د مولوي احمدجان احمدي په مشرۍ ټاکل شوي پلاوي له ملي پراختیا شرکت څخه لیدنه وکړه
د امیرالمؤمنین شیخ الحدیث مولوي هبت الله آخندزاده حفظه الله له لوري د مولوي احمدجان احمدي په مشرۍ یو پلاوي، چې د مالیې وزارت سرپرست وزیر الحاج ملا محمد ناصر اخند، اقتصاد وزارت سرپرست وزیر قاري دین محمد حنیف، چارو ادارې لوی ریاست رئیس شیخ الحدیت نورالحق انور، د افغانستان بانک لوی رئیس ملا هدایت الله بدري او تخنیکي ټیم یې ملتیا کوله د ملي پراختیا شرکت له روانو چارو او راتلونکو پلانونو څخه هر اړخیزه ارزونه وکړه. د غونډې په پيل کې ټاکل شوي پلاوي ته د ملي پراختیا شرکت عمومي اجرائیوي رئیس عبدالرحمن عطاش له لوري د ښه راغلاست ترڅنګ د دې شرکت د کړنو او سترو پروژو اړوند معلومات ورکړل شول. د ملي پراختیا شرکت عمومي اجرائیوي رئیس وویل: ملي پراختیا شرکت د یو لوی امارتي شرکت په توګه د هېواد د آبادۍ او پرمختګ لپاره نه ستړې کېدونکې هلې ځلې کوي او دا مهال یو شمېر سترې پروژې تر لاس لاندې لري، چې په پلي کېدلو سره به یې هېواد د ځان بسیاینې پر لور سوق کړي. همدارنګه د ملي پراختیا شرکت د بنایي ودانیز ریاست د رئیس عبدالله احمدزي له لوري د غونډې ګډونوالو ته د ملي پراختیا شرکت د تېر درې نیم کلن مزل د کړنو او راتلونکو پلانونو په اړه یو پرېزېنټېشن ترتیب شوی وو او د غونډې له ګډونوالو سره یې شریک کړ. د امیرالمؤمنین حفظه الله له لوري د ټاکل شوي [...]
ملي پراختیا شرکت په تېر ۱۴۴۴هـ ق کال کې د ۸۹ پروژو چارې بشپړې کړې دي
د ملي پراختیا شرکت مسوولینو، نن سه شنبه (۱۴محرم، ۱۴۴۴) د حکومت د اطلاعاتو او رسنیو په مرکز کې د یوه خبري کنفرانس پر مهال، د ۱۴۴۴ کال د کړنو او فعالیتونو راپور له رسنیو سره شریک کړ. د ملي پراختیا شرکت مالي او اداري مرستیال، مولوي عبدالولي عادل وویل: ملي پراختیا شرکت په تېر ۱۴۴۴هـ ق کال کې په بېلا بېلو برخو کې د ۸۹ پروژو د تطبیق چارې بشپړې کړې دي او خپلو مالکینو ته یې سپارلې دي. نوموړي زیاته کړه، د قوش تېپې د ستر او ملي کانال د لومړي فاز چارې ۸۵ سلنه بشپړې شوي دي، چې د کانال د کیندلو تر څنګ په سربند او د مزار شریف – حیرتان سړک پر سر پل او د مزار شریف – حیرتان ترمنځ د رېل پټلۍ پل باندې په هغه سیمه کې، چې د قوش تېپې کانال تېرېږي په خورا چټکۍ کار روان دی. د ملي پراختیا شرکت د تولید او سوداګرۍ چارو د انسجام مرستیال، ریاض الدین شریفي وویل: ملي پراختیا شرکت په تېر ۱۴۴۴هـ ق کال کې د سرپل ولایت د بلخاب ولسوالۍ ډبرو سکارو کاني حوزې د استخراج لپاره د لومړنیو ودانیزو چارو پیل کول، په میدان وردګو ولایت کې د بلخاب کاني حوزې د ډبرو سکارو د پروسس او بسته بندۍ د مارکېټ جوړولو د چارو پیل کول، د هېواد په بېلا بېلو ولایتونو کې د غاصبینو له منګولو د ملي پراختیا شرکت [...]
په میدان وردګو ولایت کې د ډبرو سکارو د مارکېټ جوړولو چارې پرانېستل شوې
د میدان وردګو ولایت د مرکز میدانښار په کوټه عشرو سیمه کې د ملي پراختیا شرکت مسؤلینو، میدان وردګو ولایت ځایي مسؤلینو، میدان وردګو ولایت دیني علماوو او ولسونو له لوري د هېواد په کچه د ډبرو د سکارو د مارکېټ د جوړولو چارې د یو لړ ځانګړو مراسمو په ترڅ کې پرانېستل شوې. غونډې ته د ملي پراختیا شرکت مالي او اداري مرستیال مولوي عبدالولي عادل وویل: د ا.ا.ا د هېواد آبادۍ او اقتصادي ودې ته ژمن دی او په دې برخه کې ګڼې لاسته راوړنې لري. نوموړي زیاته کړه، ملي پراختیا شرکت د هېواد د کانونو معیاري استخراج ته ژمن دی او همدارنګه یې د میدان ښار له ولسونو د دې پروژې د تطبیق په برخه کې د همکارۍ غوښتنه وکړه. د ملي پراختیا شرکت د تولید او سوداګرۍ چارو د انسجام مرستیال ریاض الدین شریفي وویل: ملي پراختیا شرکت د لومړي ځل لپاره د بلخاب کاني حوزې د ډبرو سکارو لپاره یو معیاري او په نړیوالو سټنډرډونو برابر مارکېټ جوړوي، چې له دې مارکېټ څخه به د هېواد دننه او بهر د ډبرو سکاره لېږدول کېږي. د میدان وردګو والي قاري بختیار معاذ ولسونو ته د دغې لویې پروژې د پرانېستلو د مبارکۍ ویلو ترڅنګ زیاته کړه: په دغه پروژه او مارکېټ کې نه یوازې د میدان وردګو ولایت خلکو ته بلکې د هېواد په کچه به خلکو ته کاري فرصتونه برابر شي او هم یې له [...]
