د ملي پراختیا شرکت تدارکاتي ټيم او غړو ته د ملي پراختیا شرکت له لورې، په تدارکاتي برخو کې د هغوی د وړتیا او ظرفیت لوړونې په موخه روزنیز ورکشاپ ترسره شو. په دغه ورکشاپ کې چې چې نن د ملي پراختیا شرکت په تالار کې تر سره شو، د شرکت اړوند تدارکاتي مختلفو څانګو کارکوونکو پکې ګډون کړی وو؛ د ملي پراختیا شرکت مالي او اداري مرستیال ښاغلي ډاکټر ضیاءالله شفیق په اړوند برخه او د چارو د سمون په تړاو خبرې وکړې او دا شان روزنیز پروګرامونه ېې د اړین او مهم یاد کړل. په دې ورکشاپ کې چې د ملي پراختیا شرکت اړوند ادارو شاوخوا ۲۰تنو تدارکاتي کارکوونکو پکې برخه اخیستې وه، جوړ شوی ورکشاپ ېې د چارو د لا سمون او چټک ترسره کولو په برخو کې ګټور وباله. دا په داسې حال کې چې تر دې وړاندې هم د ملي پراختیا شرکت خپلو اړوند کارکوونکو او کاري تخینکي ټيم ته په بیلابیلو وختونو کې د هغوی د کاري وړتیا لوړنې په موخه روزنیز ورکشاپونه په لار اچولي چې تر ډيره ګټور واقع شوي او دا لړۍ لا هم دوام لري.

سه شنبه ۲۲ تله ۱۳۹۹ د جمهوري ریاست د ملي پراختیا عملیاتي او ملاتړې ادارې لخوا د ملي پراختیا شرکت، د ودانیزو شرکتونو د پروژو یوشمیر پلې کوونکو انجنیرانو او د تخنیکي څانګو آمرینو ته، د PMIS سیسټم د کارولو یو ورځنۍ ورکشاپ په لاره واچول شو. دا روزنیز ورکشاپ چې د ملي پراختیا شرکت په تالار کې نن د ملي پراختیا شرکت د دفتر رییس وحیدالله رحمدل او ددې شرکت د نظارت او مراقبت د رییس سید نسیم خلیق لخوا پرانیستل شو، پکې کور جوړونې، بنايي، هلمند ودانیز او افغاني ودانیز شرکتونو انجنیرانو او تخنیکي آمرینو د یاد پروګرام د زدکړې لپاره برخه اخیستې وه. د پروژې مدیریت د معلوماتو بریښنایي سیسټم (PMIS)، د پروژې د مدیریت پروسې پایلې راټولولو، یوځای کولو، خپرولو او کارولو سیسټم دی چې د یوې ادارې او د هغې د مدیریتي کارونو د چټکتیا، همغږۍ او پلې کولو کې مرسته کوي ترڅو په بریالیتوب سره پروژې او چارې ترسره شي.

شنبه ۱۹ تله ۱۳۹۹ نن د لوی څارنوالۍ د کنفرانسونو تالار پرانیست غونډه کې، د یو لړ مراسمو په ترڅ کې د ملي پراختیا شرکت عمومي اجرایوي مشر ښاغلي عبدالرحمن عطاش او ددې شرکت د افغاني ودانیزې دستګاه رییس انجنیر اسامه مبشر د ارزښتناکه او نه ستړېکیدونکو هڅو څخه د قدردانۍ په موخه، د لوی څارنوالۍ لخوا ورته ستاینلیکونه ډالۍ شول. په دې مراسمو کې چې د افغانستان د اسلامي جمهوریت د ولسمشر دوهم مرستیال ښاغلي محمد سرور دانش او ډير شمیر لوړ پوړو دولتي چارواکو شتون درلود، د هیواد د آبادۍ او ودانولو په برخه د هڅو په خاطر د ملي پراختیا شرکت عمومي اجرایو مشر عبدالرحمن عطاش ته د لوی څارنوال څارنپوه محمد فرید حمیدي لخوا ستاینلیک ډالۍ شو. د ملي پراختیا شرکت افغاني ودانیزه دستګاه چې د لوی څارنوالۍ د الحاقیه ودانیو جوړولو پروژې مسؤلیت په غاړه لري او عملي چارې ېې د روان کال د چنګاښ په ۲۴نیټه پیل شوي او تر دې دمه یې د پام وړ پرمختګ کړی، د ښې کارګردګۍ له امله ېې رییس انجنیر اسامه مبشر ته هم د لوی څارنوالۍ لخوا ستاینلیک ورکړل شو. د یادونې وړ ده د ملي پراختیا شرکت په راتګ او جوړیدو سره چې هیواد کې د دولتي تصدیو د چارو د همغږۍ، کاري سمون، چټکتیا او پراختیا په موخه رامنځته شو؛ د هیواد په کچه په لسهاوو لوی او سلهاوو کوچېنۍ ودانیزې او پراختیايي پروژې تر [...]

