د ملي پراختیا شرکت مالي او اداري مرستیال مولوي عبدالولي عادل په شتون کې د دې شرکت د ۱۷ بېلا بېلو خالي بستونو لپاره له ۱۷۳ تنو څخه آزموینه واخیستل شوه. د ملي پراختیا شرکت مالي او اداري مرستیال مولوي عبدالولي عادل د آزموینې ګډونوالو ته وویل: د خوښۍ ځای دی، چې اوس مهال ملي پراختیا شرکت د هېواد په سطحه سترې او ملي پروژې پرمخ وړي او موږ تل هڅه کړې تر څو په دې سترو پروژو کې د کارکوونکو د جذب پروسه د آزادې سیالۍ له لارې په خورا رونټیا پرمخ یوسو. نوموړي زیاته کړه، تاسو ډاډه او مطئن اوسئ، دا پروسه رڼه او شفافه ده او حق به حقدار ته رسېږي. د یادولو وړ دی، ملي پراختیا شرکت تر دې وړاندې هم په سلګونو کسان د آزادې سیالۍ له لارې د دې شرکت په بېلا بېلو برخو کې په دندو ګمارلي دي.

په کابل ښار کې د افغان ملي ماڼۍ د جوړېدو چارې د ملي پراختیا شرکت او افغان ملي بانک د مسؤلینو له لوري د یوې غونډې په ترڅ کې پرانېستل شوې. غونډې ته د ملي پراختیا شرکت مالي او اداري مرستیال مولوي عبدالولي عادل وویل: اسلامي امارت تل هڅه کوي، تر څو خپلو هېواد والو ته په هره برخه کې کار او خدمت وکړي، چې یوه بېلګه یې د افغان ملي ماڼۍ د سترې پروژې چارو پیل کول دي او ټولو هېواد والو ته ډاډ ورکوو، چې د تېر په څېر به ملي پراختیا شرکت د کار کیفیت او کمیت ته ځانګړې پاملرنه کوي. د افغان ملي بانک رئیس ډاکتر شاکر جلالي وویل: د خوښۍ ځای دی، چې نن د دې سترې پروژې چارې پیل کوو او هڅه مو دا ده، چې له ملي پراختیا شرکت سره په ښه همغږۍ د افغان ملي ماڼۍ چارې پرمخ یوسو. د ملي پراختیا شرکت د کور جوړولو ودانیز ریاست رئیس استاد محمد میرویس ارغندیوال وویل: افغان ملي ماڼۍ ۱۳ پوړونه لري، چې لومړي ۳ پوړونه یې سوداګریز او وروستي ۱۰ پوړونه یې د استوګنې لپاره په پام کې نیول شوي دي. نوموړي زیاته کړه، چې د دې پروژې د پاتې چارو لپاره شاوخوا دوه میلیارده افغانۍ د ملي پراختیا شرکت ته ورکول کېږي. د یادولو وړ دی، افغان ملي ماڼۍ د افغان ملي بانک ملکیت ده او په کابل ښار کې موقعیت لري، [...]

د ملي پراختیا شرکت له لوري د جمهوریت روغتون د ریفورم او بیارغونې چارې د یو لړ ځانګړو مراسمو په ترڅ کې پرانېستل شوې، چې په دې مراسمو کې د ملي پراختیا شرکت مالي او اداري مرستیال مولوي عبدالولي عادل سر بېره د عامې روغتیا وزارت وزیر ډاکتر قلندر عباد، مخابراتو او معلوماتي ټکنالوژۍ وزارت وزیر مولوي نجیب الله حقاني، کور او ښار جوړولو وزارت وزیر مولوي حمدالله نعماني او یو شمېر نورو مسؤلینو ګډون کړی وو. غونډې ته د ملي پراختیا شرکت مالي او اداري مرستیال مولوي عبدالولي عادل وویل: موږ ټولو هېواد والو ته ډاډ ورکوو، چې د جمهوریت روغتون د بیارغونې چارې به د هېواد د نورو سترو او ملي پروژو په څېر په ډېرې چټکۍ سره په ښه کیفیت او کمیت پرمخ یوسو. د عامې روغتیا وزیر ډاکتر قلندر عباد وویل: هڅه مو داده، چې په هېواد کې روغتیایي خدمتونه معیاري کړو، چې ښه بېلګه یې تاسو نن وینئ، چې د جمهوریت روغتون د ریفورم او بیارغونې چارې مو پیل کړې او کوښښ کوو د هېواد ټولو وګړو ته معیاري روغتیایي خدمتونه وړاندې کړو. د مخابراتو او معلوماتي ټکنالوژۍ وزیر وویل: د شکر او ویاړ ځای دی، چې د ا.ا.ا په راتګ سره په بېلا بېلو برخو کې د هېواد د آبادۍ او پرمختګ زمینه مساعده شوې ده او له عامې روغتیا وزارت یې وغوښتل، تر څو هېواد والو ته د معیاري روغتیایي خدمتونو په وړاندې [...]

