او بیرته راستنیدونکو، بیځایه شوو او جګړه ځپلو سره بیلابیل ډوله مرستې کوي. په یاده پروژه کې د کانال پاکولو بدل کی خلکو ته پیسې ورکول کیږي؛ له یوې خوا کار او له بل اړخه به کانال پاک شي او څه کم ۱۰۰تنه به په کار وګمارل شي چې د یوې میاشتې لپاره به دوام وکړي.

چهارشنبه ۱۴لړم ۱۳۹۹ دا ودانۍ چې د کابل ښار اوومې ناحېې په جنګلک سیمه کې جوړیږي او شاوخوا پنځه نیم میلیارده افغانۍ پرې لګښت راځي د جمهوري ریاست ملي پراختیا د عملیاتي او ملاتړې ادارې له لوري ورکول کیږي او ودانیزې چارې ېې د ملي پراختیا شرکت پرمخ وړي. د خوندي سندونو د مطبعې د ماشینري، تخنیکي او کاري وسایلو لګښت چې شاوخوا ۳۱.۱ میلیونه یورو کیږي د المان هیواد لخوا ورکول کیږي؛ فعالیت به ېې د اسنادونو د چاپ او ساتنې په برخه کې هیواد په ځان بسیا کړي.

سه شنبه ۱۳ لړم ۱۳۹۹ دا روزنتون چې د جوزجان ولایت د ملي پراختیا شرکت، د کور جوړونې ریاست لخوا ودانیږي، کارونه به ېې ډير ژر بشپړ شي. ددې روزنتون ودانۍ له وړاندې جوړو قطعاتو څخه په استفادې، د ښارجوړونې او ځمکو وزارت په مالي ملاتړ جوړیږي، دمګړۍ بنسټیزې چارې بشپړې شوي او ډير ژر به ېې د بریښنا سیستم، کاشي کارۍ، اوبو رسونې او رنګ چارې پیل شي. د یتیمانو او بیوزلو لپاره روزنتون یوه لیلیه، شپږ صنفه ښوونځی او کلنیک لري او له پرانیستو سره به ېې کابو ۲۵۰ تنه ماشومانو ته پکې د روزنې، لیلیې، وړکتون، خوړنتون او هر ډول اړوند لازمي اسانتیاوي موجودې وي. همداشان د ملي پراختیا شرکت لخوا دمګړۍ له جوزجان سربیر، په نورستان، لوګر، تخار او دایکندي ولایتونو کې د روزنتونو په جوړولو چارې روانې دي.

د هلمند مرکز لښکرګاه کې د کوچني کاریز ښوونځی

سه شنبه ۱۳ لړم ۱۳۹۹ د غور ولایت پوهنتون کې د ښوونې او روزنۍ پوهنځي ودانۍ، ودانیزې چارې نږدې ۵۰ سلنه پرمخ تللي او پاتې کارونه به ېې هم په چټکۍ بشپړ شي. یاده ودانۍ چې په ۱۶۰۰مربع متره مساحت ځمکه کې په دریو پوړونو کې ودانه شوې او په یو وخت کې به د شاوخوا ۱۰۰۰تنه محصلینو د ځاییدو وړتیا ولري، ۳۵ درسي او اداري خونې، دوه کنفرانس خونې، یو کتابتون او د اړتیا وړ برخې او خونې لري او د مرکز ګرمي په مجهز سیستم به سمبال شي. ددې پروژې ودانیزې چارې د ښارجوړونې او ځمکو وزارت په مالي ملاتړ د ملي پراختیا شرکت د کور جوړونې ریاست لخوا پرمخ وړل کیږي.