زیری؛ په هیواد کی د ډبرو سکارو د سوداګرو لپاره!
د بلخاب کاني حوزې د ډبرو سکاره په کورنیو او نړیوالو بازارونو کې له خورا ښه ارزښت څخه برخمن دي او ډېر پېرودونکي لري، نو په همدې اساس ملي پراختیا شرکت د هېواد له سوداګرو څخه د ملاتړ، په بازارونو کې د قېمتونو کنټرول او د ستونزو د لمنځه وړلو په پار د دې کاني حوزې ۲۰۰ زره ټنه د ډبرو سکاره په مناسبه او ارزانه بیه پلوري. نو هغه افغان سوداګر، چې د ډبرو سکارو د پېرلو لېوالتیا لري د ملي پراختیا شرکت مرکزي دفتر ته دې د ډبرو سکارو د پېرلو د پاتې پروسې لپاره تشریف راوړي. د اړیکو شمېرې: 0785255561 ایمېل: ndc.publicrelation@gmail.com آدرس: کابل - قصبه - د ملي پراختیا شرکت
د حیرتانو کرنیز او صنعتي کمپلکسونو د طرحې جوړولو کمېټې لومړنۍ غونډه وشوه
د دوشنبې په ورځ د ۹/۱۱/۱۴۴۴ نېټه د ملي پراختیا شرکت د عمومي اجرائیوي رئیس عبدالرحمن عطاش په مشرۍ د حیرتانو کرنیز او صنعتي کمپلکسونو د طرحې جوړولو کمېټې لومړنۍ غونډه د ملي پراختیا شرکت د غونډو په تالار کې وشوه، چې په دې غونډه کې د مالیې، کرنې، اوبو لګولو او مالدارۍ، اقتصاد، صنعت او تجارت، کور جوړولو وزارتونو او د چارو ادارې لوی ریاست استازو ګډون کړی وو. د ملي پراختیا شرکت عمومي اجرائیوي رئیس عبدالرحمن عطاش د حیرتانو کرنیز او صنعتي کمپلکسونه یوه مهمه او اړینه پروژه وبلله او زیاته یې کړه، ټول اړونده ارګانونه باید یو بل ته لاس ورکړو په ګډه سره دا ستره او ملي پرژوه پلې کړو تر څو نورو ته له لاس نیوي خلاص او هېواد مو د کرنې له اړخه په ځان بسیا شي. همدارنګه په غونډه کې له بحث وروسته دوه کمېټې جوړې شوې، چې د کرنې، اوبولګولو او مالدارۍ وزارت د استازي تر مشرۍ لاندې د کرنیز کمپلکس د طرحې جوړولو کمېټه، د صنعت او تجارت وزارت د استازي تر مشرۍ لاندې د صنعتي کمپلکس د طرحې جوړولو کمېټه او د نورو اړوندو وزارتونو او ادارو استازي به د کمېټو د غړو په ډول ور سره وي، چې د دې کمېټو مشري به د ملي پراختیا شرکت د عمومي اجرائیوي رئیس عبدالرحمن عطاش پر غاړه وي. د یادولو وړ دی، د ا.ا.ا رئیس الوزراء د درانه مقام د حکم [...]
ملي پراختیا شرکت باید په نوي او مډرن سېسټم یوه سنباله اداره وي
د ملي پراختیا شرکت عمومي اجرائیوي رئیس عبدالرحمن عطاش په ملي پراختیا شرکت کې د سېسټم جوړولو د ورکشاپ د پیل په مراسمو کې وویل: هڅه مو داده، ترڅو په نږدې راتلونکي کې یوه مډرنه او په عصري سېسټومونو برابره اداره ولرو، تر څو دې کړېدلي او مظلوم ملت ته ښه خدمات وړاندې کړای شو. نوموړي زیاته کړه، په یوه اداره کې د سېسټم شتون د کارکوونکو ترمنځ د مسؤلیت پېژندنې احساس پیداکوي. د یادولو وړ دی، چې په دې ورکشاف کې د ملي پراختیا شرکت مالي او اداري مرستیال مولوي عبدالولي عادل، د تولید او سوداګرۍ چارو د همغږۍ مرستیال ریاض الدین شریفي، د ریاستونو رئیسانو او مرستیالانو هم ګډون کړی وو، چې د انجنیز فواد قاسمي له لوري د نوي سېسټم په اړه هر اړخیز معلومات ګډونوالو ته وړاندې شول.
