دوشنبه ۲۶ لړم ۱۳۹۹ د عامه خدمتونو د پروسو را لنډولو، برېښنايي کولو او تر یوه چتر لاندې راټولولو په موخه، د ۱۳۹۸ د غبرګولي په ۱۹مه، د هیواد ولسمشر محمد اشرف غني د احصایې او معلوماتو ملي ادارې ته لارښوونه کړې چې خپل مرکزونه (آسان خدمت څانګې) ولایتونو ته وغځوي. په همدې موخه کندهار ولایت کې د آسان خدمت د عامه چوپړتیاوو ودانۍ د ترمیمولو تړون د ملي پراختیا شرکت د افغاني ودانیز ریاست سره ترسره شو چې دا مهال پرې ودانیز کارونه روان دي. دا ودانۍ د احصایې او معلوماتو د ملي ادارې په مالي ملاتړ د څه کم ۳۴میلیونه افغانیو په لګښت په دوه پوړونو کې جوړیږي چې شاوخوا ۳۶ اداري او اړتیا وړ خونې لري او په پرمختللې ټکنالوجي به سمبال وي. همداراز د یادونې وړه ده چې دمګړۍ په کندهار ولایت کې د ملي پراختیا شرکت لخوا په څو لویو ودانیزو پروژو کارونه روان دي، چې د ځينو ودانیز کارونه به ېې په لنډ وخت کې پای ته ورسیږي او ګټې اخیستنې ته به وسپارل شي.

ننګرهار ولایت د ځمکو او قوالو ریاست نوې ودانۍ چې د ملي پراختیا شرکت د بنايي ودانیز ریاست لخوا ېې ودانیزې چارې سر ته رسول شوي، ګټې اخیستنې ته چمتو ده او ژر به پرانیستل شي.

یکشنبه ۲۵ لړم ۱۳۹۹ د لوبو دا جمنازیم چې د کنړ ولایت مرکز اسعد آباد کې جوړیږي او د ورزشي لوبو، لوبغاړو او مینوالو ته به د هوساینې او آسانتیاوو لامل شي، له لس سلنه پاتې ودانیزو چارو له بشپړیدو وروسته به پرانیستل شي. دا پروژه د جمهوري ریاست د ملي پراختیا عملیاتي او ملاتړې ادارې په مالي ملاتړ د ملي پراختیا شرکت دبنايي ودانیز ریاست لخوا جوړیږي. یاده دې وي دا مهال د کونړ په مرکز او ولسوالیو کې د ملي پراختیا شرکت له لورې له یو یو محراب جومات سربېره، د اسعد آباد په ۲۰۰ بستریز روغتون، سید جماالدین افغان پوهنتون کې په لیلېې او ځینو نورو پروژو کارونه روان دي چې بشپړیدو سره به ېې په اړوند برخو کې خلکو ته د پام وړ اسانتیاوې رامنځته شي

دا جومات د هغو ۳۷۷محرابه جوماتو څخه یو دی چې د ټول هیواد د ولسوالیو په کچه د ولسمشر په لارښوونه او د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنایی ودانیز ریاست لخوا جوړیږي.

شنبه ۲۴ لړم ۱۳۹۹ پروان ولایت کې د امام ابو حنیفه (رح) په پلارني کلي خواجه سیاران کې د امام ابو حنیفه د مهد علمي کمپلکس، ودانیزې چارې د یو باب لوی جومات د بنسټ ډبرې په کیښودو سره پیل شو چې ټولټال ۵۶ میلیون افغانۍ پرې لګښت راځي. دا جومات چې د ولسمشر په لارښوونه او د جمهوري ریاست د ملي پراختیا عملیاتي او ملاتړې ادارې په مالي ملاتړ په دوه پوړیز ډول په ۹۰۰ مربع متره مساحت ځمکه کې جوړیږي او په یو وخت کې به د ۱۵۰۰تنو لمونځ کوونکو د ځاییدو وړتیا ولري، ودانیزې او تخنیکي چارې ېې د ملي پراختیا شرکت د بنايي ودانیز ریاست پرمخ وړي. د امام ابو حنیفه (رح) د مهد علمي کمپلکس چې ۱۲جریبه ځمکه کې جوړیږي او پکې به مدرسه، لیلیه، کتابتون او نورې اړوند او اړینې څانګې هم شتون ولري، دمګړۍ هلته یواځې په جومات، اودس ځای او احاطوي دیوال کارونه پيل شوي دي. د یادونې وړ ده چې د دې جومات له جوړولو سربیره پروان ولایت مرکز کې په یو بل لوی جومات، د محصلینو لپاره په لیلیې، ټولنیز صالون او د لوبو د جمنازیم په څير په څو نورو پروژو د ملي پراختیا شرکت لخوا کارونه روان دي چې د ځينو کارونه ېې بشپړیدو ته نږدې دي.

شنبه ۲۴ لړم ۱۳۹۹ د ملي پراختیا شرکت د وړاندیز او د ولسمشرۍ د عالي مقام په منظورۍ ښاغلی محمد ظریف ستانکزی په فوق رتبه کې د ملي پراختیا شرکت د داخلي پلټنې د رییس په توګه معرفي شو. ښاغلی ستانکزی نن شنبه د ۱۳۹۹کال د لړم میاشتې په ۲۴ نیټه، د ملي پراختیا شرکت د تولیداتو د انسجام او پراختیا د مرستیال ښاغلي عبدالمومن منصور لخوا ددې شرکت یو شمیر لوړ پوړو کارکوونکو ته ور وپیژندل شو. د یادونې ده د ملي پراختیا شرکت د داخلي پلټنې رییس ښاغلي ستانکزي تر دې وړاندې د پلټنې عالي ادارې د حکومتدارۍ د سکتور او د قانون د ټینګښت، د مالېې وزارت د پلټنې د عمومي او د ملکیتونو د لوی رییس په توګه دندې ترسره کړي او د دوکتورا تر کچې لوړې زدکړې او د حقوقي پلټنو په برخه کې پخه تجربه لري؛ ګمارل ېې کولی شي د ملي پراختیا شرکت په ادارو کې د سمونونو په راوړو، د چارو د همغږۍ او ښه مدیریت او په ټوله کې ددې شرکت ستراتیژیکو موخو ته د لاسرسي په برخه کې ګټور واقع شي.