شنبه ۳لړم ۱۳۹۹ د پلازمینې کابل ښار دولسمې ناحیې قلعه شاهنان سیمه کې د ډبرینو سړکونو د جوړولو چارې چې څه موده، د کرونا ویرس او یوشمیر ټولنیزو ستونزو له امله پڅې روانې وې یو ځل بیاېې کارونه په چټکۍ سره پيل شوي او ډير ژر به دا پروژه بشپړه او خلکو خدمت ته به وسپارل شي. دا پروژه چې د پلازمېنې زون د پراختیا ادارې له لوري ډیزاین شوې او د ملي پراختیا شرکت اړوند افغاني ودانیز ریاست ېې عملي چارې پرمخ وړي، د سړک غاړې ته د ویالو د جوړولو او کانګریټ کارونه بشپړ شوي، سړک هوار او اوس پرې د ډبرین فرش کارونه روان دي. د یادونې وړ ده دې پرژوه کې کابو څلورنیم کیلومتره سړک، له پنځو تر لسو مترو پلنوالي سره په اساسي ډول جوړ او په ډبرو پوښل کیږي چې په ترڅ کې ېې ۲۰۰ کسانو ته په مستقیم ډول کاري بوختیا رامنځته شوې او په بشپړیدو سره به ېې د زرګونه کسانو تګ راتګ ستونزې حل شي.

پنجشنبه ۱ لړم ۱۳۹۹ نن د لړم میاشتې په لمړۍ نیټه د غوري سیمنټو فابریکو پخوانی مشر ریاض الدین شریفي د هغه د ښو کړنو او کارکردګیو له امله د مشرانو جرګې د نایب منشي محمد فیصل سمیع لخوا وستایل شو. له کله چې د غوري سیمنټو فابریکې، د ملي پراختیا شرکت سره يو ځاي شوي، د غوري سمنټو د تولیداتو په کیفیت او کمیت کې ښه والی راغلی او د عوایدو کچه ېې په مراتبو لوړه شوې او اداري سمونونه، په ۱۳۰جریبه ځمکه کې د ترقي په نوم بڼ او د فابریکې څیرمه د ماهي روزلو د فارم جوړول نور کارونه دي چې په دې وروستیو کې د غوري سمنټو فابریکو کې ترسره شوي دي. د یادونې ده چې ریاض الدین شریفي د ملي پراختیا شرکت د مشرتابه له لورې اړتیا ته په کتو په دې ورستيو کې د شمال ډبرو سکرو د رییس په توګه تعیین او تبدیل شو .

چهار شنبه ۳۰تله ۱۳۹۹ ملي پراختیا شرکت د پلازمینې زون د پراختیا ادارې هغه پروژه په کاپیسا ولایت کې پلې کوي، چې سړک جوړونه، پلونه او پلچکونه، استنادي دیوالونه او ویالې په ځان کې رانغاړي. دا ودانیزه پروژه چې ۲۴ میلیون افغانۍ ورته ځانګړې شوي او د کاپیسا ولایت د دوهمې حصې ولسوالۍ په مراد خواجه کلي کې پلې کیږي، ودانیزې او تخنیکي چارې ېې د ملي پراختیا شرکت پورې اړوند د افغاني ودانیز دستگاه پرمخ وړي. دې پروژه کې د پلونو، پلچکونو او نورو اړوند برخو ترڅنګ، د څلورو مترو په پلنوالي څه کم دوه نیم کیلو متره سړک جوړونه شامله ده چې د لسهاوو مسلکي او غیرې مسلکي کارګرو لخوا پرې په چټکۍ کارونه روان دي او ډير ژر به بشپړه او ګټې اخیستنې ته وسپارل شي. د یادونې وړ ده چې د ملي پراختیا شرکت کاپیسا ولایت کې یو شمیر نورو ودانیزې پروژې هم تر کار لاندې لري چې بشپړیدو او پرانیستو سره به ېې د خلکو ستونزې حل شي.

