سه شنبه ۲ وږی ۱۴۰۰ دملي پراختيا شرکت رهبري پلاوي پرون پکتیا ولايت احمد ابا ولسوالۍ مچلغو بند ته سفر کړی وو؛ ترڅو په دې سیمه کې دجوړيدونکي بند له څخه له نږدې لیدنه وکړي. په دغه پلاوي کې دملي پراختيا شرکت اجراييوي رييس عبدالرحمن عطاش او د اسلامي امارت د پکتیا ولایت مؤسساتو مسؤل ګډون درلود. ښاغلي عطاش د مچلغو بند انجينرانو ته د لازمو لارښونو په ترڅ کې وویل: چې ددې بند د جوړولو چارې باید چټکې او کارونه يې په ښه کیفیت سره پرمخ لاړ شي. دغه بند ۲۶۰ متره اوږد والی ۲۸۰ متره سور ۴۷ متره لوړ والی چې د ۵،۳ میلیونه متر مکعب اوبو دذخیره کیدو ظرفیت لري او همدارنګه د اوبو اخیستو ساحه یې۶۶،۸۵ کیلو متره مربع ده. ددغه مهم بند په جوړیدو سره به د ۲۹۳ کیلو واټه برق د تولید ترڅنګ ۲۳۰۰ هکټاره ځمکه خړوبه شي. د ویلوده، چې د مچلغو بند دجوړیدو چارې لومړی ځل د لومړني ولسمشر سردار محمد داوود خان د واکمنۍ پر مهال پيل شوې، خو د کورنيو ستونزو له امله يې کارونه په هماغه پيل کې بیرته پاتې شول.

دوشنبه ۱ وږی ۱۴۰۰ د ملي پراختیا شرکت اجرایيوي مشر عبدالرحمن عطاش د ودانیزو پروژو څخه د لیدنو په لړ کې دا ځل ددې شرکت د کمپلکس ودانیزو چارو څخه لیدنه وکړه. په دې لیدنه کې ښاغلي عطاش د ملي پراختیا شرکت کمپلکس ودانیزه پروژه مهمه وبلله او لارښونه يې وکړه چې په چارو کې دقت، سرعت او کیفیت ته پوره پاملرنه وکړي. دا په داسي حال کې ده چې د ملي پراختیا شرکت رهبري پلاوي په دې وروستو کې په بیلابیلو ولایتونو کې له پروژه څخه دليدنو لړۍ پيل کړې ده. #شرکت_انکشاف_ملی #ملی_پراختیا_شرکت

یکشنبه ۳۱ زمری ۱۴۰۰ د ملي پراختیا شرکت اداري ناسته دعمومي اجراییوي رئیس عبدالرحمن عطاش،مرستیالانو،مشاورینو او بیبلابیلو ادارو رئیسانو په ګډون ترسره شوه . په دغه ناسته کې د رهبرۍ دعمومي رئیس او ګډونوالوترمنځ دبیلابیلوادارو پر مسؤلیتونواو دندو باندې هراړخیز بحث ترسره شو او اړونده مسؤلینوته سپارښتنه وشوه ؛ ترڅو خپل فعالیتونه او ترکارلاندې پروژې دهیواد په بیلابیلوبرخوکې په پوره ډاډ سره پیل کړي. همدارنګه دغونډې ګډونوالو د ملي پراختیا شرکت رهبرۍ ته ډاډ ورکړچې په نږدې راتلونکي کې به په ټول هیواد کې خپل فعالیتونه په بشپړ قوت او لیوالتیا سره بیرته پیل کړي. غونډه په ټول هیواد کې د سرتاسري سولې ټینګښت اود هیواد پرمختګ لپاره د دعا یې په لوستلو پای ته ورسیده. #شرکت انکشاف ملی #ملی پراختیا شرکت

شنبه ۲۳ زمری ۱۴۰۰ د سولې ښوونځي دیوال رغنیزې چارې د تایمني پروژې په ۵ سړک کې به ډیر ژر بشپړې شي. ددې دیوال په جوړولو کې ۹ بابه ګارد تاورونه، دروازې، پیاده رونه او د ټول ښوونځي لپاره د بريښنا ویشلو سیستم شامل دي. دغه مکتب د ملي پراختیا شرکت بنايي ودانیز ریاست له لوري جوړیږي چې مالي لګښت يې د جمهوري ریاست ملاتړې ادارې له خوا ورکول کیږي. د سولې ښوونځی د ملي پراختیا شرکت له لوري په داسي حال کې جوړیږي چې دغه شرکت په لسګونه بابه ښوونځي په ټول هیواد کې جوړ او کټې اخیستنې ته سپارلې دي.

پنجشنبه ۲۱ زمری ۱۴۰۰ لوګر ولایت کې د یو باب ملیمستون د جوړولو چارې په چټکې سره رواني دي چې ۴۵ سلنه عملي چارې يې بشپړې شوي دي. دغه ملیمستون ۷۷۵ مربع مترمساحت ځمکه باندي په دریو پوړونو کې جوړیږي چې ۲۴ بیلابیلې خونې او یو لوی تالار لري. ددې ملیمستون د جوړولو چارې د ملي پراختیا شرکت افغاني وادنیز ریاست پرمخ وړي چې مالی لګښت يې د محلي اروګانونو انسجام ریاست له لورې ورکول کیږي. دا په داسې حال کې ده چې د ملي پراختیا شرکت له لوري په لوګر ولایت کې بیلابیلې نورې وادنیزې پروژې هم دجوړیدو په حال کې دي چې ډیر ژر به بشپړې او ګټې اخیستنې ته وسپارل وشي.

چهارشنبه ۲۰ زمری ۱۴۰۰ د میدان وردګو لایت مرکز میدانښار کې د یو لوی جامع جومات ودانیزې چارې د بشپړیدو په حال کې دي چې په نږدې راتلونکي کې به ګټې اخیستنې ته وسپارل شي. دغه جامع جومات په دوه پوړونو کې په پاخه او اساسي ډول له ټلواړینوو ملحقاتو سره جوړشوی چې په یو وخت کې د ۲ زره تنه لمونځ کوونکو دځاییدو ظرفیت لري. د یاد جامع جومات د جوړولو چارې د ملي پراختیا شرکت بنایي ودانیز ریاست له لوري د جمهوري ریاست ملاتړې ادارې په مالي لګښت ترسره شوې دي. د یادونې وړده چې ملي پراختیا شرکت له تیر یوکال راهیسې سلګونه جوماتونه په بیلابیلو ولایتونو او لسوالیوکې جوړکړي دي.