د ملي پراختیا شرکت مالي او اداري مرستیال مولوي عبدالولي عادل او تخنیکي ټیم زابل ولایت ته د خپل سفر په ترڅ کې د تورې بند له چارو څخه لیدنه وکړه او هم یې ځایي مسولینو ته د چارو د چټکتیا او په ښه کیفیت د تطبیق لپاره اړینې لارښوونې وکړې. د یادولو وړ دی، چې د تورې بند د قلات ښار په څلور کیلومترۍ کې موقعیت لري او د جوړولو چارې یې د ملي پراختیا شرکت له لوري پرمخ وړل کېږي

د ملي پراختیا شرکت مالي او اداري مرستیال مولوي عبدالولي عادل، نیمروز ولایت ته د خپل سفر په ترڅ کې، چې د بنایي ودانیز ریاست رئيس عبدالله احمدزي، افغاني ودانیز ریاست رئیس عبدالقادر متین، نظارت ریاست رئیس عبدالسمېع میرخېل او تخنیکي ټیم یې ملتیا کوله د کمال خان بند له ترکو او افضل کلا کانالونو له روانو چارو څخه لیدنه وکړه. مولوي عبدالولي عادل د دې پروژې له چارو څخه د لیدنې ترڅنګ د ځایي مسؤلینو ستونزې واورېدې او د حل د ډاډ ترڅنګ یې په خپلو خبرو کې د کمال خان بند ترکو او افضل کلا کانالونه د هېواد ستره او حیاتي پروژه یاده کړه او مسؤلینو ته یې د چارو د لا ښه تطبیق په موخه اړینې لارښوونې وکړې. د یادولو وړ دی، چې د کمال خان بند د ترکو او افضل کلا کانالونو کیندل د هېواد په جنوب لوېدیز کې د ملي پراختیا شرکت له سترو پروژو څخه ده، چې چارې یې اوس مهال له ۹۰ سلنې څخه ډېرې بشپړې شوي دي.

د ملي پراختیا شرکت مسوولینو، نن شنبه (۲۶ وري ۱۴۰۲) د حکومت د اطلاعاتو او رسنیو په مرکز کې د یوه خبري کنفرانس پر مهال، د ۱۴۰۱ مالي کال د کړنو او فعالیتونو راپور له رسنیو سره، شریک کړ. د ملي پراختیا شرکت مالي او اداري مرستیال، مولوي عبدالولي عادل وویل: ملي پراختیا شرکت په تېر ۱۴۰۱هـ ش کال کې د ۹۳ پروژو د تطبیق چارې چې بندونه، کانالونه او عامه ځایونه پکې شامل وو تر لاس لاندې نیولې وې، چې له ډلې یې تر دې دمه د ۸۳ پروژو چارې بشپړې کړي او د پاتې ۱۰ سترو او ملي پروژو چارې په خورا چټکۍ سره روانې دي. مولوي عبدالولي عادل زیاته کړه، د قوش تېپې د ستر او ملي کانال د لومړي فاز چارې ۷۲.۲۷ سلنه بشپړې شوي، اوسمهال په کې شاوخوا ۴ زره ماشینري او له ۷ زره ډېر کسان په کار بوخت دي. همدارنګه نوموړي وویل، د کمال خان بند د قلعه افضل او ترکو کانالونو د کیندنې چارې هم د ملي پراختیا شرکت له لوري په خورا چټکۍ سره روانې دي، چې تر دې دمه یې ۹۲ سلنه چارې پرمخ تللې دي. د ملي پراختیا شرکت د بنایي ودانیز ریاست رئیس عبدالله احمدزي وویل، د قوش تېپې کانال د لومړي فاز د دویم لاټ کانکرېټ اچونه او ۱۰۸ کیلومتره واټن کیندنه، د هېواد په بېلا بېلو برخو کې د ۵۴ جوماتونو جوړول، نمک آب کانال، توري [...]

په بغلان ولایت کې د ملي پراختیا شرکت اړوند د غوری سمنټو فابریکو ریاست له لوري د ترقي بڼ د پراختیا او نیالګیو کښېنولو چارې د غوري سمنټو فابریکو د رئیس له لوري پیل شوې. د مسؤلینو په خبره، په دې پړاو کې په ۶۰ جریبه ځمکه باندې به د بادامو او پستې ۶۰۰۰نیالګي کښېنول شي، چې له ډلې به یې ۵۶۰۰ بادام او پاتې د پستې نیالګي دي. د یادولو وړ ده، چې د ترقي بڼ د غوري سمنټو فابریکو ریاست له لوري د دې فابریکو اړوند سلګونه جریبه ځمکه کې د څاڅکو په سېسټم جوړ شوی دی.

پراختیا شرکت له ټولو کار کوونکو سره د یوې غونډې په ترڅ کې وکتل. ښاغلي عبدالرحمن عطاش د ملي پراختیا شرکت په تېرو کړنو، تر کار لاندې پروژو او راتلونکي پلانونو هر اړخیز بحث وکړ او د هېواد د آبادۍ او ځان بسیاینې لپاره یې د ملي پراختیا شرکت کړنې مهمې یادې کړې. ښاغلي عبدالرحمن عطاش زیاته کړه، خپلې خاورې او هېواد ته خدمت کول زمونږ دیني او ملي وجیبه ده او په دې لاره کې باید هېڅکله د ستړیا احساس ونه کړو. د یادولو وړ دی، چې اوس مهال ملي پراختیا شرکت د هېواد په تاریخ کې د تر ټولو سترې کرنیزې او اقتصادي( قوش تېپې ستر او ملي کانال) پروژې د تطبیق چارې په خورا چټکۍ سره روانې کړي دي.