دوشنبه ۱۷ وږی ۱۳۹۹ د ننګرهار وادي کرنیز شرکت اړوند د زیتونو بڼونو او د زیتونو تولیدي فابریکې ته، د ملي پراختیا شرکت تر رهبرۍ لاندې د وادي کرنیز شرکت د مسئولینو د خاصې پاملرنې له امله د زیتونو په حاصلاتو کې زیاتوالی راغلی. د ننګرهار وادي کرنیز شرکت تخنیکي مرستیال ښاغلی ذبیح الله فضلي وايي سږکال به ننګرهار ولایت کې د کانال اړوند زيتونو بڼونو حاصلات د تیر کال په پرتله څو چنده زيات وي او د ۵۰۰ټنو اتکل ېې کیږي. د ښاغلي فضلي په وینا تیر کال له دې بڼونو څخه کابو ۱۰۰ ټنه تور او شنه زیتون راټول شوي وو، چې له څه کم ۴ټنو څخه ېې اچار او پاتې نورو څخه ېې تیل ویستل شوی وو او دا کال به له راټولو شوو زیتونو څخه لس ټنه ېې اچارو ته بیل او پاتې نورو څخه به ېې تیل وویستل شي. نوموړی زیاتوي له هغې ورځې چې د ننګرهار وادي کرنیز شرکت په ملي پراختیا شرکت کې مدغم شوی، د نورو برخو په څير د زیتونو بڼونو مسلکي او عصري ډول پالني، اوبو رسونې او کیمیاوي سرې د ورکړې سیستم ته ېې ښه پاملرنه شوې او همدا لامل دی چې د نورو کلونو په پرتله ېې د روان کال حاصلات ډير اټکل شوي دي. د یادونې وړ ده چې په ننګرهار ولایت کې د زیتونو دولتي باغونه په ۱۳۴۲ کال کې جوړ شوي، ١٧٢٠ هکتاره ځمکه په [...]

جمعه ۱۴وږی ۱۳۹۹ د بلخ ولایت په مزار شریف ښار کې د ملي پراختیا شرکت د مسئولینو له لورې هغه دوه پروژې (جومات او ټولنیز صالون)چې کارونه ېې بشپړ شوي وو پرانیستل او ګټې اخیستنې ته وسپارل شوې. دا ودانیزې پروژې یوه ېې د مزار شریف په اتمه ناحیه کې د بي بي حنیفې په نوم جومات او بله ېې په دریمه ناحیه کې ټولنیزو صالون دی، چې تیره ورځ د ملي پراختیا شرکت تر چتر لاندې د بنايي ساختمانی شرکت د مشر احمد جاوید اخلاص لخوا، د پروژو د ځایي مسئولینو او ولایتي چارواکو په شتون کې پرانیستل شوې. جومات له انګړ سره په ۱۵۰۰او ټولنیز صالون له انګړه سره په ۲۰۰۰ متر مربع مساحت ځمکه کې ودان شوی، چې هر یو به په یو وخت کې د نږدې ۱۰۰۰کسانو د ځاییدو وړتیا ولري. په دواړو پروژو ودانیز کارونه د جمهوري ریاست د ملي پراختیا عملیاتي او ملاتړې ادارې په مالي ملاتړ تیر کال د ملي پراختیا شرکت د بنايي ساختماني شرکت لخوا پیل شوي وو، چې په لوړ کیفیت او د نننیو معیارونو په پام کې نیولو سره پای ته ورسول شول. دیادو پروژو له پرانیستو او د ملي پراختیا شرکت لخوا د نورو پروژو د پلې کیدو له څرنګوالي د مزار شریف ښار اوسیدونکي خوښ دي او وايي چې ددې پروژو په پرانیستو سره به ېې په اړوند برخو کې ستونزې تر ډيره بریده حل شي.

د ملي پراختیا شرکت د بشري سرچینو ریاست د وړتیا لوړنې څانګې لخوا ددې شرکت کارمندانو ته د وخت د مدیریت په اړه دوه ورځنی ورکشاپ په لاره واچول شو. دا ورکشاپ چې د ملي پراختیا شرکت په تالار کې پرون پیل او نن به پای ته ورسیږي، پکې شاوخوا ۲۰ کسانو د وخت د مدیریت او د وړتیا لوړونې په موخه برخه اخیستې. د بشري سرچینو ریاست د وړتیا لوړونې مسئول روح الله محمودي چې کارمندانو ته دا روزنیز ورکشاپ وړاندې کوي وايي: د ملي پراختیا شرکت د بشري سرچینو څانګه غواړي د یوې سالمې، قانونمندې او وړۍ ادارې او په کار پوه پرسونل د درلودو لپاره په راتلونکو کې د لنډ مهاله روزنیزو پروګرامونو ترڅنګ، د منځ مهاله او وږد مهاله زدکړو او روزنې لپاره زمینه هم برابره کړي. د یادونې وړ ده چې د بشري سرچینو دې څانګې د اداري کارکوونکو د وړتیا لوړونې په موخه په اداري او مدیریتي برخو کې د روزنیزو پروګرامونو د ورکړې لړۍ پیل کړې چې په بیلابیلو وختونو کې به دوام ومومي.