سه شنبه ۲۹تله ۱۳۹۹ د کابل اورښت اوبو مدیریت پروژه کې د سطحي اوبو د کنټرول په موخه، د پلازمینې په چاپير لوړ کې، له ۱.۹میلیونو څخه ډیرې وړې کندې کیندل او ۲۵کوچني بندونه جوړ شوي دي. دا پروژه چې په کابل ښار کې د سطحي اوبو د کنټرول، د ځمکې لاندې اوبو د لوړوالي او خلکو ته د کاري بوختیا لپاره په لار اچول شوې، د ملي پراختیا شرکت لخوا پلي کیږي. دمګړۍ په دې پروژه کې له لسو زرو څخه ډير کسان په کار بوخت دي او د پروژې له پیله تر دې دمه له ۳۰زور څخه ډير کارګر په دندو ګمارل شوي دي. ددې پروژې لومړی پړاو چې پکې د خندقونو کیندل او د چکدمونو جوړول شامل دي، له یو کال او شپږو میاشتو څخه به ډیر وخت ونیسي او دویم پړاو کې د میلیونو نیالګیو د کښت وار دی چې په بشپړیدو سره به ېې د کابل شاوخوا لوړې او غونډۍ، په میوه لرونکو او بې میوو نیالګیو شنې او وپوښل شي. دیادې پروژې ټول مالي لګښت ۱۲ملیارده افغانۍ کیږي چې د جمهوري ریاست د ملي پراختیا عملیاتي او ملاتړ ادارې له بودیجې څخه ورکول کیږي.

دوشنبه ۲۸ تله ۱۳۹۹ په دې وروستیو کې د ملي پراختیا شرکت پورې د اړوند، هلمند ودانیز ریاست ملکیت ( کوکچې پروژې) شاوخوا ۱۳۰۰جریبه ځمکه چې د ځینو ځایي زورواکو لخوا غصب شوې وه، د تخار ولایتي چارواکو په همکارۍ، ملي پراختیا شرکت د مسئولینو په هڅو له غصب څخه خلاصه او استرداد شوه. یاده ځمکه د کوکچې سیند ته څيرمه موقعیت لري او د کوکچې پروژې د هغې ۴۹زره جریبه ځمکې اړونده ده، چې د سردار محمد داود خان په واکمنې کې د کرنې لپاره پرې کارونه پیل شول؛ لس زره جریبه ېې چې وړاندې د غونډیو په څیر وه آواره او له ډلې ېې شاوخوا ۳۵۰۰ جریبه ځمکه کانال بندي او کرنې لپاره چمتو شوه. د تخار ولایت چې د افغانستان شمال ختیځ لور ته پروت دی یو له کرنیزو ولایتونو څخه دی چې اقلیم ېې د کیلو، لیمو، املوکو، انارو او ډير شمیر نورو میوو او سبزیو د کرلې لپاره مناسب دی او اوس د ملي پراختیا شرکت د کوکچې پروژې خړوبول او بیا کار پیل د خپلو پلانونو برخه ګرځولې څو په مناسبو شرایطو کې طرحه شوي پلان ته د پلې کیدو زمینه برابره کړي.

شنبه ۲۶ تله ۱۳۹۹ په هیواد کې ښوونې او روزنې اهمیت ته په کتو او د زده کړو لپاره د زمینې برابرولو په موخه پکتیکا ولایت کې دوه بابه ښوونځي د ودانیزو چارو له بشپړیدو سره ګټې اخیستنې ته چمتو شول. دا اته صنفي ښوونځي چې ودانیزې چارې ېې د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنايي شرکت لخوا پرمخ وړل شوي، په مرکز ښرنه او ارګون ولسوالۍ کې موقعیت لري. د پکتیکا ولایت د ښرنې ښار۸صفنه ښځینه ښوونځی په مقرب خیلو او د ارګون ولسوالۍ اته صنفي ښوونځی ضرابي سیمه کې جوړ شوی او کوښښ کیږي دوه بابه نور ښوونځي چې یادو سیمو کې پرې کارونه روان دي هم ډير ژر بشپړ او د زدکړو لپاره د ولس چوپړ ته وسپارل شي. د یادونې وړ ده چې په پکتیکا ولایت کې د یادو ښوونځيو له جوړولو سربیره په ځینو نورو ودانیزو پروژو هم د ملي پراختیا شرکت لخوا کارونه روان دي.