یکشنبه ۱۳تله ۱۳۹۹ د ملي پراختیا شرکت پلازمینه کابل کې د اورښت اوبو مدیریت کولو پروژې څه کم ۱۵۰ تنه تخنیکي کارکوونکو ته د روزنې او د هغوی د کاري وړتیا لوړونې په موخه یو ورځنی ورکشاپ چې په ترڅ کې به ېې یاد شمیر کسان په ‌څلورو ډلو کې یو یو ورځ روزنه وویني په لار واچوه. دا ورکشاپ چې نن یکشنبه د تلې میاشتې په ۱۳مه نیټه د ملي پراختیا شرکت په تالار کې د قرآن پاک د څو آیتونو له تلاوت وروسته، ددې شرکت د مالي او اداري مرستیال ښاغلي ډاکټر ضیاءالله شفیق په وینا سره پرانیستل شو، پکې د ملي پراختیا شرکت د بشري سرچینو رییس عبدالفتاح مخلص، د بنايي شرکت د پلان او انجنیرۍ آمر فرمان الله سیرت، د اورښت اوبو د مدیریت کولو پروژې آمر انجنیر عزت الله بدر او ددې پروژې ځینو مسئولینو او تخنیکي کارکوونکو پکې برخه درلوده. ښاغلي ډاکټر ضیاءالله شفیق د ملي پراختیا شرکت له ټول کاري ټيم په خاصه توګه د اورښت اوبو مدیریت پروژې کاري پرسونل ته د روزنیز ورکشاپ د ورکړې په برخه کې ددې پروژې د آمر عزت الله بدر له دې نوښت څخه مننه وکړه او وېې ویل چې یاده پروژه یوه لنډ مهاله پروژه نه ده او دا د کابل د پاک او شین چاپيریال او شین کمربند لپاره لمړني ګامونه دي او باید ورته د یوې حیاتي پروژې په سترګه وکتل شي او [...]

شنبه۱۲تله ۱۳۹۹ د بامیان والي سید انور رحمتي او ددې ولایت یوشمیر لوړ پوړو چارواکو تیره پنجشنبې ورځ په دې ولایت کې د ملي پراختیا شرکت لخوا د پلې کیدونکو پروژو له کاري بهیره له نږدې لیدنه وکړه. ښاغلي سید انور رحمتي او ورسره مل چارواکو د پروژو معیاري کارونه او ودانیزې چارې وستایلې او له مسئولینو څخه ېې په کار کې د چټکتیا غوښتنه وکړه. دا ټول ګټې پروژې چې جوماتونه، ټولنیز صالونونه او ورزشي جمنازیم په څير ۱۴ ودانۍ په ځان کې رانغاړي او مالي لګښټ ېې د جمهوري ریاست د ملي پراختیا عملیاتي او ملاتړې ادارې له خوا ورکول کیږي، د ملي پراختیا شرکت د کاري پرسونل لخوا پرې کارونه روان دي چې ډير ژر به یو له بل پسې بشپړې شي او همدا راز د ناروغانو او ناروغ لروونکو د استفادې لپاره دوه انتظار خونې د کارونو له بشپړیدو وروسته پرانیستل شوي هم دي. دمګړۍ په بامیان ولایت کې په یادو پروژو کې لسهاوو تنه ماهر او غیرې ماهره کسان په کار بوخت دي او ددې ولایت اوسیدونکي د پروژو له پلې کیدو او کاري بهیر څخه خوښ دي.

سه شنبه ۸تله ۱۳۹۹ د ملي پراختیا شرکت په هڅو پلازمینه کابل کې د لاله ښارګوټي یا د استوګنې مجتمع په ټپه دریدلې ودانیزې چارې له سره پيل شوې او ډير ژر به ېې پاتې ودانیز کارونه بشپړ شي. د استوګنې دا مجتمع چې ۱۴ پوړيزه لس بلاکونه او ۵۶۰ اپارتمانونه لري او دولتي کارکوونکو ته د ۲۰ کلونو په موده کې د کلني قسطونو په ورکړې وېشل کېږي، ودانیز کارونه ېې شاوخوا اته کاله په ټپه درېدلي وو چې دمګړۍ ېې د ملي پراختیا شرکت د رهبرۍ په هڅو ېې کارونه له سره پيل شول. دا په داسې حال کې ده چې د ملي پراختیا شرکت لخوا د هیواد په کچه په لسهاوو لویو ملي ودانیزو پروژو، د سلهاوو مسلکي او غیرې مسلکي تجربه لرونکو کارګرو پرمټ ودانیزې چارې روانې دي.