چهارشنبه ۱۲ وږی ۱۳۹۹ د آسیا پراختیايي بانک په مالي ملاتړ د عامې روغتیا وزارت له لورې د هیواد په لسو ولایتونو کې له کرونا ویروس سره د مبارزې او درملنې په موخه لس روغتونونه ودانیږي. په دې تړاو نن مازیګر د وږې میاشتې په ۱۲مه نیټه د ولسمشرۍ په چهار چنار ماڼۍ کې، د هیواد د ولسمشر ښاغلي محمد اشرف غني او مرستیالانو په حضور کې، چې د ملي پراختیا عملیاتي او ملاتړې ادارې مشر احمد وفي امین، د ملي پراختیا شرکت مالي او اداري مرستیال ډاکټر ضیاءالله شفیق، د تولیداتو د انسجام او پراختیا رییس وحیدالله رحمدل او د نورو اړونده ادارو مسئولینو هم برخه درلوده؛ د ملي پراختیا شرکت د کورجوړونې د رييس انجنیر میرویس ارغندیوال او د عامې روغتیا وزارت د سرپرست احمد جواد عثماني ترمنځ تړون لاسلیک شو. د تړون له لاسلیک وروسته د هیواد ولسمشر دا یوه تاریخي ورځ وبلله چې په لمړي ځل یو نړیوال معتبره بنسټ له یو دولتي شرکت سره تړون کوي چې پکې رڼښت، کاري چټکتیا او مدیریت په پام کې نیول شوی. دا روغتونونه چې د وړاندې جوړو شوو ودانیزو قطعاتو څخه په استفادې په هلمند، ارزګان، زابل، پکتیا، دایکندي، سمنګان، غور، بلخ، فاریاب او سرپل ولایتونو کې جوړیږي او له کویډ ۱۹ویروس یا کرونا ناروغۍ سره د مبارزې، تشخیص او درملنې په موخه به ورڅخه استفاده وشي، ودانیزې کارونه ېې د ملي پراختیا شرکت د کور جوړونې ریاست [...]

چهارشنبه ۱۲ وږی ۱۳۹۹ د ملي پراختیا شرکت عمومي اجراییوي رییس عبدالرحمن عطاش، ددې شرکت د تولیداتو د سمون او پراختیا مرستیال عبدالمومن منصور او یوشمیر نورو مسئولینو نن چهارشنبه بلخ کې ددې شرکت له لورې د پراختیايي او ودانیزو پروژو د پلي کولو او ارزولو په موخه سفر وکړ او په دې تړاو ېې له والي سره ېې لیدنه وکړه. ددې سفر په ترڅ کې ښاغلي عطاش د بلخ له والي ښاغلي محمد اسحق رهګذر سره په کتنه کې د ملي پراختیا شرکت له لورې د پراختیايي پلانونو او پروژو د پلي کولو د څرنګوالي په تړاو بحث او خبرې کړي. په لیدنه کې د ملي پراختیا شرکت اجراییوي رییس له ولایتي ادارې څخه غوښتي څو په ملي پراختیا شرکت کې د مدغم شوو تصدیو د غصب شوو ځمکو د بیرته لاسته راوړو په برخه کې ټينګه همکاري وکړي. بلخوا د بلخ والي د ودانیزو او رغنیزو چارو په برخه کې د ملي پراختیا شرکت د رهبرۍ کړنې د قدر وړ او بې سارې یادې کړي او دا شرکت ېې د وړتیا او باور وړ مرجع بللی او له ښاغلي عطاش څخه ېې غوښتنه کړې څو د نورو ودانیزو چارو سربیره، بهاءالدین ولد خانقا رغولو، د مزار هوټل ودانۍ جوړولو، د آموسیند تحکیماتو، د اوبو د وړو بندونو جوړولو، د مولانا جلاالدین محمد بلخي هوايي ډګر ته د خوندي اوبو رسولو ته هم پاملرنه وکړي. ښاغلي عطاش د بلخ [...]