سه شنبه ۱۹ زمری ۱۴۰۰ د ملي پراختیا شرکت ننګرهار وادي کرنیز ریاست اړوند دهډې فارم عبدالخیلو بلاک کې په ۴۷۶ جریبه ځمکه کې د ستروسو او نورو میوه لرونکو ونو باغونو د جوړولو چارې پیل شوې. د ننګرهار وداي کرنیز ریاست مسؤلین وایي د عبدالخېلو بلاک باغونه چې پراخه تاریخي مخینه لري شاوخوا ۱۷۱ هکتاره ځمکه په واک کې لري خو د خپل منځي جګړو له امله تخریب شوې وه اوس د ملي پراختیا شرکت غواړي چې یاد بڼ د میوه لرونکو ونوپه کینولو سره جوړکړي. دوي دغه برنامه د سیمې اوسیدونکو لپاره د کاري بوختیاوو په برخه کې پرځای ګام بولي چې په کې به لسګونه تنه بې روزګاره ځوانان په کار بوخت شي. داپه داسې حال کې ده چې ملي پراختیا شرکت هوډ لري ترڅو د عبداخېلو بلاک کې دځانګړومیلمنو لپاره ودانۍ او یو نمونه یي بڼ چې هر ډول میوه لرونکې ونې به په کې وي هم جوړ کړي.

سه شنبه ۱۹ زمری ۱۴۰۰ د پولي تخنیک پوهنتون د تکنالوژۍ تدریسي ودانۍ د جوړولو چارې د ملي پراختیا شرکت بنايي ودانیز ریاست له لوري پیل شوې. د غه ودانۍ د ۴ زره تنه محصلينو دځایيدو وړتيا لري چې په پنځو پوړونو کې د ټولو اړینو ملحقاتو لکه: درسي خونې، کنفراس خونې، کمپیوتر لب، لابراتوار، شنه ساحه او نورو ټولو امکاناتو په درلودلو سره د جوړیدو په حال کې ده. د یادې تدریسي ودانۍ مالي لګښت د جمهوري ریاست ملاتړې ادارې له خوا ورکول کیږي. د یادونې وړده چې څه موده وړاندې د پولي تخنیک پوهنتون چاپیریال ساتنې پوهنځي تدریسي ودانۍ د جوړولو چارې هم د ملي پراختیا شرکت له لوري پیل شوې دي.

دوشنبه ۱۸ زمری ۱۴۰۰ په لوګر ولایت کې د یو باب سړې خونې د جوړولو په چارو کې چې د ملي پراختیا شرکت بنايي ودانیز ریاست له لوري جوړیږي پرمختګ شوی دی. دغه سړه خونه د محمد آغې ولسوالۍ اړوند سیمه کې جوړیږي چې په یو وخت کې به د ۱۵ زره ټنه کرنیزو حاصلاتو د ځاییدو وړتیا ولري. ددې سړنې خونې مالي لګښت د جمهوري ریاست ملاټړې ادارې له خوا ورکول کیږي. ددې سړې خونې د جوړیدو چارې په داسي حال کې د ملي پراختیا شرکت له لوري پرمخ وړل کیږي چې ټاکل شوې په نږدې راتلونکي کې د لوګر په مرکز پل علم کې هم د یوې معیاري سړې خونې دجوړيدو چارې پیل شي.

دوشنبه ۱۸ زمری ۱۴۰۰ په تخار ولایت کې د ۱،۲ کلیومتره اوبو کانال د مسیر بدلولو او جوړیدو چارې دملي پراختیا شرکت هلمند ودانیز ریاست له لوري ګړندۍ پرمخ روانې دي. دغه کانال چې د تخار ولایت نمک آب ولسوالۍ یوشمیر سیمو ته يې د څښاک پاکو اوبو او کروندو خړوبولو لپاره ترې ګټه پورته کیده، له معدني سیمو څخه په تیریدو سره يي اوبه تروشې او د څښلو وړ نه وې، خو ملي پراختیا شرکت ددې اوبو مسیر بدلولو لپاره هلې ځلې پیل کړي دي. دغه پروژه ۱۲۰۰ متره اوږدوالی او ۱۲ متر سور لري چې د ۱۱ زره هکټاره ځمکې د خړبولو وړتیا لري. په یاده پروژه کې د ځمکې کیندل، د غره برش کول او د اوبو مسیر بدلول شامل دي چې مالي لګښت یې د اوبو د تنظیم ملي ادارې لخوا ورکول کیږي. دغه پروژه په داسي حال کې د ملي پراختیا شرکت له لوري پلي کیږي چې د هیواد په بیلابیلو برخو کې ددې شرکت له لوري د اوبو بندونو جوړیدو چارې روانې دي، چې یو شمیر بشپړې ګټې اخیستنې ته سپارل شوې هم دي.

یکشنبه ۱۷ زمری ۱۴۰۰ د ملي پراختیا شرکت اړوند شمال ډبرو سکرو ریاست د تخنیکي کارمندانو د هلوځلو له کبله او د فعالیت ساحې پراخولو په موخه ، د شورابک ډبرو سکرو کان کې د سړکونو جوړولو او موندنو عملي کارونه جریان لري. دغه کان کې تیر کال د شمال ډبرو سکرو ریاست فني کارکوونکو جیولوجیکي څیړنې ترسره کړې او معلومه شوه چې د شورابک کان د دودکش او کرکر کانونو یوه برخه ده چې دکميت اوکیفیت له لحاظه د ګټې اخیستنې ښه وړتیا لري. د یادونې وړده چې له دې کان څخه د استخراج او ګټې اخیستنې سره به سلګونه کسانو ته دکار زمینه برابره شي او د هیواد په اقتصادي وده کې به مهمه رول ولوبوي.

شنبه ۱۶ زمری ۱۴۰۰ د افغان پست ریاست یو شمیر مهمې برخې لکه: د ودانیو بیا رغونه، د اوبو رسونې سیستم، د فاضله اوبو سیستم، فرنیچر او انترنیټ د ملي پراختیا شرکت بنايي او افغاني ودانیز ریاستونو له لوري ترمیم او بیارغول شوي دي، چې مالي لګښت يې د جمهوري ریاست ملاتړې ادارې له خوا ورکړل شوی دی. دا په داسي حال کې ده چې له دې وړاندي ملي پراختیا شرکت د لسګونو ودانیزو پروژو د بیارغونې او ترمیم چارې په کابل او ولایتونو کې پیل کړي چې یو شمیر يې ګټې اخیستنې ته سپارل شوي دي.