سه شنبه ۲ مرغومې ۱۳۹۹ د ملي پراختیا شرکت د څو نورو ولایتونو په څير، میدان وردګ ولایت کې هم د کویډ ۱۹(کرونا) سل بستره روغتون ودانیز کارونه پرمخ وړي. دا روغتون چې له وړاندې جوړو ودانیزو ټوټو څخه په استفادې د بنايي ودانیزې تصدۍ لخوا جوړیږي؛ سمبالې خونې او مختلفې روغتیايي برخې به ولري. دمګړۍ ددې پروژې ودانیز کارونه له ۶۵سلنې څخه ډير پرمخ تللي او تمه ده پاتې کارونه ېې ډیر ژر بشپړ او د روغتیايي چوپړتیاوو د وړاندې کولو لپاره د هیوادوالو پرمخ پرانیستل شي.

دوشنبه ۱مرغومې ۱۳۹۹ د ملي پراختیا شرکت بغلان ولایت او ولسوالیو کې د اتلسو ودانیزې پروژې عملي کارونه پرمخ وړي چې ودانول ېې اړین او پرانیستل به ېې په اړوند برخو کې تر ډيره بریده د خلکو ستونزې حل کړي. پنځه پروژې چې یو لوی جومات، ټولنیز صالون، د لوبو جمنازیم او دوه بابه انتظار خونې پکې شاملې دي د بغلان ولایت په مرکز کې پلي شوي، چې د ځینو کارونه ېې بشپړ شوي هم دي. همداشان د ولسوالیو لپاره په ۱۳ محرابه جوماتونو هم عملي چارې پیل شوي چې په مرکزي بغلان، برکه، دوشي، نهرین، بنو، جلګه، خنجان، دهنه غوري، بل حصار، خوست، ده صلاح، تاله برفک او فرنګ ولسواليو کې په بیل مساحت او بیل شکل جوړیړي. د یادو ټولو پروژو ودانیزې چارې د ملي پراختیا شرکت د بنايي ودانیزه تصدۍ پرمخ وړي او مالي لګښت ېې د جمهوري ریاست د ملي پراختیا عملیاتي او ملاتړې ادارې لخوا ورکول کیږي.

یکشنبه ۳۰ لیندۍ ۱۳۹۹ د زابل پوهنتون د لیلېې ودانۍ چې له تهکوۍ سره په شپږو پوړونو کې ودانیږي او د شاوخوا زر تنه محصلینو د ځاییدو وړتیا لري، تر دې مهال ېې په ودانیزو چارو کې ېې ۵۰ سلنه پرمختګ شوی. ددې پروژې عملي چارې د ملي پراختیا شرکت د بنايي ودانیزه تصدۍ پرمخ وړي او مالي لګښت ېې د جمهوري ریاست د ملي پراختیا عملیاتي او ملاتړې ادارې لخوا ورکول کیږي. د ملي پراختیا شرکت زدکړالیانو د هوساینې په موخه ددې ودانۍ د ودانیزو چارو د پرمخ وړلو ترڅنګ، د یو شمیر نورو ولایتونو پوهنتونو کې، د ۱۸بابه لیلیو ودانولو عملي کارونه هم پرمخ وړي.

شنبه ۲۹ لیندۍ ۱۳۹۹ د ننګرهار په مرکز جلال آباد ښار کې د څو لویو ټولګټو ودانیزو او رغنیزو پروژو سربیره، ددې ولایت په ولسوالیو کې هم د جوماتونو جوړولو کارونه روان دي چې له ډلې ېې یو په چپرهار ولسوالۍ کې جوړیږي. د یاد جومات ودانیز کارونه د ملي پراختیا شرکت د بنايي ودانیزه تصدۍ پرمخ وړي او مالي لګښت ېې د جمهوري ریاست د ملي پراختیا عملیاتي او ملاتړې ادارې لخوا ورکول کیږي. دا جومات د هغو ۳۷۷بابه جوماتونو له ډلې څخه یو دی چې د ولسمشر په لارښوونه د ۳۴ ولایتونو په ولسوالیو کې جوړیږي. د یادونې وړ ده چې د ننګرهار په ۱۵ولسوالیو کې دا شان یو یو محراب جومات وانیږي چې د ځينو ودانیز کارونه به ېې په ډير کم وخت کې بشپړ شي.

پنجشنبه ۲۷ لیندۍ ۱۳۹۹ په بادغیس ولایت کې د لوبو یو باب جنمازیم چې ودانیزې چارې ېې نږدې ۷۲سلنه پرمخ وړل شوي، تر راتلونکي پسرلي به بشپړې او لوبغاړي به وشي کولی ورڅخه ګټه پور ته کړي. دا جمنازیم چې په یو وخت کې د سپورټي پروګرامونو د شاوخوا ۱۵۰۰ مینوالو او لیدونکو د ځاییدو ظرفیت لري، د جمهوري ریاست د ملي پراختیا عملیاتي او ملاتړې ادارې په مالي ملاتړ ېې ودانیزې چارې، د ملي پراختیا شرکت د بنايي ودانیزه تصدۍ پرمخ وړي. د یادونې وړ ده چې له جمنازیم سربیره په دې ولایت کې د ملي پراختیا شرکت لخوا په څو نورو ودانیزو پروژو هم چارې روانې دي چې پرانیستو سره به ېې اړوند برخو کې د خلکو ستونزې حل شي.

چهارشنبه ۲۶ لیندۍ ۱۳۹۹ نن د پلازمینې کابل د قرباغ ولسوالۍ یو شمیر قومي مشرانو، عالمانو او مخورو د عبدالرحمن عطاش په مشرۍ د ملي پراختیا شرکت له کړنو څخه ستاینه وکړه او له هغې څخه ېې خوښي وښوده. یادو ولسي مشرانو د ملي پراختیا شرکت کې د یوې ناستې په ترڅ کې، د دې شرکت د لوی اجرایوي مشر ښاغلي عبدالرحمن عطاش، د دې شرکت د بنايي ودانیزې تصدۍ د رییس احمد جاوید اخلاص او یو شمیر نورو مسئولینو څخه مننه او ستاینه وکړه، چې په دې سختو شرایطو کې ېې د هیواد بیا آبادولو په موخه په نوښتګره مدیریت، پراختیايي او ودانیز پلانونه په ښه توګه تطبیق کړي او د هر اړخیزه پرمختګ او سمسورتیا لپاره نه ستړې کېدونکي هلې ځلې کوي. له راغلو میلمنو څخه د ښاغلي عطاش په استازیتوب ددې شرکت دفتر مشر ښاغلي وحیدالله رحمدل او د بنايي ودانیزې تصدۍ د رییس ښاغلي جاوید اخلاص لخوا هرکلی وشو او د پلانونو عملي کېدو په برخه کې ېې د خلکو له هراړخیزو همکاريو څخه مننه وکړه. یادو مسئولینو ډاډ ورکړ چې د ملي پراختیا شرکت د هیواد د آبادۍ، ښيګڼي او پراختیا لپاره ښې طرحې او ګټور پلانونه په پام کې لري، چې په پلې کیدو سره به یې له یوې خوا خلکو ته کاري بوختیا او له بل پلوه به د آباد افغانستان شاهدان اوسو.