د ا.ا.ا د ریاست الوزراء اقتصادي مرستیال ملا عبدالغني برادر په مشرۍ پلاوي بلخ ولایت ته په خپل سفر کې، چې د ریاست الوزراء اداري مرستیال مولوي عبدالسلام حنفي، ملي پراختیا شرکت عمومي اجرائیوي رئیس عبدالرحمن عطاش، کورنیو چارو وزیر خلیفه سراج الدین حقاني، ملي دفاع وزیر مولوي محمد یعقوب مجاهد، کرنې، اوبو لګولو او مالدارۍ وزیر مولوي عطاءالله عمري، اوبو او انرژۍ وزیر ملا عبدالطیف منصور، لوړو زده کړو وزیر شیخ الحدیث ندا محمد ندیم، اقتصاد وزیر قاري دین محمد حنیف، صنعت او سوداګرۍ وزیر نورالدین عزیزي، چارو ادارې لوی رئیس شیخ الحدیث نورالحق انور، بهرنیو چارو وزارت سیاسي مرستیال شېر محمد عباس ستانکزي او یو شمېر نورو مسؤلینو یې ملتیا کوله د قوش تېپې ستر او ملي کانال د لومړي فاز د بشپړېدو او د دویم فاز د پیل چارې د یوې سترې ولسي غونډې په ترڅ کې پرانېستلې. د ریاست الوزراء اقتصادي مرستیال ملا عبدالغني برادر غونډې ته د وینا پر مهال وویل: د قوش تېپې کانال جوړول د افغانانو یوه ډېره پخوانۍ هیله وه، چې د اسلامي امارت له لوري پوره شوه او زموږ هڅه دا ده، چې د دې سترې پروژې پاتې چارې هم په ښه ډول پرمخ ولاړې شي.نوموړي زیاته کړه، ملي پراختیا شرکت د خپل غوره مدیریت له امله نړۍ حیرانه کړې، چې په افغاني کدرونو دومره سترې پروژې یې پیل کړې دي. د ریاست الوزراء اداري مرستیال مولوي عبدالسلام حنفي وویل: د [...]

د ملي پراختبا شرکت د دعوت او ارشاد ریاست له لوري د دینې آزموینې پایلې د دې شرکت د غونډو په تالار کې د ملي پراختیا شرکت د عمومي اجرائیوي رئیس عبدالرحمن عطاش، د دعوت او ارشاد عمومي ریاست رئیس شیخ الحدیث محمد هاشم شهید ورور، ملي پراختیا شرکت مالي او اداري مرستیال مولوي عبدالولي عادل، ملي پراختیا شرکت د تولید او سوداګرۍ چارو د همغږۍ مرستیال ریاض الدین شریفي، مالیې وزارت د دعوت او ارشاد ریاست رئیس او د ملي پراختیا شرکت د بېلا بېلو ریاستونو رئیسانو او کار کوونکو په شتون کې اعلان شوې. د ملي پراختیا شرکت د عمومي اجرائیوي رئیس عبدالرحمن عطاش غونډې ته د وینا پرمهال وویل، موږ دلته د امتیاز نه بلکې، یو فکر او عقیدې را ټول کړي یو او او هڅه مو دا ده، چې د دې کړېدلي هېواد او ملت د پرمختګ او هوساینې لپاره کار وکړو. د دعوت او ارشاد عمومي ریاست رئیس شیخ الحدیث محمد هاشم شهید ورور، د خپلو خبرو په ترڅ کې ملي پراختیا شرکت د هېواد د آبادۍ په لار کې یوه مخکښه اداره یاده کړه او د دې شرکت کار کوونکو ته یې خطاب کې وویل، لکه څنګه چې په مسلکي اړخ کې مو نوم ګټلی همداسې په دیني برخه کې هم هڅه وکړئ، چې د هېواد په سطحه نورو ادارو ته یو سمبول شئ. د ملي پراختیا شرکت د دعوت او ارشاد ریاست رئیس [...]