پکتیا ولایت کې به د کوید ۱۹ سل بستریز روغتون ډير ژر پرانیستل شي

یکشنبه ۱۱لړم ۱۳۹۹ تاریخي آبدات او لرغوني آثار د تاریخ او د انسانانو د تمدن او د ملتونو د هویت او کلتوري اصالت ښکارندویي کوي. زموږ ګران هیواد افغانستان، د پنځه زره کلن تاریخ په پام کې نیولو سره، د دې سیمې د تمدنونو د لرغونو او تاریخي اثارو خزانې په ځان کې لري. د هیواد د تاریخي اثارو ترمیم، بیارغونه او ساتنه یو له هغو پروژو څخه ده چې د ملي پراختیا شرکت ېې په مرکز او ولایتونو کې له اړوندو ادارو سره په همغږۍ پرمخ وړي. د تاریخي آبداتو بیارغونه د هغوی د تاریخي اصالت او لرغونتیا ساتنې له امله له نورو ودانیزو پروژو سره توپیر لري؛ ځانګړي جوړښت او ډیرې پاملرنې ته اړتیا لري، چې د ملي پراختیا شرکت د افغاني ودانیزه دستګاه او د بنايي ساختماني تصدۍ د یو میلیارد نهه سوه دوه دېرش میلیونه افغانیو په ارزښت د ۲۸لرغونو آثارو د بیارغونې او ترمیم په غاړه لري. د یو شمیر لرغونو آبداتو نوملړ: 1. د کابل ښار بلند قلعه( د کابل ښار لوړه کلا) لوړه کلا د کابل ښار شمال کې د کلوله پشتې غونډۍ سر کې موقعیت لري. دا کلا چې یو له تاریخي آبدو څخه ده لرغونتیا ېې ۱۸۷۳-۱۸۷۹زیږدیزو کلونو ته رسیږي. د ملي پراختیا شرکت د دې تاریخي کلا د بیارغونې او ترمیم کارونه پیل کړی او دا لا روان دي. 2. د تخت استالف هوټل د تخت استالف هوټل ودانیز او [...]

یکشنبه ۱۱ لړم ۱۳۹۹ په هیواد کې د سندونو د ساتنې په چارو کې د رڼښت او اسانتیا رامنځته کولو په موخه د ملي پراختیا شرکت په شپږو ولایتونو کې د ښارجوړونې او ځمکو وزارت، د ځمکو او قوالو ریاست ته شپږ نوې او معیاري ودانۍ جوړوي چې یو له هغوی څخه د هرات ولایت کې ده. د ځمکو او قوالو دا ودانۍ د مراجعینو، کارمندانو او همدا شان د ځمکو اړوند اسنادونو د راټولولو، ساتنې او قانوني مرحلو د ترسره کولو لپاره په اړینو آسانتیاوو سمبالیږي چې د کارونو د چټکتیا په موخه د اړونده ادارتو لپاره پکې دفترونه هم په پام کې نیول شوي اومراجعین کولی شي ټول اداري کارونه دلته ته تر سره کړي. دا مهال د دې ودانۍ ودانیز کارونه چې د ملي پراختیا شرکت د بنايي ودانیز ریاست لخوا پر مخ وړل کیږي بشپړ شوي او تمه کیږي چې ډیر ژر ګټې اخیستنې ته وسپارل شي.

یکشنبه ۱۱ لړم ۱۳۹۹ د کندز ولایت پوهنتون کې د ملي پراختیا شرکت لخوا د انجونو لپاره په یوې لیلیې ودانیز کارونه جریان لري. دا لیلیه چې د جمهوري ریاست د ملي پراختیا د عملیاتي او ملاتړې ادارې په مالي ملاتړ په ۶۰۰۰متره مربع مساحت ځمکه کې له تهکوۍ سره په شپږو پوړونو کې ودانیږي، ودانیزې چارې ېې د ملي پراختیا شرکت د بنايي ساختماني ریاست لخوا پرمخ وړل کیږي. یاده لیلیه چې ۱۰۰۰تنو ښځينه محصلانو د ځاییدو وړتیا لري، د ودانیزې چارو له بشپړېدو سره به ېې د محصلو انجونو د اوسیدو ستونزې حل شي.

شنبه ۱۰ لړم ۱۳۹۹ د ملي پراختیا شرکت اړوند د شمال د ډبرو سکرو تخنیکي ټیم، په سمنګان ولایت کې د ډبرو سکرو درلودونکو سیمو (قلعه چه او شیخاني) کې د جیولوژیکي امکان سنجونې مطالعات تثبیت او پیل کړي دي. ددې ټیم په وینا: د کان کیندنې د تجهیزاتو او د تخنیکي اړتیاوو له چمتو کولو سره هم مهاله به دوی، د دې ولایت د روی دوآب ولسوالۍ د سکرو درلودونکو یادو دوه سیمو کې، د کیندنې کارونه پيل کړي. لکه څنګه چې په آبخورک سیمه کې د کان کیندنې کارونه د استخراج مرحله کې دي او امکان لري چې ګټور ژوند یې په راتلونکي یو کال کې بشپړ شي؛ نو له همدې امله اړینه ده چې، قلعه چه او شیخاني سیمو کې د کان کیدنې عملیات دوام پیدا کړي. د یادونې وړ ده چې د قلعه چې او شیخاني سکرو درلودونکې سیمې د آبخورک معدني ساحې ته څیرمه موقعیت لري او په حقیقت کې دا معدني سیمې د آبخورک د ډبرو سکرو د طبقاتو دوام دی. د قلعه چه او شیخاني د ډبرو سکرو درلودونکو سیمو پراختیايي عملیات او تخنیکي کار پیل به لسګونو ځایي بیوزلو او بې بوختیا خلکو لپاره د کار فرصتونه رامنځته کړي او د شمال ډبرو سکرو شرکت عایدات به هم لوړ کړي.

شنبه ۱۰ لړم ۱۳۹۹ په عصري ټکنالوژۍ د زده کوونکو د سمبالښت او تعلیمي کچې لوړولو په موخه، د بدخشان ولایت جرم ولسوالۍ په څلور بابه ښوونځيو کې د کمپیوټر لبونو د جوړولو کار بشپړ شوی دی. دا کمپیوټر لبونه؛ د فیض آباد ښار په کوکچه، شهید سایف او ترګني په ښوونځیو او د جرم ولسوالۍ په غیاثي لیسه کې ګټې اخیستنې ته سپارل شوي دي. یاده پروژه د جمهوري ریاست د ملي پرختیا عملیاتي او ملاتړې ادارې په مالي ملاتړ د ملي پراختیا شرکت د بنايي ودانیز ریاست لخوا پلې شوې، چې په هر یوه ېې نهه سوه زره افغانۍ لګښت راغلی. د یادونې وړ ده چې د بدخشان ولایت په مرکز او ولسوالیو کې ټولټال ۴۷ بابه ښوونځي د دې پروګرام تر پوښښ لاندې راغلي او تمه ده پاتې نور ښوونځي هم په دې سیستم سمبال او د زده کوونکو ګټې اخیستنې ته چمتو شي.